ଲୋକସଭା ନିର୍ବାଚନ ପୂର୍ବରୁ ଆଗାମୀ ୫ ବର୍ଷ ପାଇଁ ଯୋଜନା ପ୍ରସ୍ତୁତ କଲେ ପ୍ରଧାନମନ୍ତ୍ରୀ: ନିଜ ମନ୍ତ୍ରୀମାନଙ୍କୁ ଦେଲେ ଏହି ବଡ ଆଦେଶ
ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋଦୀଙ୍କୁ ଆକ୍ସନରେ ଦେଖିବାକୁ ମିଳିଛି । ଆସନ୍ତା ୫ ବର୍ଷ ପାଇଁ ସେ ତାଙ୍କ କ୍ୟାବିନେଟ ମନ୍ତ୍ରୀମାନଙ୍କୁ ବଡ ନିର୍ଦ୍ଦେଶ ଦେଇଛନ୍ତି ।
ସୂତ୍ରରୁ ମିଳିଥିବା ସୂଚନା ଅନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମନ୍ତ୍ରୀମାନଙ୍କୁ ନୂଆ ସରକାର ପୂର୍ବରୁ ପ୍ରଥମ ୧୦୦ ଦିନ ଏବଂ ଆସନ୍ତା ପାଞ୍ଚ ବର୍ଷ ପାଇଁ ରୋଡମ୍ୟାପ ପ୍ରସ୍ତୁତ କରିବାକୁ କହିଛନ୍ତି । ରବିବାର ସକାଳେ କ୍ୟାବିନେଟ ବୈଠକରେ ଅଧ୍ୟକ୍ଷତା କରି ପ୍ରଧାନମନ୍ତ୍ରୀ ମନ୍ତ୍ରୀମାନଙ୍କୁ ନିଜ ନିଜ ମନ୍ତ୍ରଣାଳୟର ସଚିବ ଏବଂ ଅନ୍ୟ ଅଧିକାରୀମାନଙ୍କୁ ଭେଟି ପ୍ରଥମ ୧୦୦ ଦିନ ଏବଂ ଆଗାମୀ ୫ ବର୍ଷର ଏଜେଣ୍ଡା କିପରି ଉତ୍ତମ ରୂପେ କାର୍ଯ୍ୟକାରୀ ହୋଇପାରିବ ସେ ବିଷୟରେ ଆଲୋଚନା କରିବାକୁ କହିଥିଲେ ।
ଲୋକସଭା ନିର୍ବାଚନ ୨୦୨୪ ପାଇଁ କାର୍ଯ୍ୟସୂଚୀ ଘୋଷଣା କରିବାର ଗୋଟିଏ ଦିନ ପରେ ଏହି ବ ବୈଠକ ଅନୁଷ୍ଠିତ ହୋଇଥିଲା । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ କ୍ୟାବିନେଟ ନିର୍ବାଚନ ଆୟୋଗର ସୁପାରିଶ ପଠାଇଛି । ଏହା ସହିତ ଦେଶରେ ସାତଟି ପର୍ଯ୍ୟାୟରେ ତାରିଖଗୁଡ଼ିକୁ ସୂଚିତ କରିବାର ପ୍ରକ୍ରିୟା ମଧ୍ୟ ଆରମ୍ଭ ହୋଇଛି ।
ତେବେ ନିର୍ବାଚନ ଆୟୋଗ ସାତୋଟି ପର୍ଯ୍ୟାୟରେ ଦେଶର ମୋଟ ୫୪୩ ଟି ଆସନ ଉପରେ ମତଦାନ କରିବାକୁ ଘୋଷଣା କରିଛନ୍ତି ।
ଏପ୍ରିଲ୍ ୧୯ ରେ ୧୦୨ ଟି ସିଟ୍ ଉପରେ ପ୍ରଥମ ପର୍ଯ୍ୟାୟ ଭୋଟ୍ ପାଇଁ ପ୍ରଥମ ବିଜ୍ଞପ୍ତି ମାର୍ଚ୍ଚ ୨୦ ରେ ଜାରି କରାଯିବ । ଏକ ନିର୍ଦ୍ଦିଷ୍ଟ ପର୍ଯ୍ୟାୟ ପାଇଁ ନାମାଙ୍କନ ପ୍ରକ୍ରିୟା ବିଜ୍ଞପ୍ତି ପ୍ରକାଶ ପାଇବା ମାତ୍ରେ ଆରମ୍ଭ ହେବ ।
ନୂଆ ସରକାର ପାଇଁ ମନ୍ତ୍ରୀମାନଙ୍କୁ ଏହି ନିର୍ଦ୍ଦେଶ ଦିଆଯାଇଛି :-
ପ୍ରଧାନମନ୍ତ୍ରୀ ମନ୍ତ୍ରୀମାନଙ୍କୁ କହିଛନ୍ତି କି ସେମାନେ ନିଜ ଅଧିକାରୀ ଓ ସଚିବମାନଙ୍କ ସହ ପ୍ରଥମ ୧୦୦ ଦିନ ଏବଂ ପରବର୍ତ୍ତୀ ୫ ବର୍ଷ ପାଇଁ ଏକ ରୋଡମ୍ୟାପ ପ୍ରସ୍ତୁତ କର । ନୂଆ ସରକାର ଗଠନ ପରେ ପ୍ରଥମ ୧୦୦ ଦିନ ଏବଂ ୫ ବର୍ଷ ପାଇଁ ଏଜେଣ୍ଡାର ଉତ୍ତମ କାର୍ଯ୍ୟକାରିତା ପାଇଁ ଏକ ରୋଡମ୍ୟାପ ଏବଂ ବ୍ଲୁ ପ୍ରିଣ୍ଟ ପ୍ରସ୍ତୁତ କରନ୍ତୁ ।
