ବାଣ ପାଇଁ ନୁହେଁ ନଡ଼ା ଜଳିବା ଫଳରେ ଦିଲ୍ଲୀରେ ହେଉଛି ବାୟୂ ପ୍ରଦୂଷଣ: ନାସା
ନୂଆଦିଲ୍ଲୀ: ନ୍ୟାସନାଲ୍ ଏରୋନଟିକ୍ସ ଆଣ୍ଡ୍ ସ୍ପେସ୍ ଆଡମିନିଷ୍ଟ୍ରେସନ୍(ନାସା) ଦୀପାବଳୀ ପରଠାରୁ ଏକ ଅଧ୍ୟୟନର ନିଷ୍କର୍ଷ ବାହାର କରିଛି । ଯାହାକି ଦିଲ୍ଲୀରେ ବଢ଼ୁଥିବା ବାୟୁ ପ୍ରଦୂଷଣ ସହ ଜଡ଼ିତ । ନାସାର ଅଧ୍ୟୟନ ଅନୁସାରେ, ଦିଲ୍ଲୀରେ ବାୟୁ ପ୍ରଦୂଷଣର ଅସଲ କାରଣ ବାଣ ନୁହେଁ ବରଂ ପଡୋଶୀ ରାଜ୍ୟରେ ଜଳାଯାଉଥିବା ନଡ଼ା ।
ନାସାର ରିପୋର୍ଟ ଅନୁସାରେ, ନଭେମ୍ବର ୧୬ ସୁଦ୍ଧା, ଭିଜିବଲ୍ ଇନଫ୍ରାଡ୍ ଇମେଜିଙ୍ଗ୍ ରେଡିଓମିଟର ସୁଟ୍ (VIIRS ) ସେନ୍ସର ପଞ୍ଜାବରେ ୭୪,୦୦୦ ରୁ ଅଧିକ ହଟସ୍ପଟ୍ ଚିହ୍ନଟ କରାଯାଇଛି । ୨୦୧୬ ରେ ସେନ୍ସର ଦ୍ୱାରା ଚିହ୍ନଟ ହୋଇଥିବା ୮୫,୦୦୦ ହଟସ୍ପଟ୍ ସହିତ ଏହି ସଂଖ୍ୟା ପ୍ରାୟ ସମାନ । ନଭେମ୍ବର ୧୧ ରେ, ନାସା ଉଲ୍ଲେଖ କରିଛି ଯେ ପଞ୍ଜାବ ଏବଂ ହରିୟାଣାରେ ନଡ଼ା ଜଳିବା ଦ୍ୱାରା ଉତ୍ତର-ପଶ୍ଚିମ ଭାରତରେ ବାୟୁ ଗୁଣବତ୍ତା ହ୍ରାସ ପାଇଛି।
ନାସା ଜାଣିବାକୁ ପାଇଛି ଯେ ନଡ଼ା ଜଳିବା ବୃଦ୍ଧି ହେତୁ ନଭେମ୍ବର ମାସରେ ଅଗ୍ନି କାର୍ୟ୍ୟକଳାପ ବୃଦ୍ଧି ପାଇଛି। ଏଥିରେ କୁହାଯାଇଛି ଯେ, ନଭେମ୍ବର ୧୧ ରେ ସୁଓମି ଏନପିପି ଉପଗ୍ରହରେ VIIRS ପଞ୍ଜାବ ଏବଂ ହରିୟାଣାର ନିଆଁରୁ ପ୍ରବଳ ଧୂଆଁର ଏକ ବିଶାଳ ଅଂଶ ଭାରତର ଅନ୍ୟତମ ଜନବହୁଳ ସହର ଦିଲ୍ଲୀ ଆଡକୁ ଗତି କରିଥିଲା।
ନାସାର ମାର୍ଶଲ ସ୍ପେସ୍ ଫ୍ଲାଇଟ୍ ସେଣ୍ଟରରେ କାର୍ୟ୍ୟ କରୁଥିବା ପୱନ ଗୁପ୍ତାଙ୍କ ଅନୁଯାୟୀ, କେବଳ ନଭେମ୍ବର ୧୧ ରେ ନଡ଼ା ଜଳିବା ଦ୍ୱାରା ଉତ୍ପାଦିତ ଧୂଆଁରେ ଅତି କମରେ ୨ କୋଟି ଲୋକ ପ୍ରଭାବିତ ହୋଇଛନ୍ତି। ନାସା ରିପୋର୍ଟ କରିଛି ଯେ ଭାରତର ଜାତୀୟ ରାଜଧାନୀର ସେନ୍ସର ନଭେମ୍ବରରେ ଅନେକ ଥର କ୍ୟୁବିକ୍ ମିଟର ପିଛା ୪୦୦ ମାଇକ୍ରୋଗ୍ରାମ୍ ଉପରେ PM ୨.୫ ଏବଂ PM୧୦ ସ୍ତରକୁ ରେକର୍ଡ କରିଛନ୍ତି, ଯାହା WHOର କ୍ୟୁବିକ୍ ମିଟର ପ୍ରତି ୧୫ ମାଇକ୍ରୋଗ୍ରାମ୍ ସ୍ତରଠାରୁ ଅଧିକ ଅଟେ ।