ସକାଳେ ଖାଲି ପେଟରେ ଗ୍ରୀନ୍ ଟି ପିଇବା କେତେ ଭଲ, କ’ଣ କହୁଛନ୍ତି ବିଶେଷଜ୍ଞ

ଓଡ଼ିଶାଭାସ୍କର: ସ୍ୱାସ୍ଥ୍ୟ ପାଇଁ ଗ୍ରୀନ୍ ଟି ବହୁତ ଲାଭଦାୟକ ବୋଲି ବିବେଚନା କରାଯାଏ। ଆଣ୍ଟିଅକ୍ସିଡାଣ୍ଟରେ ଭରପୂର ଏହି ପାନୀୟ ଓଜନ ହ୍ରାସ କରିବାରେ ବହୁତ ପ୍ରଭାବଶାଳୀ।

ଏପରି ପରିସ୍ଥିତିରେ କିଛି ଲୋକ ସକାଳ ଗ୍ରୀନ୍ ଟି ସହିତ ଆରମ୍ଭ କରନ୍ତି। କିନ୍ତୁ ଏହା ସ୍ୱାସ୍ଥ୍ୟ ପାଇଁ ଲାଭଦାୟକ କି? ତେବେ ଆମେ ଆପଣଙ୍କୁ କହି ରଖୁଛୁ ଯେ, ଖାଲି ପେଟରେ ଗ୍ରୀନ୍ ଟି ପିଇବା ବିଷୟରେ ବିଶେଷଜ୍ଞଙ୍କ ମତ ଭିନ୍ନ, କିନ୍ତୁ ଅଧିକାଂଶ ବିଶେଷଜ୍ଞ କାଲି ପେଟରେ ଗ୍ରୀନ୍ ଟି ପିଇବାରୁ ଦୂରେଇ ରହିବାକୁ ପରାମର୍ଶ ଦିଅନ୍ତି।

ଖାଲି ପେଟରେ ଗ୍ରୀନ୍ ଟିକୁ ଏଡ଼ାଇବା: ଗ୍ରୀନ୍ ଟିରେ ଟାନିନ୍ ଏବଂ ପଲିଫେନୋଲ୍ ଥାଏ, ଯାହା କାଲି ପେଟରେ ପିଇଲେ ପେଟର ଏସିଡ୍ ଉତ୍ପାଦନ ବୃଦ୍ଧି କରିପାରେ। ଏହା ଏସିଡିଟି, ପେଟ ପୋଡ଼ିବା, ବଦହଜମୀ କିମ୍ୱା ବାନ୍ତି ଭଳି ସମସ୍ୟା ସୃଷ୍ଟି କରିପାରେ।

ଏହା ପେଟର ପ୍ରାକୃତିକ ପାଚନକୁ ମଧ୍ୟ ପ୍ରଭାବିତ କରିପାରେ। ଗ୍ରୀନ୍ ଟିରେ ଥିବା କ୍ୟାଟେଚିନ୍ ଖାଦ୍ୟରୁ ଲୌହ ଶୋଷଣକୁ ହ୍ରାସ କରିପାରେ।

ଗ୍ରୀନ୍ ଟି ପିଇବାର ସଠିକ୍ ସମୟ: ବିଶେଷଜ୍ଞଙ୍କ ମତ ଅନୁସାରେ, ଗ୍ରୀନ୍ ଟି ପିଇବାର ସର୍ବୋତ୍ତମ ସମୟ ହେଉଛି ସାଧାରଣତଃ ଖାଦ୍ୟ ପରେ କିମ୍ୱା ହାଲୁକା ନାସ୍ତା ପରେ।

ହାଲୁକା ନାସ୍ତା ପରେ ସକାଳେ ଗ୍ରୀନ୍ ଟି ପିଇବାକୁ ସର୍ବୋତ୍ତମ ବୋଲି ବିବେଚନା କରାଯାଏ। ଏହା ଶରୀରକୁ ଆବଶ୍ୟକୀୟ ଆଣ୍ଟିଅକ୍ସିଡାଣ୍ଟ ଯୋଗାଇଥାଏ ଏବଂ ଶକ୍ତି ସ୍ତର ବୃଦ୍ଧି କରେ। ଖାଦ୍ୟ ପରେ ଗ୍ରୀନ୍ ଟି ପିଇବା ପାଚନ ତନ୍ତ୍ର ପାଇଁ ଲାଭଦାୟକ।

ଏହା ପାଚନକୁ ତ୍ୱରାନ୍ୱିତ କରେ ଏବଂ ପେଟ ସମସ୍ୟା ଦୂର କରିବାରେ ସହାୟକ ହୁଏ। ସନ୍ଧ୍ୟାରେ ଯେତେବେଳେ ଶରୀର ଶକ୍ତିର ଅଭାବ ଅନୁଭବ କରେ ଗ୍ରୀନ୍ ଟି ଏକ ପ୍ରାକୃତିକ ଶକ୍ତି ବର୍ଦ୍ଧକ ଭାବରେ କାର୍ଯ୍ୟ କରେ।

କିଛି ଲୋକ ବ୍ୟାୟାମ ପୂର୍ବରୁ କିମ୍ବା ପରେ ଗ୍ରୀନ୍ ଟି ପିଇବାକୁ ପସନ୍ଦ କରନ୍ତି, କାରଣ ଏହା କାର୍ଯ୍ୟଦକ୍ଷତା ସ୍ତରକୁ ଉନ୍ନତ କରିବାରେ ଏବଂ ଷ୍ଟାମିନା ବୃଦ୍ଧି କରିବାରେ ସାହାଯ୍ୟ କରିପାରେ।

କେତେ ପିଇବା ଉଚିତ:  ସାଧାରଣତଃ ଦିନକୁ ୨ ରୁ ୩ କପ୍ ଗ୍ରୀନ୍ ଟି ଯଥେଷ୍ଟ ବୋଲି ବିବେଚନା କରାଯାଏ। ଅତ୍ୟଧିକ ଗ୍ରୀନ୍ ଟି ପିଇବା ଦ୍ୱାରା ପେଟ ଖରାପ, ଅନିଦ୍ରା ଏବଂ ଯକୃତ ଉପରେ ଚାପ ପରି ସମସ୍ୟା ହୋଇପାରେ।