ଲିଷ୍ଟେରିଆ ଭୟ: ବଜାରରୁ ବିପୁଳ ମାତ୍ରାରେ ପ୍ରଡକ୍ଟ ଫେରାଇ ନେଲା କାଡବରୀ, କିଣିଥିଲେ ନଖାଇବାକୁ ପରାମର୍ଶ
ନୂଆଦିଲ୍ଲୀ: ଲିଷ୍ଟେରିଆ ଭୟରେ ବ୍ରିଟେନ୍ ବଜାରରୁ ବିପୁଳ ମାତ୍ରାରେ ପ୍ରଡକ୍ଟ ଫେରାଇ ନେଇଛି କାଡବରୀ ଚକୋଲେଟ । ଏହା ସହିତ ଏହି ବ୍ୟାଚ୍ର ପ୍ରଡକ୍ଟ କିଣିଥିବା ଲୋକମାନଙ୍କୁ ମଧ୍ୟ ସତର୍କ କରି ଦିଆଯାଇଛି ଏବଂ ଏହାକୁ ନଖାଇ ଫେରାଇ ଦେଇ ଟଙ୍କା ନେବାକୁ କୁହାଯାଇଛି । ରୋଗ ନିୟନ୍ତ୍ରଣ କେନ୍ଦ୍ର (ସିଡିସି) ଅନୁଯାୟୀ, ଲିଷ୍ଟେରିଆ ସଂକ୍ରମଣ ଖାଦ୍ୟ ଦ୍ୱାରା ହୋଥାଏ । ଯାହ ଏକ ଜୀବାଣୁ ଜନିତ ରୋଗ (ଲିଷ୍ଟେରୋସିସ୍ କୁହାଯାଏ) ସାଧାରଣତଃ ଲିଷ୍ଟେରିଆ ମୋନୋସାଇଟୋଜେନସ୍ ଜୀବାଣୁ ଦ୍ୱାରା ଦୂଷିତ ଖାଦ୍ୟ ଖାଇବା ଦ୍ୱାରା ହୋଇଥାଏ । ଗର୍ଭବତୀ ମହିଳା ଏବଂ ୬୫ ବର୍ଷରୁ ଅଧିକ ବୟସ୍କ ବ୍ୟକ୍ତିମାନଙ୍କ ପ୍ରତି ଏହି ରୋଗ ଦ୍ୱାରା ଅଧିକ ବିପଦ ରହିଥାଏ ।
ବ୍ରିଟେନର ଖାଦ୍ୟ ମାନକ ଏଜେନ୍ସି (ଏଫ୍ଏସ୍ଏ) ଗ୍ରାହକମାନଙ୍କୁ ସେମାନଙ୍କ ୱେବସାଇଟରେ ଉତ୍ପାଦଗୁଡିକର ମିଆଦ ପୂର୍ଣ୍ଣ ତାରିଖ ଯାଞ୍ଚ କରିବାକୁ ଅନୁରୋଧ କରିଛି। ସେହିପରି ସହିତ ସ୍କାଏ ନ୍ୟୁଜ୍ ରିପୋର୍ଟ ଅନୁଯାୟୀ ଯେ କ୍ରୁଞ୍ଚି, ଡେମ୍, ଫ୍ଲେକ୍, ଡେରି ମିଲ୍କ ବଟନ୍ ଏବଂ ଡେରି ମିଲ୍କ ଚୁନ୍ସ ୭୫ ଗ୍ରାମ୍ ଚକୋଲେଟ୍ ବିଷୟରେ ଏଜେନ୍ସି ସତର୍କ ସୂଚନା ଜାରି କରିଛି ।
ମେଟ୍ରୋ କହିଛି ଯେ ଏହି ଖବର ଆସିବା ପରେ ସୁପରମାର୍କେଟ ଚେନ୍ ମଲର୍ ସମସ୍ତ ଚକୋଲେଟର ଫେରାଇ ନିଆଯାଇଛି। ଏଫଏସଏ ଏକ ବିବୃତ୍ତିରେ କହିଛି ଯେ ମଲେର ବିଭିନ୍ନ କ୍ୟାଡବିରୀ ବ୍ରାଣ୍ଡେଡ୍ ଚକଲେଟର କିଛି ବ୍ୟାଚ୍ ଫେରାଇ ଆଣିବା ପାଇଁ ସତର୍କତାମୂଳକ ପଦକ୍ଷେପ ନେଇଛନ୍ତି। ଲିଷ୍ଟେରିଆ ରୋଗର ଲକ୍ଷଣ ଫ୍ଲୁ ସହିତ ସମାନ। ସିଡିସି ଅନୁଯାୟୀ ଏଥିରେ ଜ୍ୱର, ମାଂସପେଶୀ ଯନ୍ତ୍ରଣା , ଥଣ୍ଡା, ଅନୁଭବ କିମ୍ବା ଅସୁସ୍ଥତା ଏବଂ ଝାଡା ଭଳି ଲକ୍ଷଣ ସାମିଲ ଅଛି।
ସ୍ୱାସ୍ଥ୍ୟ ଏଜେନ୍ସି ଏଫଏସଏ ଏହା ମଧ୍ୟ କହିଛି ଯେ ସଂକ୍ରମିତ ବ୍ୟକ୍ତି ଏବଂ ଶରୀରର ଅଙ୍ଗ ଅନୁଯାୟୀ ଲିଷ୍ଟେରିଆ ସଂକ୍ରମଣର ଲକ୍ଷଣ ଭିନ୍ନ ହୋଇଥାଏ। କ୍ୱଚିତ୍ କ୍ଷେତ୍ରରେ, ସଂକ୍ରମଣ ଅଧିକ ଭୟଙ୍କର ହୋଇପାରେ, ଯାହା ମେନିଞ୍ଜାଇଟିସ୍ ଭଳି ଗୁରୁତର ଜଟିଳତା ସୃଷ୍ଟି କରିଥାଏ। ଯଦି ଜଣେ ଗର୍ଭବତୀ ମହିଳା ଲିଷ୍ଟେରୋସିସ୍ ରେ ଆକ୍ରାନ୍ତ ହୁଅନ୍ତି, ତେବେ ଗର୍ଭ ନଷ୍ଟ ହେବାର ଆଶଙ୍କା ରହିଛି।
