Big Breaking- OCA ସଭାପତି ପଦ ଛାଡିଲେ ପ୍ରଣବ, ୪୫ ଦିନରେ ନିର୍ବାଚନ
ବ୍ୟକ୍ତିଗତ କାରଣରୁ ବବି ଛାଡିଲେ ଓସିଏ ସଭାପତି ପଦ, ଆସନ୍ତା ୪୫ ଦିନରେ ନିର୍ବାଚନ
କଟକ: OCA ଛାଡିଲେ ବିଜେଡିର ପୂର୍ବତନ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶ । ଆଜି ସେ ବିଧିବଦ୍ଧ ଭାବେ ଓସିଏ ସଭାପତି ପଦରୁ ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ନେଇ ସୂଚନା ଦେଲେ ଓସିଏର ସମ୍ପାଦକ ସଞ୍ଜୟ ବେହେରା । ସେ ତାଙ୍କ ବ୍ୟକ୍ତିଗତ କାରଣରୁ ଏହି ପଦରୁ ଇସ୍ତଫା ଦେଇଥିବା କହିଲେ ସଞ୍ଜୟ ।
ଆଜି ଓସିଏର ସଭାପତି ପଦରୁ ପ୍ରଣବ ଦାଶ ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ନେଇ ଓସିଏ ସମ୍ପାଦକ ସୂଚନା ଦେଇଛନ୍ତି । ବ୍ୟକ୍ତିଗତ କାରଣ ପାଇଁ ପ୍ରଣବ ଦାଶ ବା ବବି ଦାଶ ଇସ୍ତଫା ଦେଇଛନ୍ତି ।
ବବିଙ୍କ ଇସ୍ତଫା ପରେ ଏହି ପଦଟି ଖାଲି ହୋଇଛି । ତେବେ ଆଗାମୀ ୪୫ ଦିନ ଭିତରେ ସଭାପତି ନିର୍ବାଚନ ହେବ ବୋଲି କହିଛନ୍ତି ସଞ୍ଜୟ ।
ତେବେ ରାଜ୍ୟରେ ସରକାର ବଦଳିବା ପରଠାରୁ ବବି ଓସିଏ ସଭାପତି ଛାଡିବା ନେଇ ଚର୍ଚ୍ଚା ହୋଇ ଆସୁଥିଲା । ଦୀର୍ଘ ୬ ମାସ ପରେ ଆଜି ବ୍ୟକ୍ତିଗତ କାରଣ ଦର୍ଶାଇ ବବି ଏହି ପଦ ଛାଡିଛନ୍ତି ।
ଏଠାରେ କହି ରଖୁଛୁ କି, ୨୮ ଅକ୍ଟୋବର ୨୦୨୨ରେ ଓଡିଶା କ୍ରିକେଟ ଆସୋସିଏସନର ସଭାପତି ମଙ୍ଗ ଧରିଥିଲେ ବବି ଦାଶ । ଏହି ପଦରେ ସେ ଦୁଇ ବର୍ଷ ଧରି ଦାୟିତ୍ବ ସମ୍ଭାଳିଥିଲେ ।
