ପଦ୍ମବିଭୂଷଣରେ ସମ୍ମାନିତ ବାବାସାହେବ ପୁରନ୍ଦରେଙ୍କ ପରଲୋକ, ପ୍ରଧାନମନ୍ତ୍ରୀଙ୍କ ଶୋକ
ପୁଣେ : ଜଣାଶୁଣା ହିଷ୍ଟ୍ରୋରିଆନ୍ ବା ପଦ୍ମବିଭୂଷଣରେ ସମ୍ମାନିତ ବଳବନ୍ତ ମୋରେଶ୍ୱର ପୁରନ୍ଦରଙ୍କର ଆଜି ପୁଣେର ଏକ ମେଡିକାଲରେ ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୯୯ ବର୍ଷ ବୟସ ହୋଇଥିଲା । ସେ ବାବାସାହେବ ପୁରନ୍ଦରେ ନାମରେ ବେଶ୍ ଲୋକପ୍ରିୟ ଥିଲେ । ଗତ କିଛି ସମୟ ଧରି ଅସୁସ୍ଥ ରହିଥିବା ବେଳେ ତାଙ୍କ ମୃତ୍ୟୁ ବିଷୟରେ ଜଣେ ଡାକ୍ତର ସୂଚନା ଦେଇଛନ୍ତି ।
ବାବାସାହେବ ପୁରନ୍ଦରେଙ୍କ ମୃତ୍ୟୁକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ପ୍ରକାଶ କରିଛନ୍ତି । ସେ ଟ୍ୱିଟ୍ରେ କହିଛନ୍ତି ଯେ, ‘ଶିବଶାହର ବାବାସାହେବ ପୁରନ୍ଦରେଙ୍କ ଦେହାନ୍ତ ଇତିହାସ ଓ ସଂସ୍କୃତି ଜଗତରେ ଏକ ବଡ଼ ଶୂନ୍ୟସ୍ଥାନ । ତାଙ୍କ ଯୋଗୁଁ ଆଗାମୀ ପିଢ଼ି ଛତ୍ରପତି ଶିବାଜୀ ମହାରାଜଙ୍କ ସହ ଅଧିକ ଯୋଡି ହେବେ । ତାଙ୍କର ଅନ୍ୟ କାର୍ଯ୍ୟଗୁଡ଼ିକ ମଧ୍ୟ ସବୁଦିନ ପାଇଁ ସ୍ମରଣୀୟ ହୋଇ ରହିବ ।’
