କାଳିଯାଇ ଯିବା ବାଟରେ ଦୁର୍ଘଟଣା, ବ୍ରିଜ ତଳକୁ ଖସିଲା ବସ୍, ୩୦ ଜଣ…

ନୟାଗଡ଼: ସକାଳୁ ସକାଳୁ ନୟାଗଡ଼ରେ ଘଟିଯାଇଛି ଏକ ବଡ଼ ଦୁର୍ଘଟଣା । କାଳିଯାଇ ଯିବା ବାଟରେ ବ୍ରିଜ ତଳକୁ ଖସିପଡ଼ିଛି ଏକ ଯାତ୍ରୀବାହୀ ବସ୍ । ଫଳରେ ଅନେକ ଯାତ୍ରୀ କ୍ଷୟକ୍ଷତିର ସାମନା କରିଛନ୍ତି ।

କାଳିଯାଇ ଯିବା ବାଟରେ ଦୁର୍ଘଟଣା: ମିଳିଥିବା ସୂଚନା ଅନୁସାରେ, ବସଟି କାଳିଯାଇ ଯିବା ବାଟରେ ଦୁର୍ଘଟଣାର ଶିକାର ହୋଇଛି । ରଣପୁରର ଖଣ୍ଡିସି ଛକ ନିକଟରେ ଭାରସାମ୍ୟ ହରାଇ ବ୍ରିଜ ତଳକୁ ଖସି ପଡ଼ିଥିବା ଜାଣିବାକୁ ମିଳିଛି ।

ଜଣେ ମୃତ, ୩୦ ଆହତ: ଗୁଣ୍ଠୁଣୀ ଗାଁରୁ ପ୍ରାୟ ୪୦ ଜଣ ଲୋକ କାଳିଯାଇ ଦର୍ଶନ ଅଭିମୁଖେ ବାହାରିଥିଲେ । କିନ୍ତୁ ଏଭଳି ଏକ ଦୁର୍ଘଟଣାରେ ଜଣେ ଯାତ୍ରୀ ପ୍ରାଣ ହରାଇଥିବା ବେଳେ ୩୦ ଜଣ ଯାତ୍ରୀ ଆହତ ହୋଇଛନ୍ତି ।

ସମସ୍ତ ଆହତଙ୍କ ଉଦ୍ଧାର କରାଯାଇ ରଣପୁର ମେଡିକାଲରେ ଭର୍ତ୍ତି କରାଯାଇଥିବା ବେଳେ ଗୁରୁତର ମାନଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ବସ୍ ଚାଳକ ଗାଡ଼ି ଉପରେ ନିୟନ୍ତ୍ରଣ କରିବାରେ ବିଫଳ ହେବାରୁ ଘଟିଯାଇଛି ଏମିତି ଏକ ଦୁର୍ଘଟଣା ।