(Video) ହାଇଓ୍ବେରେ ଛାତିଥରା ଘଟଣା, 2 ବ୍ୟକ୍ତିଙ୍କୁୁ 300 ମିଟର ଘୋଷାଡି ଦେଲା ଟ୍ରକ ଡ୍ରାଇଭର
ନୂଆଦିଲ୍ଲୀ: ଉତ୍ତରପ୍ରଦେଶରୁ ଏକ ଛାତିଥରା ଘଟଣା ସାମ୍ନାକୁ ଆସିଛି । 2 ଜଣ ବ୍ୟକ୍ତିଙ୍କୁ ଏକ ଟ୍ରକ 300 ମିଟର ଘୋଷାଡି ନେଇଥିବା ଦେଖାଯାଇଛି । ରବିବାର ରାତିରେ ଏହି ଘଟଣା ଘଟିଥିବା ନେଇ କୁହାଯାଇଥିବା ବେଳେ ଏହାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଆଗ୍ରା ହାଇଓ୍ବେରେ ଏକ ଟ୍ରକ 2 ଜଣ ବ୍ୟକ୍ତିଙ୍କୁ ଧକ୍କା ଦେଇ ଘୋଷାଡି ଦେଇଥିବା ଦେଖାଯାଇଛି । ତେବେ ଏହି ଘଟଣାରେ ପୋଲିସ 2 ଜଣଙ୍କୁ ଗିରଫ କରିବା ସହିତ ଟ୍ରକକୁ ମଧ୍ୟ ଜବତ କରାଯାଇଛି । 2ଜଣ ଆହତ ବ୍ୟକ୍ତିଙ୍କ ଘର ଆଗ୍ରାର ନୁନହାଇରେ ବୋଲି ଜଣାପଡିଛି । ବ୍ୟକ୍ତିମାନେ କାମ ସାରି ରାମବର୍ଗ ଯାଉଥିବା ବେଳେ ଏକ ଟ୍ରକ ଆଗରେ ପଡିଯାଇଥିଲେ । ଟ୍ରକ ଡାଇଭରଜଣକ ଦୁଇଜଙ୍କୁ ଘୋଷାଡି ଘୋଷାଡି ନେଇଯାଇଥିଲେ । ତେବେ ଯୁବକ ଦୁହେଁ ଚିତ୍କାର କରିବାରୁ ସ୍ଥାନୀୟ ଲୋକେ ଟ୍ରକ ଅଟକାଇ ସେମାନଙ୍କୁ ଉଦ୍ଧାର କରିଥିଲେ । ଏନେଇ ଛଟା ପୋଲିସ ପକ୍ଷରୁ ସୂଚନା ଦିଆଯାଇଛି ।
ତେବେ ଦୁଇଜଣ ବ୍ୟକ୍ତିଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଦୁହିଁଙ୍କ ଅବସ୍ଥା ସ୍ଥିର ରହିଛି । ଆଗ୍ରାର ଦୁଇଜଣଙ୍କ ବ୍ୟକ୍ତିଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିବାବେଳେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଟ୍ରକ ଡ୍ରାଇଭର ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରାଯାଇଛି ।
आगरा में एक ट्रक ड्राइवर ने बाइक सवार युवक को पहले टक्कर मारी और भागने की कोशिश करने लगा,
भागते हुए ट्रक में मोटर साइकिल और युवक दोनों फँस गए।दोनों युवकों को ट्रक वाला कई मीटर तक घसीटता हुआ ले गया
VC-@madanjournalist pic.twitter.com/h8gNu5KheT
— Priya singh (@priyarajputlive) December 23, 2024
