ରସିକିଆ ସଂସ୍କୃତ ଶିକ୍ଷକ ନିଲମ୍ବିତ, ସାର୍‌ଙ୍କ ନାଁରେ ଅସଦାଚରଣ ଅଭିଯୋଗ ଆଣିଥିଲେ ୭ ଛାତ୍ରୀ

ବଣାଇ: ଦେଶରେ ତଥା ରାଜ୍ୟରେ ଅସଦାଚରଣ, ଦୁଷ୍କର୍ମ ଏବଂ ହତ୍ୟା ମାମଲା ପ୍ରତିଦିନ ଘଟୁଛି। ଏହାରି ମଧ୍ୟରେ ଏମିତି ଏକ ଘଟଣା ସାମ୍ନାକୁ ଆସିଛି ଯେଉଁଥିରେ ଜଣେ ସଂସ୍କୃତ ଶିକ୍ଷକଙ୍କୁ ଅସଦାଚରଣ ପାଇଁ ବିଦ୍ୟାଳୟରୁ ନିଲମ୍ବନ କରାଯାଇଛି।

ସୁନ୍ଦରଗଡ଼ ଡିଇଓ ଏହି ରସିକିଆ ସଂସ୍କୃତ ଶିକ୍ଷକଙ୍କୁ ନିଲମ୍ବନ କରିଛନ୍ତି। ଗୁରୁଣ୍ଡିଆ ବ୍ଲକର ଏକ ସ୍କୁଲର ସଂସ୍କୃତ ଶିକ୍ଷକ ଆଦିତ୍ୟ ପ୍ରଧାନ ନିଲମ୍ବିତ ହୋଇଛନ୍ତି। ସଂସ୍କୃତ ଶିକ୍ଷକଙ୍କ ନାଁରେ ଅସଦାଚରଣ ଅଭିଯୋଗ ଆଣିଥିଲେ ୭ଜଣ ଛାତ୍ରୀ।

ଛାତ୍ରୀଙ୍କ ଅଭିଯୋଗ ପରେ ଗୁରୁଣ୍ଡିଆ ଥାନାରେ ଏତଲା ଦେଇଥିଲେ ପ୍ରଧାନ ଶିକ୍ଷକ। ଯାହାପରେ ସଂସ୍କୃତ ଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।