(Video) Bra ଚୋରକୁ ମାନିବାକୁ ପଡ଼ିବ, ଲେଡିଜ୍ ହଷ୍ଟେଲରୁ ବ୍ରା ଗାଏବ କରିଦେଉଛି
ଭୁବନେଶ୍ୱର(ଓଡ଼ିଶା ଭାସ୍କର): ଆଜିକାଲି ଦିନକୁ ଦିନ ଯେପରି ଭାବେ ନୂଆ ନୂଆ ଟେକ୍ନୋଲୋଜି ବାହାରୁଛି, ଅନୁରୂପ ଭାବେ ଚୋରମାନେ ନୂଆ ନୂଆ ତରିକାରେ ନୂଆ ନୂଆ ଜିନିଷ ମଧ୍ୟ ଚୋରି କରୁଛନ୍ତି । ଆପଣମାନେ ଟଙ୍କା, ପଇସା, ସୁନା ଗହଣା, ଗାଡ଼ି ମୋଟର ଚୋରି କଥା ଶୁଣିଥିବେ । ଅତିବେଶିରେ ଗାଁମାନଙ୍କରେ ଚୋରମାନେ ଆଳୁ, ସାରୁ, ବାଇଗଣ ମଧ୍ୟ ଚୋରି କରିଥାନ୍ତି ।
ତେବେ ଆପଣମାନେ କେବେ କୌଣସି ମହିଳା ବା ଯୁବତୀଙ୍କର ଅନ୍ତବସ୍ତ୍ର ଚୋରି ହେଉଥିବା ବିଷୟରେ ଶୁଣିଛନ୍ତି କି? ରାଜଧାନୀ ଭୁବନେଶ୍ୱରରୁ ଏଭଳି ଜଣେ ବ୍ରା ଚୋରକୁ ଗିରଫ କରାଯାଇଛି । ଚୋରଟି ଗୋଟିଏ ହଷ୍ଟେଲରୁ ଅନ୍ୟ ହଷ୍ଟେଲକୁ ଘୂରି ବୁଲେ । ଯେଉଁଠି ବ୍ରା ଶୁଖୁଥିବାର ଦେଖେ, ସେଠାର ବ୍ରାକୁ ଗାଏବ କରିଦିଏ ଏହି ଚୋରି ।
ତେବେ ନିକଟରେ ଭାରତପୁର ଅଞ୍ଚଳର ଏକ ହଷ୍ଟେଲରୁ ବ୍ରା ଚୋରି କରି ଫେରାର ହେଉଥିବା ସମୟରେ ଯୁବତୀମାନେ ଚୋରର ଗାଡ଼ିର ଫଟୋ ଉଠାଇ ପୋଲିସରେ ଖବର ଦେଇଥିଲେ । ଏହାପରେ ପୋଲିସ ଉକ୍ତ ଚୋରକୁ ଗିରଫ କରିବା ସହ ତା’ ପାଖରୁ ୨୫ରୁ ଅଧିକ ବ୍ରା ଜବତ କରିଥିଲା । ଚୋରର ଘର କନ୍ଧମାଳ ଜିଲ୍ଲା ହୋଇଥିବା ବେଳେ ସେ ବରମୁଣ୍ଡାର ଭୋଇ ସାହିରେ ରହୁଥିଲା । ତେବେ ଚୋରଟି ଏତେ ସଂଖ୍ୟକ ବ୍ରା ଚୋରି କରି କ’ଣ କରୁଥିବା ତାହା ଏବେ ସଭିଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି ।
