Anderson-Tendulkar Trophy: ଭାରତ-ଇଂଲଣ୍ଡର ନୂଆ ଟେଷ୍ଟ ଟ୍ରଫି ଲଞ୍ଚ, ଜାଣନ୍ତୁ କ’ଣ ରହିଛି ବିଶେଷତା

ନୂଆଦିଲ୍ଲୀ: ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଜୁନ୍ 20 ରୁ ଆରମ୍ଭ ହେଉଛି । ଏହି ସିରିଜ୍ ଆରମ୍ଭ ହେବା ପୂର୍ବରୁ, ଏହି ସିରିଜକୁ ଏକ ନୂତନ ନାମ ଦିଆଯାଇଛି । ଏହି ସିରିଜ୍ ପୂର୍ବରୁ ପଟୌଦି ଟ୍ରଫି ଭାବରେ ଜଣାଶୁଣା ଥିଲା କିନ୍ତୁ ଏବେ ଏହା ଆଣ୍ଡରସନ୍-ତେନ୍ଦୁଲକର ଟ୍ରଫି ଭାବରେ ଜଣାଶୁଣା ହେବ ।

ଆଜି ଲିଡ୍ସ ଗ୍ରାଉଣ୍ଡରେ ଏହି ନୂତନ ଟ୍ରଫି ଉନ୍ମୋଚନ କରାଯାଇଥିଲା । ଯେଉଁଠାରେ ସଚିନ ଏବଂ ଆଣ୍ଡରସନ ଉଭୟ ଉପସ୍ଥିତ ଥିଲେ । ଦୁହେଁ ଏକାଠି ଏହି ଟ୍ରଫି ଉନ୍ମୋଚନ କରିଥିଲେ ।

ଏହି ଟ୍ରଫିର ବିଶେଷତ୍ୱ ​​ହେଉଛି ଏଥିରେ ଆଣ୍ଡରସନଙ୍କ ବୋଲିଂ ଆକ୍ସନ ଏବଂ ସଚିନଙ୍କ ଡ୍ରାଇଭିଂର ଚିତ୍ର ଖୋଦିତ ହୋଇଛି । ଭାରତ-ଇଂଲଣ୍ଡ ସିରିଜର ଏହି ନୂତନ ଟ୍ରଫିରେ ସଚିନ ଏବଂ ଆଣ୍ଡରସନଙ୍କ ହସ୍ତାକ୍ଷର ମଧ୍ୟ ଅଛି ।

ଏହି ଟ୍ରଫିରେ ଲେଖାଯାଇଛି ଯେ ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ ଜିତିଥିବା ଦଳକୁ ଏହି ଟ୍ରଫି ଦିଆଯିବ । ପୂର୍ବରୁ ଏହି ଟ୍ରଫି ପଟୌଦି ଟ୍ରଫି ଭାବରେ ଜଣାଶୁଣା ଥିଲା କିନ୍ତୁ ଏବେ ବିଜେତା ଦଳର ଅଧିନାୟକଙ୍କୁ ପଟୌଦି ପଦକ ପ୍ରଦାନ କରାଯିବ ।