SBI ଦେଲା ତାର କାର୍ଡ ବ୍ୟବହାରକାରୀ ମାନଙ୍କୁ ଝଟକା, ଶୁଳ୍କରେ ୧୯୯ ଟଙ୍କା ପର୍ଯ୍ୟନ୍ତ ବୃଦ୍ଧି, ଏହି ଦିନଠାରୁ ଲାଗୁ ହେବ ନୂତନ ଦର
ନୂଆଦିଲ୍ଲୀ: ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ କାର୍ଡ ପେମେଣ୍ଟ ସର୍ଭିସେସ୍ ଏହାର ଗ୍ରାହକଙ୍କୁ ଖୁବ ଶୀଘ୍ର ଝଟକା ଦେବାକୁ ଯାଉଛି। ବ୍ୟାଙ୍କ ପକ୍ଷରୁ ସୂଚନା ଦେଇଛି ଯେ ଏହା ଏସବିଆଇ କ୍ରେଡିଟ୍ କାର୍ଡ ପାଇଁ ଦେୟ ସଂଶୋଧନ କରିବାକୁ ଯାଉଛି , ଯାହା ମାର୍ଚ୍ଚ ୧୭, ୨୦୨୩ ଠାରୁ କାର୍ଯ୍ୟକାରୀ ହେବ।ଏସବିଆଇ କାର୍ଡ ବ୍ୟବହାରକାରୀଙ୍କୁ ପଠାଯାଇଥିବା ଏକ ଏସଏମଏସ ଏବଂ ଇମେଲ ଅନୁଯାୟୀ, କ୍ରେଡିଟ କାର୍ଡ ଜରିଆରେ ଭଡା ପ୍ରଦାନ କରୁଥିବା ବ୍ୟକ୍ତିଙ୍କୁ ବର୍ତ୍ତମାନ ୧୯୯ ଟଙ୍କା ଏବଂ ଅନ୍ୟାନ୍ୟ ପ୍ରଯୁଜ୍ୟ ଟିକସ ଆଦାୟ କରାଯିବ।
ସୂଚନାମୁତାବକ ନଭେମ୍ବର ୨୦୨୨ ରେ କ୍ରେଡିଟ କାର୍ଡ ଭଡା ଦେୟ ପାଇଁ ପ୍ରକ୍ରିୟାକରଣ ଶୁଳ୍କ ୯୯ + ୧୮% ଜିଏସ୍ଟିକୁ ବୃଦ୍ଧି କରାଯାଇଥିଲା । ଏସବିଆଇ କାର୍ଡ ଦ୍ୱାରା ଏହାର ଗ୍ରାହକଙ୍କୁ ଏକ ଇମେଲ ପଠାଯାଇଥିଲା, ସେମାନଙ୍କୁ ଜଣାଇ ଦିଆଯାଇଥିଲା ଯେ ସେମାନଙ୍କ ଏସବିଆଇ କ୍ରେଡିଟ କାର୍ଡ ଉପରେ ଚାର୍ଜ ୧୭,ମାର୍ଚ୍ଚ ୨୦୨୩ରୁ ପୁନଃ ସଂଶୋଧିତ ହେବ।
ରିପୋର୍ଟ ଅନୁଯାୟୀ, ଜାନୁୟାରୀ ୬, ୨୦୨୩ ଠାରୁ, ଏସବିଆଇ କାର୍ଡ ଏବଂ ପେମେଣ୍ଟ ସର୍ଭିସେସ୍ ଏହାର SimpleCLICK କାର୍ଡଧାରୀଙ୍କ ପାଇଁ ସୀମାବଦ୍ଧତାରେ ଅନେକ ପରିବର୍ତ୍ତନ କାର୍ଯ୍ୟକାରୀ କରିଛି, ଏହା ବ୍ୟତୀତ ଆଗକୁ ମଧ୍ୟ ଏସବିଆଇକ୍ରେଡିଟ୍ କାର୍ଡ ସହିତ ଜଡିତ ଫି ସଂଶୋଧନ କରିବାକୁ ଯାଉଛି ।
ଏହି ସମୟରେ, ଅନ୍ୟ ବ୍ୟାଙ୍କଗୁଡିକ ମଧ୍ୟ କ୍ରେଡିଟ କାର୍ଡ ଭଡା ଦେୟ ଉପରେ ଶୁଳ୍କ ଆଦାୟ କରିବ । ଆଇସିସିଆଇ ବ୍ୟାଙ୍କ ଘୋଷଣା କରିଛି ଯେ ଅକ୍ଟୋବର ୨୦, ୨୦୨୨ ରୁ କ୍ରେଡିଟ କାର୍ଡ ଉପରେ ଶୁଳ୍କ ଆଦାୟ କରିବ। ସେହି ଭଳି HDFC ବ୍ୟାଙ୍କ ମୋଟ କାରବାର ରାଶି ଉପରେ ୧ ପ୍ରତିଶତ ଶୁଳ୍କ ଆଦାୟ କରିବ ।
