ନିଜକୁ IAS କହିଲେ ଲୁଟେରା, ପ୍ରମାଣ ବି ଦେଖାଇଲେ…କାଣ୍ଡ ଜାଣି ଉଡିଯବ ହୋସ୍‌

ଲକ୍ଷ୍ନୌ: ଉତ୍ତର ପ୍ରଦେଶର ଇଟାୱା ଜିଲ୍ଲାରେ ଲୁଟେରାଙ୍କ ନୂଆ ଆବତାର । ନିଜକୁ IAS ଅଫିସର କହି ଏପରି କାଣ୍ଡ କଲେ, ଶୁଣିଲେ ଆପଣ ବି ଆଶ୍ଚର୍ଯ୍ଯ ହୋଇଯିବେ । Bla-Bla ଆପ୍ ମାଧ୍ୟମରେ କାର ବୁକ୍ କରି ଯାତ୍ରା କରୁଥିବା ଜଣେ ବ୍ୟକ୍ତିଙ୍କଠାରୁ ଲୁଟ୍ କରିଥିବା ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଅଭିଯୁକ୍ତଙ୍କଠାରୁ IAS ର ଏକ ନକଲି ନିଯୁକ୍ତି ପତ୍ର ମଧ୍ୟ ଉଦ୍ଧାର କରାଯାଇଛି। ସୈଫାଇ ପୋଲିସ ଏବଂ ସାଇବର ସେଲ୍ ମିଳିତ ଅପରେସନରେ ଉଭୟ ଡକାୟତଙ୍କୁ ଗିରଫ କରିଛି।

ଆଶ୍ଚର୍ଯ୍ୟଜନକ କଥା ହେଉଛି ସେମାନଙ୍କ ମଧ୍ୟରୁ ଜଣେ ନିଜକୁ ଶାମଲିର SDM କହି ଗାଡ଼ି ଚଲାଉଥିଲେ ଏବଂ ଭାରତ ସରକାର ଲେଖାଥିବା ସ୍କୋର୍ପିଓରେ ଲୋକଙ୍କୁ ଠକୁଥିଲେ। ପୋଲିସ ସେମାନଙ୍କ ନିକଟରୁ ନକଲି IAS ନିଯୁକ୍ତି ପତ୍ର, ପିସ୍ତଲ, ଜୀବନ୍ତ କାର୍ଟୁସ୍, ନଗଦ ଟଙ୍କା, ପୀଡିତଙ୍କ ପର୍ସ, କ୍ରେଡିଟ୍ କାର୍ଡ ଏବଂ ସ୍କୋର୍ପିଓ କାର ଜବତ କରିଛି।

ଏହି ଘଟଣାଟି ଜୁଲାଇ ୧୧ ରାତିରେ ଘଟିଥିଲା । ସୂଚନାମୁତାବକ, ଆଜମଗଡ଼ର ବାସିନ୍ଦା ରାମପ୍ରବେଶ ନାମକ ଜଣେ ଯୁବକ ବ୍ଲା-ବ୍ଲା ଆପ୍ ରୁ ଏକ କ୍ୟାବ୍ ବୁକ୍ କରିଥିଲେ। ସେ ଆଗ୍ରା ଯାଉଥିଲେ, କିନ୍ତୁ ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେର ସୈଫାଇ ଅଞ୍ଚଳରେ ପହଞ୍ଚିବା ମାତ୍ରେ ଦୁଇଜଣ ଯୁବକ ତାଙ୍କୁ ଜୋରଜବରଦସ୍ତ ନିଜ ସ୍କୋର୍ପିଓରେ ବସାଇ ଲୁଟ କରିଥିଲେ। ପୀଡିତ ବ୍ୟକ୍ତି କୌଣସି ପ୍ରକାରେ ଖସି ପଳାଇ ଯାଇ ସୈଫାଇ ପୋଲିସକୁ ଘଟଣା ବିଷୟରେ ଜଣାଇଥିଲେ। ତେବେ ସାଇବର ସେଲ୍ ସହାୟତାରେ ଡକାୟତମାନଙ୍କୁ ଗିରଫ କରିଛି ପୋଲିସ ।

ତଲାସି କରିବା ସମୟରେ ସେମାନଙ୍କଠାରୁ ଏକ ନକଲି IAS ନିଯୁକ୍ତି ପତ୍ର ମିଳିଥିଲା। ପଚରାଉଚରା ସମୟରେ, ଏହା ମଧ୍ୟ ଜଣାପଡ଼ିଥିଲା ଯେ ମୁଖ୍ୟ ଅଭିଯୁକ୍ତ ଅମର ପାଣ୍ଡେ ଦିଲ୍ଲୀରେ UPSC ପାଇଁ ପ୍ରସ୍ତୁତି କରୁଥିଲେ। ବିଫଳ ହେବା ପରେ, ସେ ଏକ ନକଲି IAS ନିଯୁକ୍ତି ପତ୍ର ପ୍ରସ୍ତୁତ କଲେ ଏବଂ ତାଙ୍କ ସ୍କୋର୍ପିଓ କାରରେ ଭାରତ ସରକାରଙ୍କ ନମ୍ବର ପ୍ଲେଟ୍ ଲଗାଇ ଜଣେ ନକଲି ଅଧିକାରୀ ହେଲେ। ତାଙ୍କର ଲକ୍ଷ୍ୟ ଥିଲା ଟୋଲ୍ ଟ୍ୟାକ୍ସ ବଞ୍ଚାଇବା ଏବଂ ତାଙ୍କ ବନ୍ଧୁମାନଙ୍କୁ ପ୍ରଭାବିତ କରିବା। ତେବେ ଅନ୍ୟ ଅଭିଯୁକ୍ତ ମଧ୍ୟ ତାଙ୍କର ବନ୍ଧୁ ବୋଲି ଜମାପଡ଼ିଛି । ପୋଲିସ ଏନେି ଏକ ମାମଲା ରପଜ୍ଜୁ କରି ତଦନ୍ତ ଆରମ୍ଭ କରିଛି ।