ସ୍ୱାମୀ ସାଜିଲା ରାକ୍ଷସ, ଭୁଲିଗଲା 7 ବଚନ, ସ୍ତ୍ରୀକୁ ମାରି ଫାଶୀ ଦଉଡ଼ିରେ ଝୁଲାଇଦେଲା
ମଦ ପିଇ ପିଟି ପିଟି ମାରିଦେଲା ସ୍ତ୍ରୀକୁ
ଉତ୍ତରପ୍ରଦେଶ: ମଦ ଉଜୁଡେଇ ଦେଲା ସଂସାର। ବାହା ବେଦିରେ ଦେଇଥିବା ସାତଟି ପ୍ରତିଜ୍ଞା ଏବଂ ସାତ ଜନ୍ମ ପାଇଁ ଏକାଠି ରହିବାର ପ୍ରତିଶ୍ରୁତି ଭୁଲିଗଲା ସ୍ୱାମୀ। ମଦ ପିଇ ନିଜ ସ୍ତ୍ରୀକୁ ହତ୍ୟା କରି ଫାଶୀ ଦଉଡ଼ିରେ ଝୁଲାଇଦେଲା। ଏଭଳି ଏକ ଘଟଣା ଦେଖିବାକୁ ମିଳିଛି ୟୁପିର ଗାଜିପୁରରେ।
ମାମଲାଟି ବିରନୋ ଥାନା ଅଞ୍ଚଳର ବଧୂପୁର ଗାଁର, ଯେଉଁଠାରେ ଗୋଟିଏ ଦିନ ପୂର୍ବରୁ ଜଣେ ବିବାହିତ ମହିଳାଙ୍କ ମୃତଦେହ ଫାଶୀରେ ଝୁଲୁଥିବା ଅବସ୍ଥାରେ ମିଳିଥିଲା। ପରିବାର ସଦସ୍ୟମାନେ ହତ୍ୟା ବିଷୟରେ ପୋଲିସକୁ ସୂଚନା ନ ଦେଇ ମହିଳାଙ୍କ ଶବ ସଂସ୍କାର କରିବାକୁ ଚାହୁଁଥିଲେ। କିନ୍ତୁ ବିବାହିତ ମହିଳାଙ୍କ ଭାଇ ଘଟଣାସ୍ଥଳରେ ପହଞ୍ଚି ପୋଲିସକୁ ଫୋନ୍ କରି ଏ ବିଷୟରେ ସୂଚନା ଦେଇଥିଲେ।
ବ୍ରିଜେଶ ରାଜଭର ୨୦୦୩ ମସିହାରେ ପୁଷ୍ପା ନାମକ ଜଣେ ମହିଳାଙ୍କୁ ବିବାହ କରିଥିଲେ। ବିବାହ ପରଠାରୁ ସ୍ୱାମୀ ତାଙ୍କ ସ୍ତ୍ରୀଙ୍କୁ ବହୁତ ମାରପିଟ କରିବା ସହ ବହୁତ ହଇରାଣ କରୁଥିଲେ। ଏହି ଦମ୍ପତିଙ୍କ ତିନୋଟି ସନ୍ତାନ ଅଛନ୍ତି, ସେମାନଙ୍କର ନାମ ବିଶାଲ, ଅନନ୍ୟା ଏବଂ ନନ୍ଦିନୀ।
ପୁଷ୍ପାର ମୃତଦେହ ଗୋଟିଏ ଦିନ ପୂର୍ବରୁ ଫାଶରେ ଝୁଲୁଥିବା ଅବସ୍ଥାରେ ମିଳିଥିଲା। ଯେତେବେଳେ ତାଙ୍କ ପିଲାମାନେ ପହଞ୍ଚିଲେ, ସେମାନଙ୍କ ମାଆଙ୍କ ପାଦ ଭୂମିକୁ ସ୍ପର୍ଶ କରୁଥିଲା ଏବଂ ତାଙ୍କ ବାପା ବ୍ରିଜେଶ ତାଙ୍କ ପାଖରେ ବସିଥିଲେ। ତାଙ୍କ ମୁଣ୍ଡରେ ଗମ୍ଭୀର ଆଘାତ ଲାଗିଥିଲା।
ଗାଁ ପାଖରେ ଏକ ଦୋକାନରେ କାମ କରୁଥିବା ବ୍ରିଜେଶଙ୍କ ବଡ଼ ପୁଅ ବିଶାଲ ତାଙ୍କ ଭଉଣୀଙ୍କଠୁ ସୂଚନା ପାଇ ସେଠାରେ ପହଞ୍ଚିଥିଲେ ଏବଂ ଦେଖିଲେ ଯେ ତାଙ୍କ ମାଆଙ୍କ ପାଦ ମାଟି ଛୁଇଁଛି, ଯାହା ଯୋଗୁଁ ସେ କହିଥିଲେ ଯେ ତାଙ୍କ ମାଆ ଆତ୍ମହତ୍ୟା କରିନାହାଁନ୍ତି। ତାଙ୍କ ବାପା ପ୍ରତିଦିନ ମଦ ନିଶାରେ ତାଙ୍କ ମାଆଙ୍କୁ ପିଟୁଥିଲେ।
ଘଟଣା ଦିନ ମଧ୍ୟ ସେ ତାଙ୍କ ମାଆଙ୍କୁ ପିଟିଥିଲେ। ଯାହା ଯୋଗୁଁ ତାଙ୍କର ମୃତ୍ୟୁ ହୋଇଥିଲା ଏବଂ ଏହି ମୃତ୍ୟୁକୁ ଆତ୍ମହତ୍ୟା ଭଳି ଦେଖାଇବା ପାଇଁ ଏବଂ ନିଜକୁ ବଞ୍ଚାଇବା ପାଇଁ ତାଙ୍କ ବାପା ମୃତଦେହକୁ ଫାଶରେ ଝୁଲାଇ ଭିନ୍ନ ରୂପ ଦେବାକୁ ଚେଷ୍ଟା କରୁଛନ୍ତି।
୪ ମାସ ପୂର୍ବରୁ ମଧ୍ୟ ମାଡ଼ ମାରି ମାଆର ପିଠି ଭାଙ୍ଗି ଦେଇଥିଲେ। ଯେଉଁଥିପାଇଁ ସେ ତାଙ୍କ ବାପଘରେ 3 ମାସ ରହି ଚିକିତ୍ସା କରାଇଥିଲେ। ଏହାକୁ ଶୁଣି ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଅଭିଯୁକ୍ତ ବ୍ରଜେଶକୁ ଗିରଫ କରି ଥାନାକୁ ନେଇଛି।