ଚଳନ୍ତା ଟ୍ରେନ ସହ ମଜାକ୍…. ଟ୍ରେନ ଚଢିବା ଚେଷ୍ଟାରେ ତଳକୁ ଖସି ପଡ଼ିଲେ ଯୁବତୀ, ଆଉ ତା’ପରେ…

ଓଡ଼ିଶା ଭାସ୍କର: ଫେଷ୍ଟିଭାଲ ସିଜନରେ ରେଲୱେ ଷ୍ଟେସନରେ ପ୍ରବଳ ଭିଡ଼ । ଅନେକ ସମୟରେ ଷ୍ଟେସନ ତଥା ଟ୍ରେନରେ ଠେଲାପେଲାର ବିଭିନ୍ନ ଭିଡିଓ ଦେଖିବାକୁ ମିଳୁଛି । କିନ୍ତୁ ଏହା ଭିତରେ ଭାଇରାଲ ହେଉଛି ଆଉ ଏକ ଭିଡିଓ । ଚଳନ୍ତା ଟ୍ରେନରେ ଚଢିବା କେତେ ଯେ ମହଙ୍ଗା, ତାହାର ପ୍ରମାଣ ଦେଉଛି ଏହି ଭିଡିଓ । ଷ୍ଟେସନରୁ ଟ୍ରେନ ଛାଡ଼ିବା ବେଳେ ଯୁବତୀ ଏତରେ ଚଢିବା ପାଇଁ ଚେଷ୍ଟା କରୁଥିଲେ । କିନ୍ତୁ ପରିଣାମ ଖୁବ ଭୟଙ୍କର ହୋଇଛି । ଯୁବତୀ ଜଣକ ଅଚାନକ ଟ୍ରେନ ଏବଂ ପ୍ଲାଟଫର୍ମ ମଝିରେ ରେଳ ଦାରଣାକୁ ଖସି ପଡ଼ିଛନ୍ତି । ଏହାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।

ଭାଇରାଲ ହେଉଥିବା ଏହି ଭିଡିଓରେ ଜଣେ ଯୁବତୀ ପ୍ଲାଟଫର୍ମ ଦୋକାନରୁ କିଛି ଜିନିଷ କିଣୁଛନ୍ତି । ଏହି ସମୟ ଭିତରେ ତାଙ୍କ ଟ୍ରେନ ଷ୍ଟେସନ ଛାଡ଼ିବା ପାଇଁ ପ୍ରସ୍ତୁତ ହୋଇଥିଲା । କିନ୍ତୁ ଏହା ଜାଣି ନ ପାରି ୁବତୀ ଦୋକାନ ପାଖରେ ଠିଆ ହୋଇ ରହିଥିଲେ । ମୋବାଇଲରୁ ଅନଲାଇନ ପେମେଣ୍ଟ କରିବାକୁ ଯାଉଥିବା ବେଳେ ଟ୍ରେନ ଦ୍ରୁତ ଗତିରେ ଗଡ଼ିଥିଲା । ଏହା ଦେଖି ଯୁବତୀ ଜଣକ କିଣିଥିବା ଜିନିଷ ଦୋକାନରେ ରଖି ଦେଇ ଟ୍ରେନ ଧରିବାକୁ ଚାଲିଗଲେ । କିନ୍ତୁ ଟ୍ରେନର ଗତି ବଢାଇ ସାରିଥିଲା । ଏହାପରେ ମଧ୍ୟ ଯୁବତୀ ଜଣକ ଚଳନ୍ତା ଟ୍ରେନ ଧରିବା ପାଇଁ ଚେଷ୍ଟା କରିଛନ୍ତି । ଯାହା ତାଙ୍କ ଉପରେ ମହଙ୍ଗା ପଡ଼ିଛି । ଟ୍ରେନ ଧରିବା ପରିବର୍ତ୍ତେ ଯୁବତୀଙ୍କ ସହ ଏକ ବଡ଼ ଅଘଟଣ ଘଟିଯାଇଛି ।

ଟ୍ରେନକୁ ଧରିବ ଦୌଡ଼ିବା ସମୟରେ ଯୁବତୀ ତଳକୁ ଖସି ପଡ଼ିଛନ୍ତି । ଏହାପରେ ଭିଡିଓରେ ଦେଖାଯାଉଛି ଯେ, ଟ୍ରେନ ଏବଂ ପ୍ଲାଟଫର୍ମ ମଧ୍ୟରେ ଟ୍ରେନ ଟ୍ରାକକୁ ଖସି ପଡ଼ିଛନ୍ତି ଏହି ଯୁବତୀ । ନିଜ ଦୁଃସାହସ ଏବଂ ଅସାବଧାନତା ପାଇଁ ଏକ ଭୟଙ୍କର ସ୍ଥିତିରେ ସେ ଫସିଯାଇଛନ୍ତି । ତେବେ ଏଭଳି ଭୟଙ୍କର ସ୍ଥିତିରୁ ସେ ସୁସ୍ଥ ଭାବରେ ଉଦ୍ଧାର ହୋଇଥିବା କୁହାଯାଉଛି । କିନ୍ତୁ ତାଙ୍କର ଏଭଳି ପରିସ୍ଥିତି ସମସ୍ତଙ୍କ ପାଇଁ ଏକ ଉଦାହରଣ ହୋଇପାରେ । ଚଳନ୍ତା ଟ୍ରେନରେ ଚଢିବା କେତେ ଯେ ଭୟଙ୍କର ହୋଇପାରେ ତାହା ଏଥିରୁ ବୁଝିଯିବା ଉଚିତ୍ ।