(Video) ରାଜଧାନୀରେ ବର୍ଷା ବିତ୍ପାତ: ପାଣି ଭିତରେ ହଜିଗଲା ବାଇକ: ହେଲମେଟ ପିନ୍ଧି ଖୋଜୁଛନ୍ତି ଯୁବକ…
ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ବର୍ତ୍ତମାନ ପ୍ରବଳ ବର୍ଷା ଲାଗି ରହିଛି । ଲଗାଣ ବର୍ଷା ଯୋଗୁଁ ବିଭିନ୍ନ ସ୍ଥାନରେ ଯିବା ଆସିବା ମଧ୍ୟ ଅସୁବିଧା ହେଉଛି । ଚଳିତବର୍ଷ ଦିଲ୍ଲୀରେ ବର୍ଷା ରେକର୍ଡ ସୃଷ୍ଟି କରିଛି । ଫଳରେ ରାସ୍ତାଘାଟ ପାଣିରେ ବୁଡି ଯାଇଥିବା ଦେଖିବାକୁ ମିଳିଛି । ଏହାଭିତରେ ସୋସିଆଲ ମିଡିଆରେ ଏକ ଭିଡିଓ ଖୁବ ଭାଇରାଲ ହେଉଛି । ଏହି ଭିଡିଓରେ ଜଣେ ବ୍ୟକ୍ତିଙ୍କ ବାଇକ ପାଣି ଭିତରେ ହଜି ଯାଇଥିବା ବେଳେ ସେ ହେଲମେଟ ପିନ୍ଧି ଏହାକୁ ଖୋଜୁଥିବା ଦେଖିବାକୁ ମିଳିଛି । ସାରା ଅଞ୍ଚଳରେ ପାଣି ଭରି ଯାଇଥିବା ବେଳେ ଏଭଳି ଏକ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓଟି ସଙ୍ଗମ ବିହାରର ରତିଆ ମାର୍ଗ ବୋଲି ଜଣାପଡିଛି । ଏଠାରେ ଏକ ନିର୍ମାଣାଧୀନ ନାଳ ବାଟ ଦେଇ ଜଣେ ଯୁବକ ଯାଉଥିବା ବେଳେ ତାଙ୍କ ବାଇକଟି ନାଳରେ ଗଳି ପଡିଥିଲା । ପାଣିରେ ପଡି ବାଇକଟି କୁଆଡେ ଗଲା ତାହା ଜଣା ପଡୁନାହିଁ । ତେଣୁ ଯୁବକ ଜଣକ ପାଣି ଭିତରେ ନିଜ ବାଇକକୁ ଖୋଜିବା ପାଇଁ ଚେଷ୍ୟା କରୁଛନ୍ତି । କିନ୍ତୁ ଏହି ସମୟରେ ସେ ହେଲମେଟ ପିନ୍ଧିଥିବା ମଧ୍ୟ ଦେଖାଯାଉଛି । ଲଗାଣ ବର୍ଷାରେ ସବୁଆଡେ ପାଣି ଭରି ରହିଥିବା ଏହି ଭିଡିଓରେ ଦେଖିବାକୁ ମିଳିଛି । ତେବେ ନାଳରେ ପଡିଯିବାରୁ ଯୁବକ ଜଣକ ଆହତ ମଧ୍ୟ ହୋଇଛନ୍ତି ।
देश की राजधानी [#Delhi] को भ्रष्ट और लापरवाह अधिकारियों और नेताओं ने "हादसों का शहर" बना दिया है।
संगम विहार के रतिया मार्ग पर निर्माणाधीन नाली में गिरा बाइक सवार।
इस हादसों का जिम्मेदार कौन?
इस तरह की लापरवाही पर कब होगी सख्त कार्यवाही?@LtGovDelhi @ArvindKejriwal pic.twitter.com/1iSd5veAU5— Delhi Complaint (@DelhiComplaint) July 8, 2023
ସୂଚନା ଅନୁଯାୟୀ, ଦିଲ୍ଲୀରେ ଲଗାଣ ବର୍ଷା ଯୋଗୁଁ ସାଧାରଣ ଲୋକଙ୍କୁ ନାନା ଅସୁବିଧାର ସମ୍ମୁଖୀନ ହେବାକୁ ପଡୁଛି । କନଟ ପ୍ଲେସରେ ଅନେକ ଦୋକାନ ଭିତରେ ପାଣି ପଶି ଯାଇଥିବା ମଧ୍ୟ ଦେଖାଯାଇଛି । ସେହିପରିମିଣ୍ଟୋ ବ୍ରିଜକୁ ଯାନବାହନ ପାଇଁ ବନ୍ଦ କରାଯାଇଛି । ଏହାପରେ ମଧ୍ୟ ପାଣିପାଗ ବିଭାଗ ପକ୍ଷରୁ ଆଲର୍ଟ ଜାରି ରହିଛି । ଆଗକୁ ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରି ସତର୍କ ସୂଚନା ଦେଇଛି ପାଣିପାଗ ବିଭାଗ ।
