ଦୀପାବଳିରେ ମିଳିବ ମାଗଣା LPG ସିଲିଣ୍ଡର ! ଜାଣନ୍ତୁ କେଉଁ ସରକାର କଲେ ଏହି ବଡ଼ ଘୋଷଣା

ନୂଆଦିଲ୍ଲୀ: ନବରାତ୍ରୀ ଏବଂ ଦୀପାବଳି ଅବସରରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜ୍ୟବାସୀଙ୍କୁ ଏକ ବଡ ଉପହାର ଦେଇଛନ୍ତି । ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାର ହିତାଧିକାରୀଙ୍କୁ ମାଗଣା ଏଲପିଜି ସିଲିଣ୍ଡର ଯୋଗାଇବାକୁ ସିଏମ ଯୋଗୀ ଘୋଷଣା କରିଛନ୍ତି ।

ସିଏମ ଯୋଗୀଙ୍କ ଏହି ନିଷ୍ପତ୍ତି ଯୋଗୁଁ ରାଜ୍ୟର ଦୁଇ କୋଟି ପରିବାରକୁ ଉପକୃତ ହେବେ ଏବଂ ଉତ୍ସବର ଆନନ୍ଦ ଦ୍ୱିଗୁଣିତ ହେବ । ଦୀପାବଳି ଅବସରରେ ଏକ ମାଗଣା ଏଲପିଜି ସିଲିଣ୍ଡର ପାଇବା ମହିଳାମାନଙ୍କ ପାଇଁ ଏକ ବଡ଼ ଉପହାର ।

ସିଏମ ଯୋଗୀଙ୍କ ନିର୍ଦ୍ଦେଶ :-
ଉତ୍ସବକୁ ଦୃଷ୍ଟିରେ ରଖି ସିଏମ୍ ଯୋଗୀ ଆଦିତ୍ୟନାଥ ମଙ୍ଗଳବାର ଅଧିକାରୀଙ୍କ ସହ ଏକ ବୈଠକ କରିଥିଲେ ଏବଂ ଏହି ବୈଠକରେ ସେ ସମସ୍ତ ଅଧିକାରୀଙ୍କୁ ଦୀପାବଳି ସମୟରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାର ହିତାଧିକାରୀଙ୍କୁ ମାଗଣା ଏଲପିଜି ସିଲିଣ୍ଡର ଯୋଗାଇବାକୁ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ, ସଂପୃକ୍ତ ଅଧିକାରୀମାନେ ଏହି ନିଷ୍ପତ୍ତି ସହ ଜଡିତ ସମସ୍ତ ଔପଚାରିକତାକୁ ଠିକ୍ ସମୟରେ ପୂରଣ କରିବା ଉଚିତ୍ । ସିଏମ ଯୋଗୀ ଟ୍ୱିଟରରେ ଏହି ବିଷୟରେ ସୂଚନା ଦେଇଛନ୍ତି । ସେ ଲେଖିଛନ୍ତି ଯେ ଦୀପାବଳି ଅବସରରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାର ହିତାଧିକାରୀଙ୍କୁ ମାଗଣା ଏଲପିଜି ସିଲିଣ୍ଡର ଦିଆଯିବ । ସମସ୍ତ ପରିସ୍ଥିତିରେ ସମସ୍ତ ହିତାଧିକାରୀ ଦୀପାବଳି ପୂର୍ବରୁ ଗ୍ୟାସ ସିଲିଣ୍ଡର ପାଇବା ଉଚିତ୍ ।