ଅଳ୍ପ ବିଦ୍ୟା ଭୟଙ୍କରୀ…ୟୁଟ୍ୟୁବରେ ନିବେଶକଙ୍କୁ ବିଭ୍ରାନ୍ତକରି ଫସିଲେ ଅର୍ଶଦ ୱାର୍ସି, ବର୍ଷେ ଯାଏଁ ଚ୍ୟାନେଲ ବ୍ୟାନ୍, ପତ୍ନୀ ଓ ସଳା ନାଁରେ ଅଭିଯୋଗ
ନୂଆଦିଲ୍ଲୀ : ଯଦି ଆପଣ ସେୟାର ମାର୍କେଟ ଏବଂ ୟୁଟ୍ୟୁବରେ ଷ୍ଟକ୍ ସହିତ ଜଡିତ ଜ୍ଞାନ ଦେଉଛନ୍ତି, ତେବେ ସାବଧାନ୍ । ଏବେ ଠୁଁ ସତର୍କ ହୋଇଯାଆନ୍ତୁ ନହେଲେ ଆପଣ ଫସି ଯାଇପାରନ୍ତି । ଏଭଳି ଏକ ମାମଲାରେ ବଲିଉଡ ଅଭିନେତା ଅର୍ଶଦ ୱାର୍ସି ଫସିଛନ୍ତି । କେବଳ ସେ ନୁହେଁ, ତାଙ୍କ ସହ ପତ୍ନୀ ଏବଂ ସଳା ମଧ୍ୟ ଫସିଛନ୍ତି ।
ତାଙ୍କ ବିରୋଧରେ ସିକ୍ୟୁରିଟି ଏକ୍ସଚେଞ୍ଜ ବୋର୍ଡ ଅଫ୍ ଇଣ୍ଡିଆ (ସେବି) ପକ୍ଷରୁ କଠୋର କାର୍ୟ୍ୟାନୁଷ୍ଠାନ ନିଆଯାଇଛି । ସେବି ଶେୟାର ପମ୍ପ ଆଣ୍ଡ ଡମ୍ପ ଯୋଜନାରେ ଅର୍ଶଦଙ୍କ ସମେତ ୪୫ ଟି ୟୁଟ୍ୟୁବର୍ ଦୋଷୀ ସାବ୍ୟସ୍ତ କରିଛି । ଏହି ବ୍ୟକ୍ତିମାନେ ନିବେଶକଙ୍କୁ ବିଭ୍ରାନ୍ତ କରିବା ଏବଂ ସେୟାର ବଜାରକୁ କ୍ଷତି ପହଞ୍ଚାଉଥିବା ଅଭିଯୋଗ ହୋଇଛି।
ସେବି ଦୀର୍ଘ ସମୟ ଧରି ୟୁଟ୍ୟୁବର ମାନଙ୍କ ଉପରେ ନଜର ରଖିଥିଲା । ସେବି କହିଛି ଯେ ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଅର୍ଶଦ ୱାର୍ସିଙ୍କ ସମେତ ଅନେକ ୟୁଟ୍ୟୁବର୍ ନିବେଶକଙ୍କୁ ବିଭ୍ରାନ୍ତ କରି ମାସକୁ ୭୫ ଲକ୍ଷ ଟଙ୍କା ରୋଜଗାର କରୁଛନ୍ତି। ସମସ୍ତ ଅପରାଧୀଙ୍କ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରି ସେବି ତୁରନ୍ତ ଶେୟାର ମାର୍କେଟ କାରବାର ଉପରେ ପ୍ରତିବନ୍ଧକ ଲଗାଇଛି। ଏହି ମାମଲାରେ ଅର୍ଶଦ ୱାର୍ସି ଏବଂ ତାଙ୍କ ପତ୍ନୀଙ୍କୁ ମଧ୍ୟ ବାରଣ କରାଯାଇଛି।
SEBI cracks down on new form of ‘pump and dump’ via YouTube channel. Bars 46 entities from securities market via two orders. MO: misleading YouTube videos, paid marketing campaigns, pump up stocks and dump at inflated prices. Shareholders in one scrip increased from 2.1K to 55K pic.twitter.com/cn8s7Kq6LP
— Jayshree P Upadhyay (@jaysh88) March 2, 2023
ଆର୍ଥିକ ଠକେଇ ବର୍ଗରେ ସେୟାରଗୁଡିକର ପମ୍ପ ଏବଂ ଡମ୍ପିଂ ସ୍କିମ୍ ରଖାଯାଇଛି। ଏଥିରେ ବାଣିଜ୍ୟ କରାଯାଉଥିବା ଏକ ଷ୍ଟକ୍ ବୃଦ୍ଧି କିମ୍ବା ହ୍ରାସ କରିବାର ରଣନୀତି ପ୍ରସାର କରାଯାଇଛି । ୟୁଟ୍ୟୁବ୍ ପ୍ରଭାବଶାଳୀମାନେ ସେମାନଙ୍କ ଚ୍ୟାନେଲ ମାଧ୍ୟମରେ ଏକ ସମ୍ପତ୍ତିକୁ ପ୍ରୋତ୍ସାହିତ କରନ୍ତି ଏବଂ ଯେତେବେଳେ ଏହା ଲାଭ ସ୍ତରରେ ପହଞ୍ଚେ, ସେମାନେ ଏହାକୁ ବିକ୍ରୟ କରିବା ଆରମ୍ଭ କରନ୍ତି । ଏହାର ମୂଲ୍ୟ ହ୍ରାସ କରି ଏକ ଅଂଶ କିଣିବା ପାଇଁ ମଧ୍ୟ ସମାନ କୌଶଳ ଗ୍ରହଣ କରାଯାଇଛି ।
ଅର୍ଶଦ ୱାର୍ସି ଏବଂ ତାଙ୍କ ପତ୍ନୀ ମଧ୍ୟ ୟୁଟ୍ୟୁବ୍ ଚ୍ୟାନେଲ୍ ମାଧ୍ୟମରେ ସେୟାର ପମ୍ପ ଏବଂ ଡମ୍ପିଂ ଖେଳ ଚଳାଉଥିଲେ । ସେମାନେ ମିଡକ୍ୟାପ୍ ଏବଂ ଛୋଟ କ୍ୟାପ୍ ଷ୍ଟକ୍ ବିଷୟରେ ମିଥ୍ୟା ସୂଚନା ମାଧ୍ୟମରେ ନିବେଶକମାନଙ୍କୁ ପ୍ରଭାବିତ କରୁଥିଲେ ଏବଂ ଅଧିକ ଲୋକଙ୍କୁ ଆକର୍ଷିତ କରିବା ପାଇଁ ସେମାନଙ୍କ ଚ୍ୟାନେଲରେ ପେଡ୍ ବିଜ୍ଞାପନ ମଧ୍ୟ ଚଳାଉଥିଲେ ।
