ଟ୍ରମ୍ପଙ୍କୁ ଶକ୍ତ ଚାପୁଡ଼ା, ଡୋନାଲ୍ଡ ଟ୍ରମ୍ପଙ୍କ ଟାରିଫ୍ ବେଆଇନ ବୋଲି କହିଲେ ଆମେରିକା କୋର୍ଟ

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଶକ୍ତ ଝଟକା। ଟ୍ରମ୍ପଙ୍କୁ ଶକ୍ତ ଚାପୁଡ଼ା ମାରିଲେ ଆମେରିକା କୋର୍ଟ। ଟ୍ରମ୍ପ ଲଗାଇଥିବା ଟାରିଫକୁ ବେଆଇନ୍ କହିଲେ ଆମେରିକା କୋର୍ଟ।

ଆମେରିକା ଅପିଲସ କୋର୍ଟଙ୍କ ଏଭଳି ଏକ ଗୁରୁତ୍ୱପୂର୍ଣ୍ଣ ରାୟ ଆସିଛି। ଟାରିଫ୍ କିମ୍ୱା ଟିକସ ଲଗାଇବାର କ୍ଷମତା ରାଷ୍ଟ୍ରପତିଙ୍କର ନାହିଁ ବୋଲି କହିଲେ କୋର୍ଟ।

ତେବେ ଅକ୍ଟୋବର ୧୪ ତାରିଖ ଯାଏଁ ଟାରିଫ୍ ଜାରି ରଖିବାକୁ କୋର୍ଟ ଅନୁମତି ଦେଇଛନ୍ତି। ଏହାପରେ ଏହି ଟାରିଫ୍ ଉଠିଯିବ ବୋଲି ଅନୁମାନ କରାଯାଉଛି।

ହେଲେ ସେପଟେ କୋର୍ଟଙ୍କ ଏପରି ଫଇସଲାକୁ ପକ୍ଷପାତପୂର୍ଣ୍ଣ କହି ସମାଲୋଚନା କରିଛନ୍ତି ଡୋନାଲ୍ଡ ଟ୍ରମ୍ପ। ସେ କହିଛନ୍ତି ଟାରିଫ୍ ଦେଶର ହିତ ପାଇଁ, ଏଭଳି ଫଇସଲା ଦେଶକୁ ବରବାଦ୍ କରିଦେବ।

ତେଣୁ ଅପିଲସ କୋର୍ଟଙ୍କ ରାୟକୁ ନେଇ ଖୁସି ନଥିବାରୁ ଟ୍ରମ୍ପ କହିଲେ ଏଥିପାଇଁ ଆମେ ସୁପ୍ରିମକୋର୍ଟ ଯିବୁ।  ଆଗକୁ ବି ଟାରିଫ୍ ଜାରି ରଖିବୁ।