ଭାରତୀୟ ବାୟୁସେନା ହେଲିକପ୍ଟର ଦୁର୍ଘଟଣାଗ୍ରସ୍ତ; ଜଣଙ୍କର ମୃତ୍ୟୁ ଘଟିଥିବା ସୂଚନା !
ନୂଆଦିଲ୍ଲୀ: ଜାମ୍ମୁ କାଶ୍ମୀରର କିଷ୍ଟୱାର ଜିଲ୍ଲାର ମାରୱା ତହସିଲର ମାଖନା ଗ୍ରାମ ନିକଟରେ ଏକ ସେନା ଚପର ଦୁର୍ଘଟଣାଗ୍ରସ୍ତ ହେବା ପରେ ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି। ସୂତ୍ରରୁ ପ୍ରକାଶ ଯେ ଏହା ଏକ ଉନ୍ନତ ଆଲୋକ ହେଲିକପ୍ଟର ଥିଲା। ଘଟଣାଟି ପ୍ରାୟ ୯:୪୫ ସମୟରେ ଘଟିଥିଲା । ଚପରଟି କିଷ୍ଟୱାର ରୁ ମାରୱା ଆଡକୁ ଏକ ସାଧାରଣ ସର୍ଟୀରେ ଉଡୁଥିଲା। ତେବେ କେଉଁ କାରଣରେ ଏଭଳି ହେଇଛି ତାହା ସୂଚନା ମିଳିନାହିଁ । ପାଇଲଟ ଆହତ ହେଇଥିବା ବେଳେ ଅବସ୍ଥା ଅଧିକ ସଙ୍କଟପୂର୍ଣ୍ଣ ନାହିଁ । ସେନା ହେଲିକପ୍ଟର ALH ଧ୍ରୁବ ପାଇଲଟ ଦୁର୍ଘଟଣାଗ୍ରସ୍ତ ହେଇଥିବା ସୂଚନା ମିଳିଛି ।
ସୂଚନାମୁତାବକ ଏହା ପୂର୍ବରୁ ଭାରତୀୟ ବାୟୁସେନାର ‘ଚିତା’ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ଜାମ୍ମୁ-କାଶ୍ମୀର ଗୁରେଜ ସେକ୍ଟର ବରାଉମ ଅଞ୍ଚଳରେ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିଲା । ହେଲିପ୍ୟାଡରେ ଲ୍ୟାଣ୍ଡିଂ ସମୟରେ ଚପରଟିର ନିୟନ୍ତ୍ରଣ ବିଗିଡ଼ିଯାଇଥିଲା, ଯାହାଫଳରେ ଦୁର୍ଘଟଣା ହୋଇଥିଲା ।
