(Video) କ୍ରିକେଟ ମ୍ୟାଚ ଚାଲିଥିବା ବେଳେ ବଡ଼ ଅଘଟଣ! ପଡ଼ିଆ ମଧ୍ୟକୁ ଅଚାନକ ପଶିଗଲା ଏକ ଲୋମଡ଼ି
ନୂଆଦିଲ୍ଲୀ: ଅନେକ ସମୟରେ କୌଣସି କ୍ରୀଡ଼ା ଟୁର୍ଣ୍ଣାମେଣ୍ଟ ଚାଲିଥିବା ସମୟରେ ବଡ଼ ବଡ଼ ଅଘଟଣ ଘଟିଥାଏ । ବେଳେବେଳେ ପଡ଼ିଆ ମଧ୍ୟକୁ କିଛି ଜନ୍ତୁ ପ୍ରବେଶ କରିଥାନ୍ତି । ପଡ଼ିଆ ସାରା ଦର୍ଶକ ଭର୍ତ୍ତି ହୋଇ ରହିଥିବାରୁ ଏଭଳି ସ୍ଥିତିରେ ଏହି ଜନ୍ତୁକୁ ବାହାର କରିବା ସୁରକ୍ଷାକର୍ମୀଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ହୋଇଥାଏ । ତେବେ ଏହା ମଧ୍ୟରେ ଏକ ଲାଇଭ୍ କ୍ରିକେଟ ମ୍ୟାଚ ସମୟରେ ଘଟିଯାଇଛି ଏକ ବଡ଼ ଅଘଟଣ । ପଡ଼ିଆ ମଧ୍ୟକୁ ଅଚାନକ ଏକ ଲୋମଡ଼ି ପ୍ରବେଶ କରିଥିଲା । ଏହି ଘଟଣାର ଭିଡିଓ ଏବେ ସାମ୍ନାକୁ ଆସିଛି ।
ଖବର ମୁତାବକ, ବ୍ରିଟେନରେ ଏକ କ୍ରିକେଟ ମ୍ୟାଚ ଚାଲିଥିବା ସମୟରେ ଅଚାନକ ଏକ ଲୋମଡ଼ି ପଡ଼ିଆ ମଧ୍ୟକୁ ପ୍ରବେଶ କରିଥିଲା । ଏହା ପରେ ଲୋମଡ଼ିଟି ପଡ଼ିଆରେ ଚାରିଆଡ଼କୁ ଦୌଡ଼ିବାରେ ଲାଗିଥିଲା । ତେଣୁ ଭୟରେ ଲୋକଙ୍କ ମଧ୍ୟରେ ହଡ଼କମ୍ପ ମଚିଯାଇଥିଲା । ଲୋମଡ଼ିକୁ ଦେଖି କିଛି ଲୋକ ମଜା ଉଠାଇଥିବା ବେଳେ ଆଉ କିଛି ସିଟି ବଜାଇଥିଲେ । ଫଳରେ ଲୋମଡ଼ିଟି ଆହୁରି ଜୋରରେ ଦୌଡ଼ିବାକୁ ଲାଗିଥିଲା । ଫଳରେ ପଡ଼ିଆ ସାରା ଦର୍ଶକଙ୍କ ପାଟିତୁଣ୍ଡ ଗୁଞ୍ଜରିତ ହେବାରେ ଲାଗିଥିଲା । ଶେଷରେ ଲୋମଡ଼ିଟି ପଡ଼ିଆ ବାହାରକୁ ଡେଇଁ ଚାଲିଯାଇଥିଲା ।
ଏହି ଭିଡିଓ ଦେଖିବା ପରେ କିଛି ୟୁଜର୍ସ ସୋସିଆଲ ମିଡ଼ିଆରେ ଭିନ୍ନ ଭିନ୍ନ କମେଣ୍ଟ ଦେଇଛନ୍ତି । ଜଣେ ୟୁଜର ଲେଖିଛନ୍ତି, ‘ସାପ, କୁକୁର ଓ ମହୁମାଛି ଏବେ କ୍ରିକେଟ ମ୍ୟାଚରେ ଲୋମଡ଼ି’ଙ୍କର ପ୍ରବେଶ ଆରମ୍ଭ ହୋଇଗଲାଣି । ଆଉ ଜଣେ ଲେଖିଛନ୍ତି, ‘ବୋଧହୁଏ ଲୋମଡ଼ି ଲାଇନଅପରେ ସାମିଲ ହୋଇଛି ।’ ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି ‘ବୋଧହୁଏ ଲୋମଡ଼ି କ୍ରିକେଟ ମ୍ୟାଚ ସମୟରେ ରନ୍ ସଂଗ୍ରହ କରିବାକୁ ଚାହୁଁଥିଲା ।’
Fox invades the field in Vitality Blast. 😄pic.twitter.com/dENXcc1wIL
— Mufaddal Vohra (@mufaddal_vohra) July 20, 2024
