କଲରା ଶରୀର ପାଇଁ ଲାଭଦାୟକ, କିନ୍ତୁ କିଛି ଲୋକଙ୍କ ସ୍ୱାସ୍ଥ୍ୟ ପାଇଁ ହୋଇପାରେ କ୍ଷତିକାରକ
କଲରା ଏପରି ଏକ ପରିବା , ଯାହାକୁ ସମସ୍ତେ ଖାଇବାକୁ ପସନ୍ଦ କରନ୍ତି ନାହିଁ । କିନ୍ତୁ କଲରା ମଧୁମେହ ରୋଗୀଙ୍କ ପାଇଁ ଏକ ଔଷଧ ଠାରୁ କମ୍ ନୁହେଁ। ଏହା ଇନସୁଲିନ୍ ସ୍ତରକୁ ନିୟନ୍ତ୍ରଣ କରେ । କଲରା ଖାଇବା ଦ୍ୱାରା ପେଟ ସମ୍ବନ୍ଧୀୟ ରୋଗ ଭଲ ହୋଇଥାଏ। କଲରା ଖାଇବାକୁ ଟିକିଏ ପିତା ଲାଗେ , କିନ୍ତୁ ଏଥିରେ ପରପୁର ମାତ୍ରାରେ ଔଷଧୀୟ ଗୁଣ ରହିଛି । ପ୍ରତିଦିନ କଲରା ଖାଇବା ଦ୍ୱାରା ଆପଣ ଅନେକ ରୋଗରୁ ଦୂରେଇ ରହିବେ ।
କଲରା ହେଉଛି ଭିଟାମିନର ଭଣ୍ଡାର । ପ୍ରତିଦିନ କଲରା ଖାଇବା ଦ୍ୱାରା ଆପଣ ଅନେକ ରୋଗରୁ ଦୂରେଇ ରହିବେ । କଲରାରେ ଜିଙ୍କ, ଭିଟାମିନ୍ ସି, ପୋଟାସିୟମ୍, ଆଇରନ୍ ଭଳି ଅନେକ ପୋଷକ ତତ୍ତ୍ୱ ରହିଥାଏ । ଏହି ସମସ୍ତ ପୋଷକ ତତ୍ତ୍ୱ ଆମ ପାଇଁ ଗୁରୁତ୍ୱପୂର୍ଣ୍ଣ । କଲରା ଖାଇବା ଦ୍ବାରା ଆମ ଶରୀରର ଅନେକ ଗୁଡିଏ ଫାଇଦା ମଧ୍ୟ ମିଳିଥାଏ । ଯେପରିକି କଲରା ଖାଇବା ଦ୍ବାରା ଆମ ଶରୀରରେ ରକ୍ତରେ ସର୍କରା ସ୍ତରକୁ କଣ୍ଟ୍ରୋଲ କରିବା, ରକ୍ତକୁ ସ୍ବଚ୍ଛ ରଖିବା , ଓଜନ ହ୍ରାସ କରିବା , କ୍ୟାନ୍ସରକୁ ପ୍ରତିହତ କରିବା , ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ଏବଂ ଆମ ତ୍ବଚା କୁ ସୁନ୍ଦର ଏବଂ ଉଜ୍ଜ୍ବଳମୟ କରିବା ଇତ୍ୟାଦି ।
କଲରା କେବଳ ଆମ ଶରୀର ପାଇଁ ଲାଭଦାୟକ ତାହା ନୁହେଁ , ଏହା କିଛି ଲୋକଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ପ୍ରମାଣିତ ହୋଇପାରେ? ପ୍ରତିଦିନ କଲରା ଖାଇବା ଦ୍ୱାରା ପେଟ ସମ୍ବନ୍ଧୀୟ ସମସ୍ୟା ହୋଇପାରେ । ଆପଣ ପେଟ ଯନ୍ତ୍ରଣା ସମସ୍ୟାର ସମ୍ମୁଖୀନ ହୋଇପାରନ୍ତି । ତେଣୁ ଅତ୍ୟଧିକ କଲରା ଖାଇବା ଠାରୁ ଦୂରେଇ ରୁହନ୍ତୁ । ଏହା ଯକୃତ ପାଇଁ କ୍ଷତିକାରକ ହୋଇପାରେ କାରଣ ଏଥିରେ ଲେକ୍ଟିନ୍ ଥାଏ ।
