ଚାକିରି ଖୋଜୁଥିବା ପ୍ରାର୍ଥୀଙ୍କ ପାଇଁ ଖୁସି ଖବର: AIIMSରେ ଅନେକ ପଦବୀ ରହିଛି ଖାଲି, ଏହି ତାରିଖ ସୁଦ୍ଧା କରନ୍ତୁ ଆବେଦନ
ଲକ୍ଷ୍ନୌ,୨୩ା୧: ଚାକିରି ଖୋଜୁଥିବା ପ୍ରାର୍ଥୀଙ୍କ ପାଇଁ ଖୁସି ଖବର । ଅନେକ ପଦବୀରେ ନିଯୁକ୍ତି ପାଇଁ AIIMS ଗୋରଖପୁର ଦ୍ୱାରା ବିଜ୍ଞପ୍ତି ଜାରି କରାଯାଇଛି ।
ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) ଗୋରଖପୁର ବିଭିନ୍ନ ପଦବୀ ପାଇଁ ଆବେଦନ ଗ୍ରହଣ କରୁଛି । ଡାକ୍ତରୀ କ୍ଷେତ୍ରରେ ନିଜର କ୍ୟାରିୟର କରିବାକୁ ଚାହୁଁଥିବା ପ୍ରାର୍ଥୀମାନଙ୍କ ପାଇଁ ଏହି ନିଯୁକ୍ତି ଏକ ଉତ୍ତମ ସୁଯୋଗ ଅଟେ । ଆଗ୍ରହୀ ପ୍ରାର୍ଥୀମାନେ ୧୦ ଫେବୃଆରୀ ପର୍ଯ୍ୟନ୍ତ ଅନଲାଇନରେ ଆବେଦନ କରିପାରିବେ ।
ଏହି ନିଯୁକ୍ତି ଡ୍ରାଇଭ୍ ମାଧ୍ୟମରେ ମୋଟ ୭ଟି ପୋଷ୍ଟ ପୂରଣ ହେବ। ସେଥିରେ ପ୍ରୋଜେକ୍ଟ ରିସର୍ଚ୍ଚ ସାଇଣ୍ଟିଷ୍ଟ III (ଅଣ-ମେଡିକାଲ), ପ୍ରୋଜେକ୍ଟ ରିସର୍ଚ୍ଚ ସାଇଣ୍ଟିଷ୍ଟ II (ଅଣ-ମେଡିକାଲ), ପ୍ରୋଜେକ୍ଟ ଟେକ୍ନିକାଲ ସପୋର୍ଟIII , ସିନିୟର ପ୍ରୋଜେକ୍ଟ ଆସିଷ୍ଟାଣ୍ଟ, ଡାଟା ଏଣ୍ଟ୍ରି ଅପରେଟର, ପ୍ରୋଜେକ୍ଟ ଟେକ୍ନିକାଲ ସପୋର୍ଟ I ଏବଂ ପ୍ରୋଜେକ୍ଟ ନର୍ସ ପଦବୀ ପୂରଣ ହେବ।
ଆବେଦନ କରୁଥିବା ପ୍ରାର୍ଥୀମାନେ ପୋଷ୍ଟ ଅନୁଯାୟୀ ସମ୍ପୃକ୍ତ କ୍ଷେତ୍ରରେ ପୋଷ୍ଟ ଗ୍ରାଜୁଏଟ୍ ଡିଗ୍ରୀ / PhD / B.Sc/ ANM ଇତ୍ୟାଦି କରିଥିବା ଜରୁରୀ।
ବିଜ୍ଞପ୍ତି ଅନୁଯାୟୀ ଆବେଦନ କରୁଥିବା ପ୍ରାର୍ଥୀଙ୍କ ସର୍ବାଧିକ ବୟସ ୨୫/୨୮/୩୫/୪୦ /୪୫ ବର୍ଷ ହେବା ଉଚିତ୍।
ସାକ୍ଷାତକାର ଆଧାରରେ ଏହି ପଦବୀ ପାଇଁ ପ୍ରାର୍ଥୀ ଚୟନ କରାଯିବ। ପ୍ରାର୍ଥୀମାନଙ୍କୁ ଆବଶ୍ୟକ ଡକ୍ୟୁମେଣ୍ଟ ସହିତ ୱାକ-ଇଣ୍ଟରଭ୍ୟୁରେ ଯୋଗଦେବାକୁ ପଡିବ। ଫେବୃଆରୀ ୧୪ ସକାଳ ୮:୩୦ରୁ ଏହା ଆୟୋଜିତ ହେବ।
ଇଣ୍ଟରଭୁ୍ୟ ସମୟରେ ପ୍ରାର୍ଥୀମାନଙ୍କୁ ଆବଶ୍ୟକ ଦସ୍ତାବିଜ ସହିତ ପହଞ୍ଚିବାକୁ ପଡିବ। ପ୍ରାର୍ଥୀଙ୍କୁ ଆବେଦନ ଫର୍ମ, ଫଟୋ ପରିଚୟ ପ୍ରମାଣ, ଠିକଣା ପ୍ରୁଫ୍, ଜନ୍ମ ତାରିଖର ପ୍ରମାଣ, ପାସପୋର୍ଟ ସାଇଜ୍ ଫଟୋ, ବର୍ଗ ସାର୍ଟିଫିକେଟ୍, ମାର୍କ ସିଟ୍ ଏବଂ ପ୍ରମାଣପତ୍ର, ଅଭିଜ୍ଞତା ପ୍ରମାଣପତ୍ର, ପ୍ରକାଶନ ତାଲିକା ଏବଂ GATE / NET କ୍ଲିୟରାନ୍ସ ସାର୍ଟିଫିକେଟ୍ ଭଳି ଡକ୍ୟୁମେଣ୍ଟ ଆଣିବାକୁ ପଡିବ।
ଆଗ୍ରହୀ ପ୍ରାର୍ଥୀମାନେ ୧୦ ଫେବୃଆରୀ ପର୍ଯ୍ୟନ୍ତ ଅନଲାଇନରେ ଆବେଦନ କରିପାରିବେ। କମ୍ୟୁନିଟି ଏବଂ ଫ୍ୟାମିଲି ମେଡିସିନ୍ ବିଭାଗ, ଏକାଡେମିକ୍ ବ୍ଲକ୍ (MNC ବିଲଡିଂ), AIIMS, ଗୋରଖପୁରରେ ଏହି ଇଣ୍ଟରଭୁ୍ୟ ଅନୁଷ୍ଠିତ ହେବ।
