ବାଇକ୍କୁ ଧକ୍କା ଦେବା ପରେ ଟ୍ରକରେ ଲାଗିଲା ନିଆଁ, ମଝି ରାସ୍ତାରେ ହୁତୁହୁତୁ ହୋଇ ଜଳିଗଲା
ଭୁବନେଶ୍ବର: ୧୮ ନମ୍ବର ଜାତୀୟ ରାଜପଥର କଲାବାଡିଆ ନିକଟରେ ଭୟଙ୍କର ଦୁର୍ଘଟଣା । ବାଇକକୁ ଧକ୍କା ଦେଇ ହୁତୁହୁତୁ ହୋଇ ଜଳିଗଲା ଟ୍ରକ । ଟ୍ରକଟି ଘଟଣାସ୍ଥଳରେ ହୁତୁହୁତୁ ହୋଇ ଜଳିପୋଡିଯାଇଛି । ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ବାଇକ ଆରୋହୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ, ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଜଗନ୍ନାଥଖୁଣ୍ଟା ହାଇସ୍କୁଲ ସମ୍ମୁଖରେ ବାଇକଟି ରାସ୍ତାର ଗୋଟିଏ ପାର୍ଶ୍ୱରୁ ଅନ୍ୟ ପାର୍ଶ୍ୱକୁ ଯାଉଥିବା ବେଳେ ଟ୍ରକ୍ଟି ଏହାକୁ ଧକ୍କା ଦେଇଥିଲେ । ବାଇକଟି ଟ୍ରକରେ ଲାଗି କିଛି ଦୂର ଘୋଷାଡି ହୋଇଯାଇଥିଲା । କିନ୍ତୁ ବାଇକ ଡ୍ରାଇଭର ଘୋଷାଡି ହୋଇ ପଡିଥିଲା ।
ଫଳରେ ବାଇକରେ ବିସ୍ଫୋରଣ ହେବା କାରଣରୁ ଟ୍ରକରେ ମଧ୍ୟ ନିଆଁଲାଗିଯାଇଥିଲା । ଏହାପରେ ହୁତୁହୁତୁ ହୋଇ ଜଳିଯାଇଥିଲା ଟ୍ରକ ।
ଅଗ୍ନିଶମ ବାହିନୀ ନିଆଁ ଲିଭାଇଥିବା ବେଳେ ବାଙ୍ଗିରିପୋଷି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବର୍ତ୍ତମାନ ସୁଦ୍ଧା ଟ୍ରକ ଡ୍ରାଇଭରର ପତ୍ତା ମିଳିପାରି ନାହିଁ ।