‘ରାହୁଲଙ୍କ ନୌଟଙ୍କିକୁ ଦେଶର ଜନତା କେବେଠୁ ବନ୍ଦ କରିଦେଇଛନ୍ତି’
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନୌଟଙ୍କି କରୁଥିବା ନେଇ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି ଟୁଇଟ୍ କରିବା ପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛି ବିଜେପି । ଏହାର ଜବାବରେ ବିଜେପି ପକ୍ଷରୁ କୁହାଯାଇଛି ଯେ ଦେଶର ନାଗରିକଙ୍କ ସହ ମିଶି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରୋନା ମହାମାରୀ ଭଳି ସଂକଟ ପରିସ୍ଥିତିକୁ ମୁକାବିଲା କରୁଛନ୍ତି । କିନ୍ତୁ ରାହୁଲଙ୍କ ଏଭଳି ‘ନୌଟଙ୍କି’ ମନ୍ତବ୍ୟ ଦେଶର ପ୍ରଧାନମନ୍ତ୍ରୀଙ୍କ ସମେତ ଦେଶର ନାଗରିକଙ୍କୁ ଘୋର ଅସମ୍ମାନ । ତେବେ ଆମେ ଏଭଳି ଅପମାନଜନକ ଶବ୍ଦ ବ୍ୟବହାର କରିବାକୁ ଚାହୁନାହୁଁ, କାରଣ ରାହୁଲଙ୍କ ନୌଟଙ୍କିକୁ ଦେଶବାସୀ କେବେଠାରୁ ବନ୍ଦ କରିଦେଇଛନ୍ତି ବୋଲି ବିଜେପି କଡ଼ା ସମାଲୋଚନା କରିଛି ।
ବିଜେପିର ବରିଷ୍ଠ ନେତା ତଥା କେନ୍ଦ୍ରମନ୍ତ୍ରୀ ପ୍ରକାଶ ଜାଭଡ଼େକର କହିଛନ୍ତି ଯେ, ପ୍ରଥମେ ତ କଂଗ୍ରେସକୁ ଭାକ୍ସିନ୍ ଉପରେ ଭରସା ନଥିଲା । ଏପରିକି କଂଗ୍ରେସର ଜଣେ ନେତା ଏହାକୁ ‘ମୋଦୀ ଟିକା’ ବୋଲି କହିଥିଲେ । କୋଭାକ୍ସିନକୁ ନେଇ ରାହୁଲ ଲୋକଙ୍କ ମନରେ ଭ୍ରମ ସୃଷ୍ଟି କରୁଥିବାବେଳେ ୨୦୨୪ ପର୍ଯ୍ୟନ୍ତ ଟିକାକରଣ ଚାଲିବ ବୋଲି ମତ ଦେଉଛନ୍ତି । କିନ୍ତୁ ଆମେ କହୁଛୁ ଯେ ଚଳିତ ବର୍ଷ ଶେଷ ସୁଦ୍ଧା ସାରା ଦେଶ ସମ୍ପୂର୍ଣ୍ଣ ଟିକାକରଣ ହୋଇଯିବ । ଏଭଳି ଦୃଢ଼ୋକ୍ତି ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ ଶ୍ରୀ ଜାଭଡ଼େକର । ଏଥିସହ ସେ ଆହୁରି କହିଛନ୍ତି ଯେ ଯଦି ରାହୁଲଙ୍କୁ ଟିକା ପାଇଁ ଚିନ୍ତା ଅଛି, ତେବେ ଶାସନରେ ଥିବା ରାଜ୍ୟଗୁଡ଼ିକୁ ସେ ପ୍ରଥମେ ଧ୍ୟାନ ଦିଅନ୍ତୁ ।
प्रधानमंत्री देश की जनता के साथ मिलकर कोविड का सामना कर रहे हैं ऐसे समय में राहुल गांधी सरकार द्वारा किये गए प्रयासों के लिए, नौटंकी शब्द का उपयोग करते हैं, ये देश और देश की जनता का अपमान है। ऐसे शब्दों का इस्तेमाल हम नहीं करेंगे क्योंकि उनकी नौटंकी जनता ने कब की बंद कर दी है। pic.twitter.com/KPpbxS7qwG
— Prakash Javadekar (@PrakashJavdekar) May 28, 2021
ଅନ୍ୟପକ୍ଷରେ ରାଜସ୍ଥାନରେ ପ୍ରତିଦିନ ଏକ ଦୁଷ୍କର୍ମ ମାମଲା ଆସୁଥିବାବେଳେ ଏକ ଆମ୍ବୁଲାନ୍ସ ମଧ୍ୟ ଏଭଳି ଅଭାବନୀୟ ଘଟଣାରେ ସମ୍ପୃକ୍ତ ଥିବା ଅଭିଯୋଗ ହୋଇଛି। ସେହିପରି ଜଣେ ମହିଳା ସାଂସଦଙ୍କୁ କଂଗ୍ରେସ କାର୍ଯ୍ୟକର୍ତ୍ତା ଆକ୍ରମଣ କରିଥିବା ମଧ୍ୟ ସାମ୍ନାକୁ ଆସିଛି । ଏଭଳି ସ୍ଥଳେ ରାହୁଲ ଦେଶବାସୀଙ୍କୁ ଉପଦେଶ ଦେବା ପରିବର୍ତ୍ତେ ନିଜ ଦଳ ଦ୍ୱାରା ଶାସିତଗୁଡ଼ିକୁ ଅଧିକ ଧ୍ୟାନ ଦିଅନ୍ତୁ ବୋଲି କେନ୍ଦ୍ରମନ୍ତ୍ରୀ ଜାଭଡ଼େକର କହିଛନ୍ତି ।
