କଂଗ୍ରେସ କର୍ମୀଙ୍କ ଅତ୍ୟାଚାର ସହି ନପାରି ଆତ୍ମହତ୍ୟା କଲେ ବିଜେପି କର୍ମୀ

ବେଙ୍ଗାଲୁରୁ: କଂଗ୍ରେସ ପାଇଁ ଜୀବନ ହାରିଦେଲେ ବିଜେପି କର୍ମୀ। କଂଗ୍ରେସ କର୍ମୀଙ୍କ ଅପମାନ ଓ ଲୋକଲଜ୍ୟା ସହିପାରିଲେନି। ଦୀର୍ଘ ୨ ମାସ କାଳ ଅପମାନିତ ହୋଇ ହୋଇ ଶେଷରେ ନିଜ ଅଫିସରେ ଆତ୍ମହତ୍ୟା କରିଦେଲେ ବିଜେପି କର୍ମୀ ଜଣଙ୍କ।

ଆଉ ଆତ୍ମହତ୍ୟା ପୂର୍ବରୁ ତାଙ୍କ ମୃତ୍ୟୁ ପାଇଁ କଂଗ୍ରେସ ଦାୟୀ ବୋଲି ଏକ ସୁଇସାଇଡ୍ ନୋଟ୍ ମଧ୍ୟ ଲେଖିଛନ୍ତି ବିଜେପି କର୍ମୀ ଜଣଙ୍କ। ଆଉ ଶେଷରେ କ୍ଷମା ମାଗିଛନ୍ତି ଏବଂ ତାଙ୍କ ମାଆ, ସ୍ତ୍ରୀ ଏବଂ ଝିଅଙ୍କୁ “ସାମାଜିକ ଏବଂ ଆର୍ଥିକ” ସାହାଯ୍ୟ କରିବାକୁ ବିଜେପି ୟୁନିଟ୍‌କୁ ଅନୁରୋଧ କରିଛନ୍ତି।

କଂଗ୍ରେସ ପାଇଁ ଜୀବନ ହାରିଲେ: ଘଟଣାଟି ହେଉଛି ବେଙ୍ଗାଲୁରୁର ନାଗାୱାରା ଅଞ୍ଚଳରେ। ଶୁକ୍ରବାର ଦିନ ବିନୟ ସୋମୈୟା ନାମକ ଜଣେ ୩୫ ବର୍ଷୀୟ ବ୍ୟକ୍ତି ତାଙ୍କ କାର୍ଯ୍ୟାଳୟରେ ଆତ୍ମହତ୍ୟା କରିଛନ୍ତି।

କର୍ଣ୍ଣାଟକର କୋଡାଗୁ ଜିଲ୍ଲାର ସୋମୱାରପେଟର ମୂଳ ବାସିନ୍ଦା ବିନୟ “କୋଡାଗିନା ସମସ୍ୟେଗାଲୁ” ହ୍ୱାଟସଆପ୍ ଗ୍ରୁପର ପ୍ରଶାସକ (ଆଡ୍‌ମିନ) ଥିଲେ, ଯେଉଁଠାରେ କଂଗ୍ରେସ ବିଧାୟକ ଏବଂ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ଆଇନଗତ ପରାମର୍ଶଦାତା ଏଏସ ପୋନାନ୍ନାଙ୍କ ବିରୋଧରେ ଏକ ବିବାଦୀୟ ପୋଷ୍ଟ ସେୟାର କରାଯାଇଥିଲା।

କାହିଁକି ହାରିଲେ ଜୀବନ: ଫଟୋରେ ଶ୍ରୀ ପୋନାନ୍ନା ଏକ ପାରମ୍ପରିକ କୋଡାଭା ପୋଷାକ ପିନ୍ଧି ଶୌଚାଳୟ ପାଖରେ ଠିଆ ହୋଇଥିଲେ। ଫଟୋ ସହିତ ଅପମାନଜନକ ଲେଖା ମଧ୍ୟ ଥିଲା। ଏହା ପରେ, ଫଟୋ ପୋଷ୍ଟ କରିଥିବା ବ୍ୟକ୍ତି ଏବଂ ଗ୍ରୁପର ଆଡମିନ ବିରୋଧରେ ଏଫଆଇଆର ରୁଜୁ ହୋଇଥିଲା, ଯେଉଁଥିରେ ବିନୟ ମଧ୍ୟ ସାମିଲ ଥିଲେ।

ପରେ ତାଙ୍କୁ ଗରିଫ କରାଯାଇଥିଲା। ଆଉ ଜାମିନରେ ଶେ ବାହାରକୁ ଆସିଥିଲେ। ଏହି ମାମଲା ଉପରେ କୋର୍ଟର ରହିତାଦେଶ ଥିଲା। ହେଲେ ଘଟଣାର ୨ ମାସ ପରେବି ବିନୟଙ୍କୁ ଅତ୍ୟାଚାର କରାଯାଉଥିଲା।

ଫଳରେ ଲୋକ ଲଜ୍ୟା ସହି ନପାରି ଆତ୍ମହତ୍ୟା କରିଦେଲେ ବିନୟ ନାମକ ବିଜେପି କର୍ମକର୍ତ୍ତା। ଆଉ ଚିଠିରେ ଲେଖିଗଲେ ତାଙ୍କ ମୃତ୍ୟୁ ପାଇଁ କଂଗ୍ରେସ ଦାୟୀ। ଏବଂ କର୍ଣ୍ଣାଟକ ବିଜେପି ୟୁନିଟ୍‌କୁ ଅନୁରୋଧ କଲେ କି ତାଙ୍କ ମା’, ସ୍ତ୍ରୀ ଓ ଝିଅକୁ ସହାୟତା କରିବା ପାଇଁ।