ସରସ୍ୱତୀ ପୂଜାରେ ଭାଗ୍ୟବାନ୍ ହେବେ ଏହି ୩ ରାଶିର ଲୋକେ, ୧୪୪ ବର୍ଷ ପରେ ଦୁର୍ଲ୍ଲଭ ସଂଯୋଗ!
ଚଳିତ ବର୍ଷ ବସନ୍ତ ପଞ୍ଚମୀରେ ୧୪୪ ବର୍ଷ ପରେ ବିଶେଷ ସଂଯୋଗ..ଭାଗ୍ୟବାନ୍ ହେବେ ଏହି ୩ ରାଶିର ଲୋକେ
ହିନ୍ଦୁ ଧର୍ମରେ ପ୍ରତ୍ୟେକ ଦେବତା ଏବଂ ଦେବୀଙ୍କର କିଛି ବିଶେଷ ଗୁରୁତ୍ୱ ରହିଛି ବୋଲି ବିବେଚନା କରାଯାଏ। ବିଶେଷକରି ଶକ୍ତିର ରୂପ ବୋଲି ବିବେଚନା କରାଯାଉଥିବା ଦେବୀ (ନବଦୁର୍ଗା)ଙ୍କର ନଅ ପ୍ରକାର ପୂଜା କରାଯାଏ। ଶାନ୍ତି ପାଇଁ ମା ପାର୍ବତୀ, ଶକ୍ତି ପାଇଁ ମା କାଳୀ, ଧନ ପାଇଁ ମା ଲକ୍ଷ୍ମୀ ଏବଂ ଅନ୍ୟମାନଙ୍କୁ ପୂଜା କରାଯାଏ। ଏଭଳି ଭାବେ ଜ୍ଞାନ ପାଇଁ ମାତା ସରସ୍ୱତୀଙ୍କୁ ଆରାଧନା କରାଯାଇଥାଏ।
ବସନ୍ତ ପଞ୍ଚମୀ ଚଳିତ ବର୍ଷ ୨ ଫେବୃଆରୀ ରବିବାର ଦିନ ପାଳନ କରାଯିବ । ଏହି ଦିନ ବାକ୍ଦେବୀ ମା’ ସରସ୍ୱତୀଙ୍କର ଉପାସନା ସହ ପୂଜାର୍ଚ୍ଚନା କରାଯିବ ।
ମାଘ ମାସର ଶୁକ୍ଳପକ୍ଷର ପଞ୍ଚମୀ ତିଥିକୁ ବସନ୍ତ ପଞ୍ଚମୀର ପର୍ବ ପାଳନ କରାଯାଏ । ମା’ଙ୍କ ଉପାସନା କରିବା ଦ୍ୱାରା ଉତ୍ତମ ବିଦ୍ୟା, ବୁଦ୍ଧି ଓ ଆଶୀର୍ବାଦ ପ୍ରାପ୍ତି ହୋଇଥାଏ ।
ଚଳିତ ବର୍ଷ ବସନ୍ତ ପଞ୍ଚମୀରେ ୧୪୪ ବର୍ଷ ପରେ ବିଶେଷ ସଂଯୋଗ ହେବାକୁ ଯାଉଛି । ଏହି ଦିନ ମହାକୁମ୍ଭର ୪ର୍ଥ ସ୍ନାନ ବ୍ୟତୀତ ସର୍ବାର୍ଥ ସିଦ୍ଧିଯୋଗ, ଶିବ ଯୋଗ, ସିଦ୍ଧ ଯୋଗ, ଉତ୍ତରାଭାଦ୍ରପଦ ଓ ରେବତୀ ନକ୍ଷତ୍ରର ସଂଯୋଗ ମଧ୍ୟ ହେବାକୁ ଯାଉଛି ।
ବସନ୍ତ ପଞ୍ଚମୀରେ ହେବାକୁ ଯାଉଥିବା ଏହି ଶୁଭ ଯୋଗ ସମସ୍ତ ରାଶି ବ୍ୟକ୍ତି ବିଶେଷଙ୍କ ଉପରେ ଏହାର ପ୍ରଭାବ ପଡିଲେ ମଧ୍ୟ କିଛି ରାଶି ବ୍ୟକ୍ତି ବିଶେଷ ଖୁବ୍ ଭାଗ୍ୟଶାଳୀ ହେବେ । ଜାଣନ୍ତୁ..
କର୍କଟ- ଏହି ରାଶି ବ୍ୟକ୍ତି ବିଶେଷଙ୍କ ଉନ୍ନତିର ଯୋଗ ରହିଛି । କର୍ମକ୍ଷେତ୍ରରେ ଉନ୍ନତି ହେବ । ଧନ ବୃଦ୍ଧି ହେବ । ମା’ଙ୍କ କୃପାରୁ ମନସ୍କାମନା ପୂରଣ ହେବ ।
କନ୍ୟା – ଏହି ରାଶିଙ୍କ ଶୁଭ ଦିନର ଆରମ୍ଭ ହେବ । ମା’ଙ୍କ ଆଶୀର୍ବାଦ ମିଳିବ । ବ୍ୟବସାୟରେ ଲାଭ ମିଳିବ । ବାଣୀ ପାଇଁ ଆକର୍ଷଣର କାରଣ ପାଲଟିବେ ।
ବିଛା – ଏହି ରାଶି ବ୍ୟକ୍ତି ବିଶେଷଙ୍କୁ ଧନ ପ୍ରାପ୍ତି ହେବ । ପ୍ରେମ ସମ୍ପର୍କ ମଜଭୁତ ହେବ । ବିବାଦର ସମାଧାନ ହେବ । ବ୍ୟବସାୟରେ ଖୁବ୍ ଲାଭ ମିଳିବ ।
