ଡିସେମ୍ବର ସୁଦ୍ଧା ୨୦୦ କୋଟି କରୋନା ଟିକା ଡୋଜ ପ୍ରସ୍ତୁତ ହେବ: ହର୍ଷ ବର୍ଦ୍ଧନ
ନୂଆଦିଲ୍ଲୀ: ଚଳିତ ବର୍ଷ ଶେଷ ସୁଦ୍ଧା ଦେଶର ସମସ୍ତଙ୍କୁ କରୋନା ଟିକା ଦିଆଯିବା ନେଇ କେନ୍ଦ୍ର ମନ୍ତ୍ରୀ ଦାବି କରିଛନ୍ତି। ସେ କହିଛନ୍ତି ଟିକା ଉତ୍ପାଦନ ବୃଦ୍ଧି ପାଇଁ ପଦକ୍ଷେପ ନିଆଯାଇଛି। ବର୍ଷ ଶେଷ ସୁଦ୍ଧା ଦେଶରେ ୨୦୦ କୋଟିରୁ ଅଧିକ ଟିକା ଡୋଜର ଆନୁମାନିକ ଉପଲବ୍ଧତା ରହିଛି। ସରକାର ଏହାର ବିଭିନ୍ନ ପର୍ଯ୍ୟାୟ ଉପରେ ନଜର ରଖିବେ।
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ହର୍ଷବର୍ଦ୍ଧନ କହିଛନ୍ତି ଯେ ଦେଶବ୍ୟାପୀ ଟିକାକରଣ ଅଭିଯାନ ଅଧୀନରେ କେନ୍ଦ୍ର ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ମାଗଣା କୋଭିଡ ଟିକା ଯୋଗାଉଛି। ଏହା ବ୍ୟତୀତ କେନ୍ଦ୍ର ସରକାର ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ପାଇଁ ଟିକା କିଣିବାରେ ମଧ୍ୟ ସହଜ କରୁଛନ୍ତି। କେନ୍ଦ୍ର ମନ୍ତ୍ରୀ ସୂଚନା ଦେଇଛନ୍ତି ଯେ, ମେ ୧, ୨୦୨୧ ଠାରୁ, କୋଭିଡ -୧୯ ଟିକାକରଣର ଉଦାରବାଦୀ ଏବଂ ଦ୍ରୁତ ରଣନୀତିର ତୃତୀୟ ପର୍ଯ୍ୟାୟ କାର୍ଯ୍ୟକାରୀ ହୋଇଛି । ପୂର୍ବ ପରି କେନ୍ଦ୍ରକୁ ମିଳୁଥିବା ଡୋକକୁ ରାଜ୍ୟ ସରକାରଙ୍କୁ ମାଗଣାରେ ଉପଲବ୍ଧ କରାଇବ। ହର୍ଷ ବର୍ଦ୍ଧନ ସୂଚନା ଦେଇଛନ୍ତି ଯେ ଭାରତ ସରକାର ଏପର୍ଯ୍ୟନ୍ତ ୨୨.୪୬ କୋଟିରୁ ଅଧିକ ଡୋଜ (୨୨ କୋଟି ୪୬ ଲକ୍ଷ ୮ ହଜାର ୧୦) ଟିକା ଯୋଗାଇ ଦେଇଛନ୍ତି। ।
ସେଥିମଧ୍ୟରୁ ମୋଟ ୨୦ କୋଟି ୪୮ ଲକ୍ଷ ୪ ହଜାର ୮୫୩ ଟିକା ଖର୍ଚ୍ଚ ହୋଇଛି, ଏଥିରେ ନଷ୍ଟ ହୋଇଥିବା ମାତ୍ରା ମଧ୍ୟ ରହିଛି। ବର୍ତ୍ତମାନ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ପାଖରେ ୧.୮୪ କୋଟିରୁ ଅଧିକ ଡୋଜ (ଏକ କୋଟି ୮୪ ଲକ୍ଷ ୯୨ ହଜାର ୬୭୭) କୋଭିଡ ଟିକା ରହିଛି । ଏହା ବ୍ୟତୀତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକୁ ୩,୨୦,୩୮୦ ଟିକା ଆସନ୍ତା ତିନି ଦିନ ମଧ୍ୟରେ ଦିଆଯିବ।