Bhool Bhulaiyaa 3; ରିଲିଜ ପୂର୍ବରୁ ରେକର୍ଡ ଭାଙ୍ଗିଲା, କାର୍ତ୍ତିକ ଆର୍ଯ୍ୟନ କହିଲେ….
ନୂଆଦିଲ୍ଲୀ: କାର୍ତ୍ତିକ ଆର୍ଯ୍ୟନଙ୍କ ଫିଲ୍ମ ଭୁଲ ଭୁଲୈୟା 3(Bhool Bhulaiyaa 3) କୁ ନେଇ ପ୍ରଶଂସକଙ୍କ ମନରେ ଉତ୍କଣ୍ଠା ଦେଖାଯାଇଛି । ରିଲିଜ ପୂର୍ବରୁ ନୂଆ ରେକର୍ଡ କରିଛି ଫିଲ୍ମ । ସୋସିଆଲ ମିଡିଆରେ ଧମାଲ ମଚାଇବାରେ ଲାଗିଛି । ଫିଲ୍ମର ପୋଷ୍ଟର ଏବଂ ଟିଜର ପ୍ରଶଂସକଙ୍କ ମଧ୍ୟରେ ଆଲୋଡ଼ନ ସୃଷ୍ଟି କରିସାରିଛି । ରିଲିଜ୍ ପୂର୍ବରୁ ରେକର୍ଡ କରିଛି ଏହି ଫିଲ୍ମ । ରିଲିଜ ପୂର୍ବରୁ ମୋଷ୍ଟ ଏଣ୍ଟିସିପେଟେଡ୍ ଇଣ୍ଡିଆନ୍ ମୁଭି ହୋଇଛି ଫିଲ୍ମ ।
ବର୍ତ୍ତମାନ ଆଇଏମଡିବି ମଧ୍ୟ ଫିଲ୍ମ ଭୁଲ୍ ଭୁଲୈୟାକୁ ଅନୁମୋଦନ ଦେଇଛି । ଏହି ଚଳଚ୍ଚିତ୍ର 2024 ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ହୋଇଛି । ଚଳଚ୍ଚିତ୍ର ରିଲିଜ ହେବା ପୂର୍ବରୁ ଫିଲ୍ମ ପାଇଁ ମିଳିଥିବା ପୁରସ୍କାର ବିଷୟରେ କାର୍ତ୍ତିକ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ସହ ସେୟାର କରିଛନ୍ତି । ତେବେ ସେୟାର କରି କାର୍ତ୍ତିକ ଲେଖିଛନ୍ତି, IMDb ମୋଷ୍ଟ ଏଣ୍ଟିସିପେଟେଡ୍ ଇଣ୍ଡିଆନ୍ ମୁଭି ହୋଇଛି ଭୁଲ୍ ଭୁଲୈୟା 3 । ଏହି ଦୀପାବଳିରେ ପରଦାତକୁ ଆସିବ ।
କାର୍ତ୍ତିକଙ୍କ ଦ୍ୱାରା ଅଂଶୀଦାର ହୋଇଥିବା ଏହି ଚଳଚ୍ଚିତ୍ରର ପୋଷ୍ଟରରେ ଅଭିନେତା ରୋହ ବାବାଙ୍କ ହାତରେ ଏକ ମଶାଲ ଧରି ଦୌଡୁଥିବା ନଜର ଆସିଛନ୍ତି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଆନିସ୍ ବାଜମୀ । ଏହାସହ ଏଥିରେ କାର୍ତ୍ତିକ ଆରୟନ, ବିଦ୍ୟା ବାଲାନ୍, ମାଧୁରୀ ଦୀକ୍ଷିତ ଏବଂ ତୃପ୍ତି ଡିମରୀ ଭଳି ଅଭିନେତା, ଅଭିନେତ୍ରୀ ରହିଛନ୍ତି । ଯଦି ରିପୋର୍ଟକୁ ବିଶ୍ବାସ କରାଯାଏ, ତେବେ ଏହି ଚଳଚ୍ଚିତ୍ରରେ ମାଧୁରୀ ଏବଂ ବିଦ୍ୟା ୱାଲାନଙ୍କ ମଧ୍ୟରେ ଫେସ୍ ଅଫ୍ ଡ୍ୟାନ୍ସ ହେବ । ତେବେ ପୂର୍ବରୁ ଭୁଲ ଭୁଲୈୟାର ଦୁଇଟି ପାର୍ଟ ରିଲିଜ ହୋଇଥିଲା । 2007ରେ ଭୁଲ ଭୁଲୈୟା ରିଲିଜ ହୋଇଥିବା ବେଳେ 2022ରେ ପାର୍ଟ-2 ପରଦାକୁ ଆସିଥିଲା । ଏହି ଦୁଇଟି ଚଳଚ୍ଚିତ୍ର ବକ୍ସ ଅଫିସରେ ସୁପରହିଟ୍ ହୋଇ ଧମାଲ ମଚାଇଥିଲା । ତେବେ ଭୁଲ ଭୁଲୈୟା 3କୁ ନେଇ ମଧ୍ୟ ସମାନ ଆଶା କରାଯାଉଛି ।
