ଆର୍ୟନ ଖାନଙ୍କ ସହ ସେଲ୍ଫି ନେଉଥିବା ବ୍ୟକ୍ତି ଏନସିବି ଅଫିସର ନୁହେଁ: ସ୍ପଷ୍ଟ କଲା ଏନସିବି
ରବିବାର ନାର୍କୋଟିକ୍ସ କଣ୍ଟୋଲ ବ୍ୟୁରୋ ସୁପରଷ୍ଟାର ଶାହାରୁଖ ଖାନଙ୍କ ପୁଅ ଆର୍ୟନ ଖାନଙ୍କ ସହ ୮ ଜଣଙ୍କୁ ଗିରଫ କରିଛି । ସମସ୍ତେ କ୍ରୁଜରେ ରେଭ୍ ପାର୍ଟିରେ ଡ୍ରଗ୍ସ ସେବନ କରି ଚୁର ହୋଇଥିବା ଅଭିଯୋଗରେ ଗିରଫ କରିଛି ଏନସିବି । ଏହାରି ମଧ୍ୟରେ ଗିରଫ ହୋଇଥିବା ସମୟରେ ଆର୍ୟନ ଖାନଙ୍କ ସହ ଜଣେ ଏନସିବି ଅଫିସର ସେଲ୍ଫି ନେବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହା ଉପରେ ପ୍ରତିକ୍ରିୟା ରଖିବା ସହ ଉକ୍ତ ବ୍ୟକ୍ତି ଏନସିବି ଅଫିସର ନୁହେଁ ବୋଲି ସ୍ପଷ୍ଟ କରିଛି ଏନସିବି । ମୁମ୍ବାଇର ଏକ ସ୍ଥାନୀୟ କୋର୍ଟରେ ମାମଲାର ଶୁଣାଣି ପରେ ଏନେଇ ସ୍ପଷ୍ଟ କରିଛି ଏନସିବି ।
ରବିବାର ଆର୍ୟନ ଖାନ, ଅରବାଜ ମର୍ଚାଣ୍ଟ ଏବଂ ମୁନମୁନ ଧମେଚାଙ୍କକୁ କ୍ରୁଜରେ ରେଭ ପାର୍ଟିରେ ଡ୍ରଗ୍ସ ସେବନ କରିଥିବା ଅବସ୍ଥାରେ ଧରିଥିଲା ଏନସିବି । ଏହାପରେ ତିନିଜଣଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଥିଲା । କୋର୍ଟ ମାମଲାର ଶୁଣାଣି କରି ତିନିଜଣଙ୍କୁ ଅକ୍ଟୋବର ୪ ପର୍ଯ୍ୟନ୍ତ ଏନସିବି ହେପାଜତକୁ ପଠାଇଛନ୍ତି ।
