ବହୁ ବାଦ ବିବାଦ ପରେ ରିଲିଜ ହେବାକୁ ଯାଉଛି ପଠାନ ଫିଲ୍ମର ଟ୍ରେଲର; ଦର୍ଶକଙ୍କ ଉତ୍ସାହ ବଢାଇଲା ନୂଆ ପୋଷ୍ଟର
ମୁମ୍ବାଇ: ପଠାନ ଫିଲ୍ମ ପୋଷ୍ଟର ଏବଂ ଗୀତ ରିଲିଜ ହେବା ପରଠାରୁ ଏହାକୁ ନେଇ ଚର୍ଚ୍ଚା ଲାଗି ରିହିଛି । ଯାହାଫଳରେ ଟ୍ରୋଲରମାନେ ଟ୍ରୋଲ କରିଆସୁଛନ୍ତି । ଏଥିସହିତ ଏହି ଫିଲ୍ମରେ ଥିବା ‘ବେସରମ ରଙ୍ଗ’ ଗୀତକୁ ନେଇ ଅନେକ ବାଦ ବିବାଦ ଦେଖାଦେଇଥିଲା । ତେବେ ସବୁ ପରେ ମଧ୍ୟ ଏହି ଫିଲ୍ମର ଟ୍ରେଲର ରିଲିଜ ହେବାକୁ ଯାଉଛି । ଯାହାକୁ ନେଇ ଶାହାରୁଖ ଖାନଙ୍କ ପ୍ରସଂଶକମାନେ ଉତ୍ସାହିତ ଅଛନ୍ତି । ତେବେ ଶାହାରୁଖ ଖାନ୍ ଦୀର୍ଘ ୪ବର୍ଷ ପରେ ପରଦାକୁ ଫେରିଛନ୍ତି ତା ପୁଣି ଆକ୍ସନ ମୁଭିରେ । ଯାହାକୁ ନେଇ ପ୍ରଶଂସକମାନେ ଅନେକ ଉତ୍ସାହିତ ଅଛନ୍ତି ଏବଂ କିଙ୍ଗ ଖାନଙ୍କୁ ବଡ ପରଦାରେ ଦେଖିବାକୁ ଚାହିଁ ବସିଛନ୍ତି ।
ତେବେ ମିଳିଥିବା ସୂଚନା ଅନୁସାୟୀ, ଶାହାରୁଖ ଏବଂ ଦିପୀକାଙ୍କ ଫିଲ୍ମ ‘ପଠାନ’ର ଟ୍ରେଲର ଆସନ୍ତାକାଲି ଅର୍ଥାତ୍ ଚଳିତ ବର୍ଷ ଜାନୁଆରୀ ୧୦ତାରିଖରେ ରିଲିଜ ହେବାକୁ ଯାଉଛି । ତେବେ ଆଜି ଶାହାରୁଖ ଖାନ ଏବଂ ଦୀପିକା ପାଦୁକୋନ ସମସ୍ତେ ସୋସିଆଲ ମିଡିଆରେ ଫିଲ୍ମର ଏକ ନୂଆ ପୋଷ୍ଟର ସେୟାର କରିଛନ୍ତି । ଫିଲ୍ମର ଟ୍ରେଲର କେଉଁ ତାରିଖ ଏବଂ କେଉଁ ସମୟରେ ରିଲିଜ ହେବ ତାହା ମଧ୍ୟ ଜଣାଇଛନ୍ତି। ପୋଷ୍ଟର ଅନୁଯାୟୀ, ‘ପଠାନ’ ଫିଲ୍ମର ଟ୍ରେଲର ଆସନ୍ତାକାଲି ସକାଳ ୧୧ ଟାରେ ମୁକ୍ତିଲାଭ କରିବ । ଫଳରେ ଆପଣମାନେ ଆସନ୍ତାକାଲି ଏହି ଫିଲ୍ମର ଝଲକ ଦେଖିବାକୁ ପାଇବେ ।
View this post on Instagram
ନୂଆ ପୋଷ୍ଟରରେ ଫିଲ୍ମର ମୁଖ୍ୟ କଳାକାର – ଶାହରୁଖ ଖାନ, ଦୀପିକା ପାଦୁକୋନ ଏବଂ ଜନ ଅବ୍ରହାମ ଥିବା ଦେଖିବାକୁ ମିଲିଛି । ପୋଷ୍ଟରରେ ଦୀପିକା ଏକ ବ୍ୟାକଲେସ୍ ପୋଷାକରେ ଥିବାବେଳେ ସେ ଏକ ବନ୍ଧୁକ ଧରିଛନ୍ତି । ଏତତ୍ ବ୍ୟତୀତ ଶାହାରୁଖ ଖାନଙ୍କ ରକ୍ତଭିଜା ଲୁକକୁ ପ୍ରଶଂସକମାନେ ଖୁବ୍ ପସନ୍ଦ କରିଛନ୍ତି ।ବ ଏଥିସହିତ ଜନ୍ ଅବ୍ରହାମଙ୍କ ଲୁକ୍ ମଧ୍ୟ ଅତ୍ୟନ୍ତ ଆକର୍ଷଣୀୟ ହୋଇଛି । ତେବେ ପଠାନ ରିଲିଜ୍ ପୂର୍ବରୁ ମଧ୍ୟ ଏହା ଅନେକ ଜିନିଷକୁ ନେଇ ବିବାଦ ଘେରରେ ରହିଛି ଯେଉଁଥିରେ ଫିଲ୍ମର ପ୍ରଥମ ଗୀତ ‘ବେସରାମ ରଙ୍ଗ’ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।
