Airtel Down: ଡାଉନ ହେଲା ଏୟାରଟେଲ, ହୋଇପାରୁନି କଲିଂ ଚାଲୁନି ଇଣ୍ଟରନେଟ୍
ନୂଆଦିଲ୍ଲୀ: ଡାଉନ ହେଲା ଲୋକପ୍ରିୟ ଟେଲିକମ୍ ସଂସ୍ଥା ଏୟାରଟେଲ ସର୍ଭିସ । ଆଜି ସକାଳୁ ଅନେକ ୟୁଜର୍ସ ଏୟାରଟେଲ ଡାଉନ ହୋଇଥିବା ନେଇ ଅଭିୋଗ ହୋଇଥିଲା । ଡାଉନଡିଟେକ୍ଟର ଅନୁଯାୟୀ, ସକାଳ 10ଟା 25 ସୁଦ୍ଧା ଉପଭୋକ୍ତା ଅଭିଯୋଗ ସଂଖ୍ୟା ୧୯୦୦ ଅତିକ୍ରମ କରିଯାଇଥିଲା। ଯାହା ବ୍ରଡବ୍ୟାଣ୍ଡ ଏବଂ ମୋବାଇଲ୍ ସେବାରେ ବ୍ୟାପକ ବିଭ୍ରାଟକୁ ଦର୍ଶାଇଥିଲାଯୋଗ କରିଛନ୍ତି । ୟୁଜର୍ସମାନେ ଏୟାରଟେଲ ଡାଉନ ନେଇ ଏକ୍ସରେ ଅଭିଯୋଗ କରିଥିଲେ । ଇଣ୍ଟରନେଟ ସଂଯୋଗରେ ବ୍ୟାଘାତ, କଲ୍ ଡ୍ରପ ଏବଂ ବ୍ଲାକଆଉଟ ନେଇ ୟୁଜର୍ସମାନେ ଦର୍ଶାଇଛନ୍ତି । ଏହି ସମସ୍ୟା ୟୁଜର୍ସଙ୍କ ଦୈନନ୍ଦିନ ସମସ୍ୟାକୁ ପ୍ରଭାବିତ କରିଥିଲା । ଏପିରିକି ୟୁଜର୍ସ କଲ୍ ମଧ୍ୟ କରିପାରିନଥିଲେ । କିନ୍ତୁ ବର୍ତ୍ତମାନ ସୁଦ୍ଧା ଏନେଇ କମ୍ପାନୀ ପକ୍ଷରୁ କୌଣସି ପ୍ରତିକ୍ରିୟା ସାମ୍ନାକୁ ଆସିପାରି ନାହିଁ ।
ମୋବାଇଲ ଇଣ୍ଟରନେଟ୍ ବ୍ୟବହାରକାରୀଙ୍କ ପାଇଁ ଏହି ବିଭ୍ରାଟ ବିଶେଷ ଭାବରେ ବାଧାଜନକ ଥିଲା । 39 ପ୍ରତିଶତ ଏନେଇ ଅଭିଯୋଗ କରିଥିଲେ । ଅନ୍ୟ 39 ପ୍ରତିଶତ ୟୁଜର୍ସ ଏୟାରଟେଲ ସେବା ସମ୍ପୁର୍ଣ୍ଣ ଭାବେ ବନ୍ଦ ହୋଇଥିବା ନେଇ ଅଭିଯୋଗ କରିଥିଲେ । ଅନ୍ୟ 22 ପ୍ରତିଶତ ସିଗନାଲ ନଆସିବା ନେଇ କହିଥିଲେ । ଗୁଜରାଟର ଅହମ୍ମଦାବାଦରେ ଅଧିକ ମାତ୍ରାରେ ୟୁଜର୍ସ ଏହି ସମସ୍ୟା ଭୋଗୁଥିବା ଅଭିଯୋଗ କରିଥିଲେ । କିଛି ୟୁଜର୍ସ ସୋସିଆଲ ମିଡିଆରେ ପ୍ରତିକ୍ରିୟା ଦେଇଥିବା ବେଳେ ଆଉ କିଛିଜଣ ହତାଶ ହେବା ଭଳି ପୋଷ୍ଟ କରିଥିଲେ । ଏହି ବିଭ୍ରାଟ ଏୟାରଟେଲର ବ୍ରଡବ୍ୟାଣ୍ଡ ସେବା ଉପରେ ନିର୍ଭର କରୁଥିବା ବ୍ୟବସାୟଗୁଡ଼ିକର କାର୍ଯ୍ୟକୁ ବାଧାପ୍ରାପ୍ତ କରିଥିଲା । ଘରୁ କାମ କରୁଥିବା ଅନେକ କର୍ମଚାରୀ ଭର୍ଚୁଆଲ୍ ମିଟିଂ ସହିତ ସଂଯୋଗ କରିପାରି ନଥିଲେ କିମ୍ବା କ୍ଲାଉଡ୍-ଆଧାରିତ ସମ୍ବଳଗୁଡ଼ିକୁ ଆକ୍ସେସ୍ କରିପାରି ନଥିଲେ। ପରିବାର ପାଇଁ, ଷ୍ଟ୍ରିମିଂ ସେବା ଏବଂ ଅନଲାଇନ୍ କ୍ଲାସଗୁଡ଼ିକ ହଠାତ୍ ବନ୍ଦ ହୋଇଯାଇଥିଲା ।
