ଆଧାର କାର୍ଡ ପୁରୁଣା ହୋଇଥିଲେ ଶୀଘ୍ର କରନ୍ତୁ ଅପଡେଟ, ନଚେତ୍ ଅଟକି ଯିବ ଅନେକ କାମ: UIDAI

ନୂଆଦିଲ୍ଲୀ: ଯଦି ଆପଣଙ୍କର ଆଧାର କାର୍ଡ ପୁରୁଣା ହୋଇଯାଇଛି, ତେବେ ତୁରନ୍ତ ଏହାକୁ ଅପଡେଟ କରନ୍ତୁ । କାରଣ ଆଧାର କାର୍ଡ ଅପଡେଟକୁ ନେଇ ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ (UIDAI) କହିଛି ଯେ, ଯେଉଁ ଆଧାର କାର୍ଡଧାରୀଙ୍କ ଆଧାର ୧୦ ବର୍ଷରୁ ଅଧିକ ପୁରୁଣା ହୋଇଯାଇଛି, ସେମାନଙ୍କୁ ନିଜ ସୂଚନା ଅପଡେଟ୍ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ୟୁଆଇଡିଏଆଇ କହିଛି ଯେ, ଯଦି କାର୍ଡ ସହିତ ଜଡିତ କୌଣସି ସୂଚନା ବଦଳିଛିି, ଯେପରିକି-ଠିକଣା, ସରନେମ୍ ଇତ୍ୟାଦି… ତେବେ ଏହାକୁ ଡାଟାବେସରେ ମଧ୍ୟ ଅପଡେଟ୍ କରିବା ଆବଶ୍ୟକ ।

୧୦ ବର୍ଷ ପୁରୁଣା କାର୍ଡ ଅପଡେଟ୍ କରିବା ଆବଶ୍ୟକ: –
ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ (UIDAI) ଆଧାର କାର୍ଡ ଅପଡେଟକୁ ନେଇ କହିଛି ଯେ, ଯଦି କୌଣସି ବ୍ୟକ୍ତିଙ୍କ ଆଧାର କାର୍ଡ ୧୦ ବର୍ଷରୁ ଅଧିକ ପୁରୁଣା ହୋଇିଛି, ତେବେ ଆଧାରରେ ଅପଡେଟ୍ କରିବା ଆବଶ୍ୟକ । ଆଧାର କାର୍ଡ ଅପଡେଟ ନହେବା କାରଣରୁ ଅନେକ ସରକାରୀ ସୁବିଧା ମିଳିବାରେ ସମସ୍ୟା ହୋଇପାରେ ।

ଅପଡେଟ ପାଇଁ ଖର୍ଚ୍ଚ:-
ଆଧାରରେ ଆପଣ ନାଁ, ମୋବାଇଲ୍ ନମ୍ବର, ଲିଙ୍ଗ, ବାୟୋମେଟ୍ରିକ୍ ବିବରଣୀ ଇତ୍ୟାଦି ସମସ୍ତ ପ୍ରକାରର ସୂଚନା ଅପଡେଟ୍ କରିପାରିବେ । ଏଥିପାଇଁ ଫିସ୍ ମଧ୍ୟ ରହିଛି । ଯଦି ଅପଡେଟ କରିବା ପାଇଁ କେହି ନିର୍ଦ୍ଦିଷ୍ଟ ଶୁଳ୍କଠାରୁ ଅଧିକ ଟଙ୍କା ମାଗନ୍ତି, ତେବେ ଏପରି ସ୍ଥିତିରେ ଆପଣ uidai.gov.in କୁ ମେଲ ବା ୧୯୪୭ ନମ୍ବରରେ କଲ୍ କରି ଅଭିଯୋଗ କରିପାରିବେ ।

ପିଲାମାନଙ୍କ ପାଇଁ କୌଣସି ଫିସ୍ ନାହିଁ:-
ଆଧାର ନାମାଙ୍କନ ପାଇଁ ଆପଣଙ୍କୁ କୌଣସି ପ୍ରକାରର ଦେୟ ଦେବାକୁ ପଡିବ ନାହିଁ । ବାୟୋମେଟ୍ରିକ୍ ଅପଡେଟ୍ ପାଇଁ ଆପଣଙ୍କୁ ୧୦୦ ଟଙ୍କା ଦେୟ ଦେବାକୁ ପଡିବ, ଯେତେବେଳେ କି ପିଲାମାନଙ୍କର ବାୟୋମେଟ୍ରିକ୍ ଅପଡେଟ୍ ପାଇଁ ଆପଣଙ୍କୁ କୌଣସି ପ୍ରକାରର ଦେୟ ଦେବାକୁ ପଡିବ ନାହିଁ । ନାମ, ଲିଙ୍ଗ, ଜନ୍ମ ତାରିଖ ଏବଂ ଘର ଠିକଣା ପରି ତୁମର ଜନସଂଖ୍ୟା ବିବରଣୀ ବଦଳାଇବା ପାଇଁ ଆପଣଙ୍କୁ ୫୦ ଟଙ୍କା ଦେୟ ଦେବାକୁ ପଡିବ । ଯଦି ଆପଣ ଚାହାଁନ୍ତି, ତେବେ UIDAI ମାଧ୍ୟମରେ ବାରକୋଡ୍ ସ୍କାନ କରି ଏହି ସମ୍ବନ୍ଧୀୟ ସୂଚନା ପାଇପାରିବେ ।

ଆଧାର କାର୍ଡ ଅପଡେଟ୍ କରିବାବେଳେ ଏହି ଭୁଲ୍ କରନ୍ତୁ ନାହିଁ…
– ମୋବାଇଲ୍ ଏବଂ ଆଧାର କାର୍ଡରେ ଅନ୍ୟ ମୋବାଇଲ୍ ନମ୍ବର ଦେବା ଭୁଲ୍ ।
– ସଂଶୋଧନ କରିବା ସମୟରେ Transliteration error ହେବା ।
– ସହାୟକ ପ୍ରମାଣପତ୍ର ବାସିନ୍ଦାଙ୍କର ନହୋଇଥିଲେ ।
– ଆଧାରରେ ଭୁଲ୍ Proof of Address/Proof of identity ପ୍ରମାଣପତ୍ର ଅପଲୋଡ କରିବା ।
– ଯଦି PoA/PoI ଡକ୍ୟୁମେଣ୍ଟ୍ ଆତ୍ମ-ପ୍ରମାଣିତ ନହୁଏ ।
– ଅନଲାଇନ୍ ଏସଏସୟୁପି ପୋର୍ଟାଲରେ ଅପଲୋଡ୍ ହୋଇଥିବା ଡକ୍ୟୁମେଣ୍ଟଗୁଡିକ ମୂଳ ଡକ୍ୟୁମେଣ୍ଟଗୁଡିକରର ସ୍କାନରେ ମେଳ ଖାଉନଥିଲେ ଆଧାର ପରିବର୍ତ୍ତନ ବାତିଲ ହୋଇଯିବ ।