୨୬/୧୧ ହମଲା: ଆତଙ୍କବାଦୀ କସାବର ଫୋନ୍ ନଷ୍ଟ କରିଥିଲେ ପରମବୀର ସିଂହ! ପୂର୍ବତନ ଏସିପି ଶମଶେର୍ ଖାନ୍ ଆଣିଲେ ଅଭିଯୋଗ
ମୁମ୍ବାଇ: ୨୬/୧୧ ମୁମ୍ବାଇ ହମଲାର ଘଟଣାର ଦୁଃଖ ଆଜିବି ତାଜା ରହିଛି । ସେହି କାଳରାତ୍ରିର କଥା ମନେ ପଡ଼ିଲେ ଆଜିବି ଲୋମଟାଙ୍ଗୁରୀ ଉଠେ । ତେବେ ଆଜି ଏହି ଆକ୍ରମଣକୁ ୧୩ ବର୍ଷ ପୂରିଛି । ତେଣୁ ଏହି ହମଲାରେ ସହିଦ୍ ହୋଇଥିବା ଯବାନମାନଙ୍କୁ ଆଜି ସାରା ଦେଶ ଶ୍ରଦ୍ଧାଞ୍ଜଳୀ ଜ୍ଞାପନ କରିଛି । ଏହି ପରିପ୍ରେକ୍ଷୀରେ ମୁମ୍ବାଇ ପୋଲିସ୍ ଆୟୁକ୍ତଙ୍କୁ ଲେଖାଯାଇଥିବା ଏକ ଚିଠିରେ ପୂର୍ବତନ ଏସିପି ଶବଶେର୍ ଖାନ୍ ପଠାନ ଏକ ଦାବି କରିଛନ୍ତି । ସେ ତତ୍କାଳୀନ ଡିଆଇଜି ଏଟିଏସ୍ ପରମବୀର ସିଂହଙ୍କ ଉପରେ ବଡ଼ ଆରୋପ ଲଗାଇଛନ୍ତି । ଶମଶେର ଖାନ୍ ଦାବି କରିଛନ୍ତି ଯେ, ୧୬/୧୧ ମୁମ୍ବାଇ ଆକ୍ରମଣରେ ଆତଙ୍କବାଦୀ ଅଜମଲ କସାବର ଫୋନ୍ କୁ ଜବତ କରିଥିଲେ, କିନ୍ତୁ ତାକୁ ପ୍ରମାଣ ରୂପରେ ଯାଞ୍ଚ ପାଇଁ ଦିଆଯାଇନଥିଲା । ପରମବୀର ସିଂହ ଉକ୍ତ ଫୋନ୍ ଟିକୁ ନଷ୍ଟ କରିଦେଇଥିଲେ ।
Mumbai | Retired ACP Shamsher K Pathan in a letter to Mumbai Police Commissioner in July 2021 alleged that "during 26/11 terrorist attacks, Param Bir Singh, the then DIG ATS, confiscated terrorist Ajmal Kasab’s phone, ensuring that phone never appeared during the probe or trial" pic.twitter.com/ArkN3MmbWj
— ANI (@ANI) November 26, 2021
ସୂଚନାଯୋଗ୍ୟ ଯେ ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂ ପୂର୍ବରୁ ହିଁ ଚୋରା ଚାଲାଣ ଅଭିଯୋଗରେ ଫସିରହିଛନ୍ତି । ତାଙ୍କୁ ଗତ ୬ ଘଣ୍ଟା ଧରି ମୁମ୍ବାଇ କ୍ରାଇମ ବ୍ରାଞ୍ଚ ପଚରାଉଚରା କରିଛି। ବର୍ତ୍ତମାନ ମୁମ୍ବାଇ ଆତଙ୍କବାଦୀ ଆକ୍ରମଣରେ ସନ୍ଦେହଜନକ କାର୍ୟ୍ୟକଳାପକୁ ନେଇ ପରମବୀରଙ୍କ ସମସ୍ୟା ବଢ଼ିପାରେ । ଜୁଲାଇ ୨୦୨୧ ରେ ମୁମ୍ବାଇ ପୋଲିସ କମିଶନରଙ୍କୁ ଲେଖିଥିବା ଏକ ଚିଠିରେ ଅବସରପ୍ରାପ୍ତ ଏସିପି ଶମଶେର ଖାନ୍ ପଠାନ ଆତଙ୍କବାଦୀଙ୍କ ସହ ମିଶି କାମ କରୁଥିବା ଅଭିଯୋଗ କରିଛନ୍ତି। କେବଳ ଏତିକି ନୁହେଁ ପରମବୀରଙ୍କୁ ଗିରଫ କରିବାକୁ ସେ ଦାବି କରିଛନ୍ତି।
