ମୋ ମୃତ୍ୟୁ ପାଇଁ ମୁଁ ନିଜେ ଦାୟୀ, ଆତ୍ମହତ୍ୟା ପୂର୍ବରୁ ଏପରି କହିଲେ UPSC ପାଇଁ ପ୍ରସ୍ତୁତି କରୁଥିବା ଛାତ୍ର

ନୂଆଦିଲ୍ଲୀ: “ମୋ ମୃତ୍ୟୁ ପାଇଁ ମୁଁ ନିଜେ ଦାୟୀ”। UPSC ପାଇଁ ପ୍ରସ୍ତୁତ ହେଉଥିବା ଜଣେ ଛାତ୍ର ଫ୍ୟାନରେ ରଶି ଲଗାଇ ଆତ୍ମହତ୍ୟା କରିଥିବା ଘଟଣା ସାମ୍ନାକୁ ଆସିଛି।

ହେଲେ ଆତ୍ମହତ୍ୟା ପୂର୍ବରୁ ଛାତ୍ର ଜଣକ ଏକ ସୁଇସାଇଡ୍ ନୋଟ୍ ମଧ୍ୟ ଛାଡ଼ି ଯାଇଛନ୍ତି। ଯେଉଁଥିରେ ସେ କହିଛନ୍ତି ମୋ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି। ବରଂ ମୁଁ ନିଜେ ମୋ ମୃତ୍ୟୁ ପାଇଁ ଦାୟୀ।

ଆତ୍ମହତ୍ୟା କଲେ UPSC ଛାତ୍ର: ଦିଲ୍ଲୀର ପୁରୁଣା ରାଜିନ୍ଦର ନଗରରେ ୟୁନିଅନ ପବ୍ଲିକ୍ ସର୍ଭିସ୍ କମିଶନ (UPSC) ପାଇଁ ପ୍ରସ୍ତୁତ ହେଉଥିବା ଜଣେ ଛାତ୍ର ଆତ୍ମହତ୍ୟା କରିଛନ୍ତି।

ସୁଇସାଇଡ୍ ନୋଟରେ ଛାତ୍ର ଜଣକ ଆତ୍ମହତ୍ୟା ପାଇଁ ନିଜକୁ ଦାୟୀ କରିଛନ୍ତି। ମୃତ ଛାତ୍ର ୨୫ ବର୍ଷୀୟ ତରୁଣ ଠାକୁର। ସେ ଜମ୍ମୁର ବାସିନ୍ଦା ବୋଲି ଜଣାପଡିଛି।

ପୋଲିସ କହିବା କଥା, ରାଜେନ୍ଦ୍ର ନଗର ପୋଲିସ ଷ୍ଟେସନକୁ ଶୁକ୍ରବାର ସନ୍ଧ୍ୟାରେ ପୁରୁଣା ରାଜିନ୍ଦର ନଗରରେ ଆତ୍ମହତ୍ୟା ଘଟଣାକୁ ନେଇ PCRକୁ ଏକ କଲ ଆସିଥିଲା।

କଲ୍ ପାଇବା ପରେ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚିବା ପରେ ତରୁଣ ଠାକୁରଙ୍କ ମୃତଦେହ ସିଲିଂ ଫ୍ୟାନରେ ଏକ କପଡାରେ ଝୁଲୁଥିବା ଦେଖିବାକୁ ପାଇଥିଲା।

ବେଡସିଟରେ ଆତ୍ମହତ୍ୟା: ତରୁଣ ଗତ ଏକ ବର୍ଷ ଧରି ଦ୍ୱିତୀୟ ମହଲାର ଏକ ଘରେ ରହୁଥିଲେ। ଏହି ମହଲାରେ ମୋଟ ସାତଟି ରୁମ୍ ଅଛି ଏବଂ ସମସ୍ତ ସିଙ୍ଗଲ୍ ରୁମ୍।

ଯେଉଁଥିରେ କେବଳ UPSC ପାଇଁ ପ୍ରସ୍ତୁତି କରୁଥିବା ଛାତ୍ରମାନେ ରୁହନ୍ତି। ପୋଲିସ ସେଠାରୁ ଏକ ଫୋନ୍ ନମ୍ୱର ପାଇଥିଲା। ପରେ ତାଙ୍କ ଭାଇଙ୍କୁ ଘଟଣା ସମ୍ପର୍କରେ ଜଣାଇଥିଲା।

ପୋଲିସର କହିବା କଥା ମୃତକ ଜଣକ ବେଡସିଟରେ ଫ୍ୟାନ ଯୋଗେଁ ଫାଶୀ ଦେଇ ଆତ୍ମହତ୍ୟା କରିଛନ୍ତି।  ଏପରିକି ଖୋଜାଖୋଜି ପରେ ପୋଲିସ ଏକ ସୁଇସାଇଡ୍ ନୋଟ୍ ମଧ୍ୟ ପାଇଛି।

ବାପା ଘରମାଲିକଙ୍କ ସହିତ ଯୋଗାଯୋଗ କରିଥିଲେ:  ପ୍ରାଥମିକ ତଦନ୍ତରୁ ଜଣାପଡିଛି ଯେ ମୃତକଙ୍କ ବାପା ଶୁକ୍ରବାର ସକାଳ ଠାରୁ ଅନେକ ଥର ପୁଅ ସହିତ ଯୋଗାଯୋଗ କରିବାକୁ ଚେଷ୍ଟା କରିଥିଲେ। କିନ୍ତୁ କୌଣସି ଉତ୍ତର ପାଇ ନଥିଲେ।

ତା’ପରେ ସେ ଘରମାଲିକଙ୍କ ସହିତ ଯୋଗାଯୋଗ କରିଥିଲେ। ଘରମାଲିକ ତରୁଣଙ୍କ ରୁମ ପାଖରେ ପହଞ୍ଚିବା ପରେ ଘର ଭିତରୁ ବନ୍ଦ ଥିବା ଦେଖିଥିଲେ।

ଏହା ପରେ ସେମାନେ ପାଖକୁ ଲାଗିଥିବା ବାଲକୋନିରୁ ଦେଖିବାକୁ ଚେଷ୍ଟା କଲେ। ସେଠାରୁ ସେମାନେ ତରୁଣଙ୍କୁ ଘର ଭିତରେ ଝୁଲୁଥିବାର ଦେଖିଲେ ଏବଂ ତୁରନ୍ତ ପୋଲିସକୁ ଖବର ଦେଲେ।

ଛାତ୍ର ଜଣକ କାହାକୁ ଦାୟୀ କଲେ: ପୋଲିସ ଘଟଣାସ୍ଥଳରୁ ଏକ ସୁଇସାଇଡ ନୋଟ୍ ପାଇଥିଲା। ଯେଉଁଥିରେ ତରୁଣ ଲେଖିଛନ୍ତି ଯେ ସେ ନିଜେ ତାଙ୍କ ମୃତ୍ୟୁ ପାଇଁ ଦାୟୀ।

ଅଧିକ ତଦନ୍ତ ଏବଂ ଆବଶ୍ୟକୀୟ କାର୍ଯ୍ୟାନୁଷ୍ଠାନ ପାଇଁ କ୍ରାଇମ୍ ଟିମ୍ କୁ ମଧ୍ୟ ଘଟଣାସ୍ଥଳକୁ ଡକାଯାଇଛି। ବର୍ତ୍ତମାନ ତଦନ୍ତ ଏବଂ ଯାଞ୍ଚ ପ୍ରକ୍ରିୟା ଚାଲିଛି।