ବଡ଼ ଦୁର୍ଘଟଣା: ଅବତରଣ ସମୟରେ ହେଲିକପ୍ଟରରେ ମାଡ଼ ହେଲା ବିମାନ
ବିମାନ ଦୁର୍ଘଟଣାର ସୂଚନା ମିଳିବା ମାତ୍ରେ ଜରୁରୀକାଳୀନ ଟିମ ଘଟଣାସ୍ଥଳରେ ପହଞ୍ଚି ସ୍ଥିତିକୁ ନିୟନ୍ତ୍ରଣ କରୁଛନ୍ତି।
ନୂଆଦିଲ୍ଲୀ: ଆମେରିକାରେ ଏକ ବଡ଼ ବିମାନ ଦୁର୍ଘଟଣା ଘଟିଛି । ରିପୋର୍ଟ ମୁତାବକ ଆମେରିକା ଏୟାରଲାଇନ୍ସ ଫ୍ଲାଇଟ ୫୩୪୨ ବୁଧବାର ୱାଶିଂଟନ ଡିସିର ରୋନାଲ୍ଡ ରୀଗନ ନେସନାଲ ଏୟାରପୋର୍ଟ ପାଖରେ ଏକ ହେଲିକପ୍ଟର ଅବତରଣ କରୁଥିବା ସମୟରେ ଆଉ ବିମାନ ମାଡ଼ ହୋଇଛି ।
ଏହି ଘଟଣା ପରେ ଏୟାରପୋର୍ଟର ସମସ୍ତ ଉଡାଣକୁ ରଦ୍ଦ କରାଯାଇଛି । ରୋନାଲ୍ଡ ରୀଗନ ନେସନାଲ ଏୟାରପୋର୍ଟ ବୁଧବାର ବିଳମ୍ବିତ ରାତିରେ ଏହି ଘଟଣା ବିଷୟରେ ସୂଚନା ଦେଇଥିଲା ।
ବିମାନ ଦୁର୍ଘଟଣାର ସୂଚନା ମିଳିବା ମାତ୍ରେ ଜରୁରୀକାଳୀନ ଟିମ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚିଥିଲେ । ଟ୍ରମ୍ପଙ୍କୁ ଏହି ଦୁର୍ଘଟଣା ବିଷୟରେ ଅବଗତ କରାଯାଇଛି ବୋଲି ହ୍ୱାଇଟ ହାଉସର ଜଣେ ପ୍ରବକ୍ତା କହିଛନ୍ତି ।
ଆମେରିକାର ଏୟାରଲାଇନ୍ସ ୱେବସାଇଟ ଅନୁଯାୟୀ, ଦୁର୍ଘଟଣାଗ୍ରସ୍ତ ଜେଟରେ ୬୫ ଜଣ ଯାତ୍ରୀଙ୍କର ବସିବାର କ୍ଷମତା ରହିଛି । ଆମେରିକୀୟ ସିନେଟର ଟେଡ କ୍ରୁଜ କହିଛନ୍ତି ଯେ, ଏହି ଦୁର୍ଘଟଣାରେ ଅନେକ ଲୋକଙ୍କ ମୃତ୍ୟୁ ଘଟିଛି ।
ସେ ଟ୍ୱିଟ କରିଛନ୍ତି ଯେ, ଆମେ ଏପର୍ଯ୍ୟନ୍ତ ଜାଣିନାହୁଁ ଯେ, ଏଥିରେ କେତେ ଜଣଙ୍କର ମୃତ୍ୟୁ ଘଟିଛି, କିନ୍ତୁ କିଛି ଲୋକଙ୍କର ମୃତ୍ୟୁ ଘଟିଛି ବୋଲି ଜଣାପଡୁଛି ।
