ବେଦୀରେ କନ୍ୟାଙ୍କ ପାଦ ଛୁଇଁଲେ ବର, ଏହା ଦେଖି ସ୍ତବ୍ଧ ହେଇଗଲେ ଘରଲୋକ
ନୂଆଦିଲ୍ଲୀ (ଓଡ଼ିଶା ଭାସ୍କର) ଭାରତୀୟ ପରମ୍ପରା ଅନୁଯାୟୀ ବିବାହ ପରେ କନ୍ୟା ବରଙ୍କ ପାଦ ଛୁଇଁଥାନ୍ତି । କିନ୍ତୁ ନିକଟରେ ସୋସିଆଲ ମିଡିଆରେ ଏକ ଫଟୋ ବହୁତ ଭାଇରାଲ୍ ହେବାରେ ଲାଗିଛି । ଫଟୋରେ ବର କନ୍ୟାଙ୍କ ପାଦ ଛୁଇଁ ଥିବାର ଦେଖାଯାଇଛି । ଏହି ଭାଇରାଲ୍ ଫଟୋ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଟୁଇଟର୍ରେ ଭାଇରାଲ୍ ହୋଇଥିବା ଏହି ଫଟୋକୁ ଡା.ଅଜିତ୍ ଭରୱାଣ୍ଡକର ତାଙ୍କ ଅଫିସିଆଲ ଆକାଉଣ୍ଟ୍ରେ ଶେୟାର କରିଛନ୍ତି । ଏହି ଫଟୋ ଶେୟାର କରିବା ସହିତ ସେ ଏକ ହୃଦୟସ୍ପର୍ଶୀ କ୍ୟାପଶନ୍ ଲେଖିଛନ୍ତି ।
ସେ ଲେଖିଛନ୍ତି, ବିବାହ କାର୍ଯ୍ୟକ୍ରମ ଶେଷ ହେବା ପରେ, ବର କନ୍ୟାଙ୍କ ପାଦତଳେ ମୁଣ୍ଡ ନୁଆଁଇଥିଲେ । ଏହା ଦେଖି ବିବାହ ଉତ୍ସବରେ ଉପସ୍ଥିତ ଥିବା ସମସ୍ତ ଘରଲୋକ ସ୍ତବ୍ଧ ହୋଇଯାଇଥିଲେ । ଫଟୋ ଭାଇରାଲ୍ ହେଲାପରେ, ସେ ବର ତରଫରୁ ପ୍ରତିକ୍ରିୟାରେ ଲେଖିଥିଲେ, ସେ ମୋର ବଂଶକୁ ଆଗକୁ ବଢ଼ାଇବ, ସେ ମୋ ଘରର ଲକ୍ଷ୍ମୀ । ମୋ ମାତାପିତାଙ୍କୁ ସମ୍ମାନ କରିବ ଏବଂ ସେବା କରିବ । ମୋତେ ପିତା ହେବାର ସୌଭାଗ୍ୟ ଦେବ । ପ୍ରସବ ସମୟରେ ମୃତ୍ୟୁମୁଖରେ ଥାଇ ମୋ ପିଲା ଜନ୍ମ ଦେବ । ସେ ମୋ ଘରର ମୂଳଦୁଆ । ତା’ର ଆଚରଣ ଦ୍ୱାରା ସମାଜରେ ମୋର ପରିଚୟ ସୃଷ୍ଟି ହେବ ।ମାତାପିତାଙ୍କୁ ଛାଡ଼ି ସେ ମୋ ପାଇଁ ଏଠାକୁ ଆସିଛି । ସେ ପ୍ରିୟଜନଙ୍କ ସହ ସମ୍ପର୍କ ଭାଙ୍ଗି ମୋ ସହିତ ସମ୍ପର୍କ ଯୋଡ଼ିଛନ୍ତି ।
(2/4)
3. मेरी मां बाप की इज्जत करेगी और उनकी सेवा करेगी
4. मुझे पिता जैसी खुशी प्राप्त करवाएगी
5. प्रसव के समय मौत को मेरे बच्चे के लिए मौत को छूकर आएगी
contd…— Dr. Ajit Varwandkar (@Varwandkar) May 29, 2021
ଶେଷରେ ଡକ୍ଟର ଅଜିତ୍ ତାଙ୍କ ପୋଷ୍ଟରେ ଲେଖିଛନ୍ତି,ଯେତେବେଳେ ସେ ଏସବୁ କରିପାରିବେ, ତାଙ୍କୁ ଆମେ ଟିକିଏ ସମ୍ମାନ ମଧ୍ୟ ଦେଇପାରିବୁ ନାହିଁ । ଯଦି ମହିଳାମାନଙ୍କୁ ପାଦ ଛୁଇଁବା ହାସ୍ୟାସ୍ପଦ, ତେବେ ମୋତେ ସମାଜର ଚିନ୍ତା କରିବା ଆବଶ୍ୟକ ନାହିଁ ।
(4/4)
9. अपनों से नाता तोड़ कर उसने मुझ से नाता जोड़ा है
जब वो इतना सब कर सकती है तो क्या हम थोड़ा सा सम्मान भी नहीं दे सकते क्या इन महिलाओं के कदमों में सर झुकाना हास्य है तो मुझे जमाने की परवाह नहीं।?
— Dr. Ajit Varwandkar (@Varwandkar) May 29, 2021
