BCCI ଅଚାନକ ଘୋଷଣା କଲା ବାର୍ଷିକ ଚୁକ୍ତି ତାଲିକା, ଏହି ୩୪ ଜଣ ଖେଳାଳିଙ୍କୁ ମିଳିଲା ସ୍ଥାନ
ବାର୍ଷିକ ଚୁକ୍ତି ତାଲିକା ଜାରି କଲା ବିସିସିଆଇ
ଭୁବନେଶ୍ୱର: ବିସିସିଆଇ ୨୦୨୪-୨୫ ବର୍ଷ ପାଇଁ କେନ୍ଦ୍ରୀୟ ଚୁକ୍ତିନାମା ଘୋଷଣା କଲା। ଏଥିରେ ସମୁଦାୟ ୩୪ ଜଣ ଖେଳାଳିଙ୍କୁ ସାମିଲ କରାଯାଇଛି।
ଏହି କଣ୍ଟ୍ରାକ୍ଟ ୧ ଅକ୍ଟୋବର ୨୦୨୪ରୁ ୩୦ ସେପ୍ଟେମ୍ବର୨-୨୫ ପର୍ଯ୍ୟନ୍ତ ରହିଛି। ଏଥିରେ ସମସ୍ତ ୩୪ ଜଣ ଖେଳାଳିଙ୍କୁ ଚାରୋଟି ଗ୍ରେଡରେ ବଣ୍ଟା ଯାଇଛି। ଏ+, ଏ, ବି ଏବଂ ସି ଗ୍ରେଡ୍।
ଭାରତ ମାର୍ଚ୍ଚ ୨୦୨୫ରେ ଚାମ୍ପିୟନ୍ସ ଟ୍ରଫି କବଜା କରିଥିଲା। କେନ୍ଦ୍ରୀୟ ଚୁକ୍ତିନାମାରେ ସେହି ଖେଳାଳିମାନଙ୍କୁ ସ୍ଥାନ ମିଳିଛି ଯେଉଁମାନେ ଚାମ୍ପିୟନ୍ସ ଟ୍ରଫିର ସ୍କ୍ୱାଡରେ ସାମିଲ ଥିଲେ।
ରୋହିତ-କୋହଲି A+ ଗ୍ରେଡରେ ସାମିଲ:
ବିସିସିଆଇ କେବଳ ଚାରି ଜଣ ଖେଳାଳିଙ୍କୁ A+ ଗ୍ରେଡରେ ରଖିଛି। ଏଥିରେ ରୋହିତ ଶର୍ମା, ବିରାଟ କୋହଲି, ରବିନ୍ଦ୍ର ଜାଡେଜା ଏବଂ ଜସପ୍ରୀତ ବୁମ୍ରା ଅଛନ୍ତି। ରୋହିତ, କୋହଲି ଏବଂ ଜାଡେଜା ଟି-୨୦ ଆନ୍ତର୍ଜାତୀୟରୁ ଅବସର ନେଇସାରିଛନ୍ତି ଏବଂ ଏବେ କେବଳ ଟେଷ୍ଟ ଏବଂ ଦିନିକିଆ ଖେଳୁଛନ୍ତି।
ଇଶାନ କିଷନ ଏବଂ ଶ୍ରେୟସ ଆୟର ଫେରିଲେ:
ଗତଥର ଇଶାନ କିଷନ ଏବଂ ଶ୍ରେୟସ ଆୟରଙ୍କୁ କେନ୍ଦ୍ରୀୟ ଚୁକ୍ତି ତାଲିକାରେ ସ୍ଥାନ ମିଳିନଥିଲା। ଏହା ପରେ ଉଭୟ ଖେଳାଳି ଘରୋଇ କ୍ରିକେଟ ଖେଳିଥିଲେ। ସେହି ସମୟରେ, ଆୟର ଭାରତକୁ ଚାମ୍ପିଅନ୍ସ ଟ୍ରଫି 2025 ଟାଇଟଲ ଜିତାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି କାରଣରୁ ଏହି ଦୁହିଁଙ୍କୁ ତାଲିକାରେ ସାମିଲ କରାଯାଇଛି।
ଗ୍ରେଡ୍-ଏରେ 6 ଜଣ ଖେଳାଳି ସାମିଲ:
ଗ୍ରେଡ୍-ଏରେ ମହମ୍ମଦ ସିରାଜ, କେ.ଏଲ୍ ରାହୁଲ, ଶୁବମାନ ଗିଲ, ହାର୍ଦ୍ଦିକ ପାଣ୍ଡ୍ୟା, ମହମ୍ମଦ ଶାମି ଏବଂ ଋଷଭ ପନ୍ତ ଅଛନ୍ତି। ବିସିସିଆଇ କେବଳ ଏହି 6 ଜଣ ଖେଳାଳିଙ୍କୁ ଗ୍ରେଡ୍-ଏରେ ସାମିଲ କରିଛି।
ବିସିସିଆଇ ଗ୍ରେଡ୍-ବିରେ ପାଞ୍ଚ ଜଣ ଖେଳାଳିଙ୍କୁ ସୁଯୋଗ ଦେଇଛି। ଏଥିମଧ୍ୟରେ ସୂର୍ଯ୍ୟକୁମାର ଯାଦବ, କୁଲଦୀପ ଯାଦବ, ଆକ୍ସର ପଟେଲ, ଯଶସ୍ୱୀ ଜୈସୱାଲ ଏବଂ ଶ୍ରେୟାସ ଆୟର ଅଛନ୍ତି।
ଗ୍ରେଡ-ସି:
ରିଙ୍କୁ ସିଂ, ତିଲକ ଭର୍ମା, ରୁତୁରାଜ ଗାଇକୱାଡ, ଶିବମ୍ ଦୁବେ, ରବି ବିଷ୍ଣୁ, ୱାଶିଂଟନ୍ ସୁନ୍ଦର, ମୁକେଶ କୁମାର, ସଞ୍ଜୁ ସାମସନ୍, ଅର୍ଶଦୀପ ସିଂ, ପ୍ରସାଦ କୃଷ୍ଣ, ରଜତ ପାଟିଦାର, ଧ୍ରୁଭ ଜୁରେଲ, ସରଫରାଜ ଖାନ, ନୀତୀଶ କୁମାର ରେଡ୍ଡୀ, ଇଶାନ ଦୀପ୍ତି, ହର୍ଷିତ ରାଣା।
🚨 𝗡𝗘𝗪𝗦 🚨
BCCI announces annual player retainership 2024-25 – Team India (Senior Men)#TeamIndia
Details 🔽https://t.co/lMjl2Ici3P pic.twitter.com/CsJHaLSeho
— BCCI (@BCCI) April 21, 2025