ପିଲାଙ୍କ ପାଇଁ ଖୁସି, ଘରେ କରିବେ ମଜାମସ୍ତି, ୨ ଦିନ ସ୍କୁଲ, କଲେଜ ବନ୍ଦ

ନୂଆଦିଲ୍ଲୀ: ପିଲାଙ୍କ ପାଇଁ ଖୁସି ଖବର । ଆଜି ଠୁ ଦୁଇ ଦିନ ବନ୍ଦ ରହିବ ସ୍କୁଲ । ପ୍ରବଳ ବର୍ଷା ପାଇଁ ଏଭଳି ନିଷ୍ପତି ନିଆଯାଇଛି । ୨ ଦିନ ପିଲା କରିବେ ମଉଜ ମସ୍ତି ।

ଦେଶରେ ଅନେକ ସ୍ଥାନରେ କିଛି ଦିନ ହେବ ଲାଗି ରହିଛି ବର୍ଷା ସେହିପରି ତେଲେଙ୍ଗାନାରେ ମଧ୍ୟ ଲଗାଣ ବର୍ଷା ଲାଗି ରହିଛି ।

ପ୍ରବଳ ବର୍ଷା ଯୋଗୁଁ ତେଲେଙ୍ଗାନର କାମରାରେଡ୍ଡୀ ଜିଲ୍ଲାରେ ସ୍କୁଲ, କଲେଜ ବନ୍ଦ ନେଇ ନିଷ୍ପତି ହୋଇଛି ।

ଜିଲ୍ଲା କଲେକ୍ଟର ଜିଲ୍ଲା ଶିକ୍ଷାଧିକାରୀଙ୍କୁ ଆଜି କାଲି ଅର୍ଥାତ ଅଗଷ୍ଟ ୨୯ ତାରିଖ ଏବଂ ୩୦ ତାରିଖରେ ଜୁନିୟର ଏବଂ ଡିଗ୍ରୀ କଲେଜ ସମେତ ସମସ୍ତ ସରକାରୀ ଏବଂ ବେସରକାରୀ ଶିକ୍ଷାନୁଷ୍ଠାନ ପାଇଁ ଛୁଟି ଘୋଷଣା କରିବାକୁ ନିର୍ଦ୍ଦେଶ ଦେଇଛନ୍ତି ।

ଏପଟେ ଓଡ଼ିଶାରେ ମଧ୍ୟ ଆଜି ନୂଆଁଖାଇ ପାଇଁ ବନ୍ଦ ରହିଛି ସ୍କୁଲ । ଗଣେଶ ପୂଜା ଠାରୁ ଆଜିକୁ ମିଶାଇ ୩ ଦିନ ହେବ ବନ୍ଦ ରହିଛି ସ୍କୁଲ, କଲେଜ ।