ଝାରସୁଗୁଡାରେ ବଲିଉଡ ସୁପରଷ୍ଟାର ଗୋବିନ୍ଦା ଓ କଣ୍ଠଶିଳ୍ପି ଅଭିଜିତ ସାୱନ୍ତ

ଝାରସୁଗୁଡା : ଝାରସୁଗୁଡାରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମର ଆଜି ହେଉଛି ଶେଷ ସଂଧ୍ୟା । ଏହି ଉତ୍ସବରେ ଅନେକ କଳାକାର ଏବଂ ଅଭିନେତା ସାମିଲ ହୋଇଥିଲେ । ଏହା ସହ ଦର୍ଶକଙ୍କ ଭିଡ ମଧ୍ୟ ଦେଖିବାକୁ ମିଳିଥିଲା । କାର୍ଯ୍ୟକ୍ରମରେ ନୃତ୍ୟଶିଳ୍ପୀ ଶାଶ୍ୱତ ଯୋଶୀ, ଓଲିଉଡ ଅଭିନେତ୍ରୀ ଶତଲ ପାତ୍ର,ତମନ୍ନା ବ୍ୟାସ ପ୍ରମୁଖ ଯୋଗ ଦେଇଥିଲେ । ଏହା ଛଡା ଏମାନେ ଦର୍ଶକଙ୍କୁ ମଧ୍ୟ ମନୋରଞ୍ଜନ ଯୋଗାଇଥିଲେ । ପାରମ୍ପାରିକ ଲୋକନୃତ୍ୟରେ ଝୁମିଥିଲେ ଦର୍ଶକ ।

ଶନିବାର ନବ ଦାସ ଫାଉଣ୍ଡେସନ ପକ୍ଷରୁ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଉଦଘାଟିତ ହୋଇଥିଲା । ପ୍ରଥମ ଦିନରେ ଅନେକ ଲୋକ ଏଥିରେ ଯୋଗ ଦେଇଥିଲେ । ଉତ୍ସବରେ ଆଇଜି ଦୀପକ କୁମାର, ଏସିନି ସ୍ମିତ ପରମାର ପୁରୁଷୋତ୍ତମଦାସ, ବେଦାନ୍ତ ସିଓଓ ପ୍ରମୁଖ ଉପସ୍ଥିତ ଥିଲେ । ଏଥିରେ ବଲିଉଡ ସୁପରଷ୍ଟାର ଗୋବିନ୍ଦା, କଣ୍ଠଶିଳ୍ପୀ ଅଭିଜିତ ସାୱନ୍ତ ଯୋଗ ଦେଇ ଲୋକମାନଙ୍କୁ ଶୁଭେଚ୍ଛା ଜଣାଇବା ସହିତ ମନୋରଞ୍ଜନ ମଧ୍ୟ କରିଥିଲେ । ନୂଆଁଖାଇ ଏକ ଲୋକ ପର୍ବ । ଏହାକୁ ପଶ୍ଚିମ ଓଡିଶାରେ ଧୁମଧାମରେ ପାଳନ କରାଯାଏ । ଏଠାରେ ମା ସମଲେଇଙ୍କୁ ନବାର୍ଣ୍ଣ ଭୋଗ ଲଗାଯିବା ପରେ ଘରେ ସମସ୍ତେ ନୂଆ ଖାନ୍ତି ଏବଂ ଘରର ବଡ ଲୋକ ବା ଗୁରୁଜନମାନଙ୍କୁ ଜୁହାର ହୁଅନ୍ତି । ଏହି ପରି ଭାବରେ ପାଳନ କରାଯାଏ ନୂଆଁଖାଇ ।