‘କର୍ମ’ ଫଳ ପାଉଛନ୍ତି ଅନୁଭବ ମହାନ୍ତି: ବକ୍ସ ଅଫିସରେ ରେକର୍ଡ ଭାଙ୍ଗୁଛି ସୁପରଷ୍ଟାରଙ୍କ ସିନେମା
ଓଡ଼ିଶା ଭାସ୍କର: ଦୁର୍ଗାପୂଜାରେ ଏକ ମଦଦାର ଲୁକରେ କମବ୍ୟାକ କରିଛନ୍ତି ଓଲିଉଡ ସୁପରଷ୍ଟାର ଅନୁଭବ ମହାନ୍ତି । ଆକ୍ସନ-ଥ୍ରିଲରରେ ଭରପୂର ସିନେମା ‘କର୍ମ’ ସହ ବକ୍ସ ଅଫିସରେ ଏଣ୍ଟ୍ରି କରିଥିଲେ ଅନୁଭବ । ଏହାପରେ ଓଡ଼ିଆ ସିନେମା ଜଗତର ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗିବାରେ ଲାଗିଛି ଏହି ଫିଲ୍ମ ‘କର୍ମ’ । ଦୁର୍ଗାପୂଜା ଅବସରରେ ଓଲିଉଡର ଭାଇଜାନ ସିନେପ୍ରେମୀଙ୍କୁ ଏକ ଦଶହରା ଭେଟି ଦେଇଛନ୍ତି । ଏହି ଫିଲ୍ମରେ ଅନୁଭବଙ୍କ ପରିଶ୍ରମ ସ୍ପଷ୍ଟ ଜଣା ପଡ଼ୁଥିବା ବେଳେ ଫିଲ୍ମ ବର୍ତ୍ତମାନ ବକ୍ସ ଅଫିସରେ ୬.୫ କୋଟି ଟଙ୍କା ଆୟ କରିବାରେ ସଫଳ ହୋଇଛି । ଏହାପରେ ଫ୍ୟାନ୍ସ କହୁଛନ୍ତି ଫିଲ୍ମର ସଫଳତା ହେଉଛି ଅନୁଭବଙ୍କ ‘କର୍ମ’ର ଫଳ ।
ନୂଆ ଷ୍ଟୋରୀ ଏବଂ ନୂଆ ଟ୍ରେଣ୍ଡ ସହିତ ଏକ ଦମଦାର ନୂଆ ଲୁକରେ ଅନୁଭବ ଦୁର୍ଗାପୂଜା ବକ୍ସ ଅଫିସରେ ଏଣ୍ଟ୍ରି କରିଥିଲେ । ‘ଚିରିଂ ଚିରିଂ…’ ଗୀତରେ ପୁଣିଥରେ ଅନୁଭବ ନିଜ ଡାନ୍ସର ଝଲକ ଦେଖାଇବା ସହ ରିଲିଜ ହୋଇଥିଲା ବହୁ ପ୍ରତିକ୍ଷୀତ ଓଡ଼ିଆ ସିନେମା ‘କର୍ମ’ । ଅନୁଭବ ଅନେକ ଦିନ ପରେ ନିଜର କୌଣସି ସିନେମା ପାଇଁ ଭରପୁର ପ୍ରମୋସନ କରିବାକୁ ମଇଦାନକୁ ଆସିଥିଲେ । ଅନୁପମ ପଟ୍ଟନାୟକଙ୍କ ନିର୍ଦ୍ଦେଶିତ ଏହି ସିନେମାରେ ଅନୁଭବଙ୍କ ସହ ଅନେକ ନୂଆ କଳାକାରଙ୍କୁ ଦେଖିବାକୁ ମିଳିଛି । ସୂର୍ଯ୍ୟମୟୀ, ଦିବ୍ୟା, ସନୋଜ ଏବଂ ମଣ୍ମୟ ଏହି ସିନେମାର ପ୍ରମୁଖ ଭୂମିକାରେ ରହିଛନ୍ତି । ଦୁର୍ଗାପୂଜାରେ ରିଲିଜ ହୋଇଥିବା ଏହି ସିନେମା ବର୍ତ୍ତମାନ ବକ୍ସ ଅଫିସରେ ସୁପରହିଟ୍ ଟ୍ୟାଗ୍ ପାଇସାରିଛି । ଅନୁବଙ୍କ ପରିଶ୍ରମ, ଲୁକ ଏବଂ ପ୍ରମୋସନ ପରେ ଏହାର କଲେକ୍ସନ ତାଙ୍କ କର୍ମର ଫଳ ବୋଲି କହିଛନ୍ତି ଦର୍ଶକ ।
ରିଲିଜ ହେବା ଦିନରୁ ଏହି ଫିଲ୍ମ ଦର୍ଶକଙ୍କ ହୃଦୟକୁ ଛୁଇଁପାରିଛି । ଏହି ଫିଲ୍ମର ଷ୍ଟୋରୀ ଏବଂ ଅନୁଭବଙ୍କ ଆକ୍ସନକୁ ଲୋକେ ଖୁବ ପସନ୍ଦ କରିଛନ୍ତି । ସିନେମା ହଲରେ ଅନୁଭବଙ୍କ ଫିଲ୍ମକୁ ଖୁବ ଭଲ ରେସପନ୍ସ ମିଳୁଛି । ରାଜନୀତିରେ ଅଧିକ ସମୟ ପାଇଁ କମ୍ ସିନେମା କରୁଥିବା ଅନୁଭବ ପୁଣିଥରେ କମବ୍ୟାକ କରିଛନ୍ତି । ଅନୁପମ ପଟ୍ଟନାୟକଙ୍କର ନିର୍ଦ୍ଦେଶିତ କର୍ମର ଗୀତ ରିଲିଜ ହେବା ପରେ ଫ୍ୟାନ୍ସଙ୍କ ମନରେ ଉତ୍କଣ୍ଠା ବୃଦ୍ଧି ପାଇଥିଲା । ଧରାପୃଷ୍ଠରେ ଜନ୍ମ ନେଇ ଇଶ୍ବର ମଧ୍ୟ ନିଜ କର୍ମର ଫଳ ପାଇଛନ୍ତି, ସେଠାରେ ମନୁଷ୍ୟ କିଭଳି ବର୍ତ୍ତିବେ । ଯିଏ ଯେଉଁଭଳି କର୍ମ କରିବ ତାର ଫଳ ନିଶ୍ଚିତ ମିଳିବ । ଏଭଳି ବାର୍ତ୍ତା ବର୍ତ୍ତମାନ ସମସ୍ତଙ୍କର ମୁହଁରେ ଶୁଣିବାକୁ ମିଳୁଛି ।
