ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନାକୁ ନେଇ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଡ ସୂଚନା
ନୂଆଦିଲ୍ଲୀ: ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା(MGNREGA) ମାଧ୍ୟମରେ କେନ୍ଦ୍ର ସରକାର ଗତ ଆଠ ବର୍ଷ ମଧ୍ୟରେ ୫ ଲକ୍ଷ କୋଟି ଟଙ୍କା ଖର୍ଚ୍ଚ କରିଛି। ଏଥିମଧ୍ୟରୁ ୨୦ ପ୍ରତିଶତ କୋଭିଡ -୧୯ ମହାମାରୀ ସମୟରେ ଖର୍ଚ୍ଚ ହୋଇଥିଲା। ଏନେଇ ସୂଚନା ଦେଇଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ। ତେଲେଙ୍ଗାନାର କାମାରେଡି ଜିଲ୍ଲାର ଗଣମାଧ୍ୟମ ସହ ଆଲୋଚନା କରି ସୀତାରମଣ କହିଛନ୍ତି ଯେ ଗତ ଆଠ ବର୍ଷ ମଧ୍ୟରେ MNREGA ଯୋଜନା ଅଧୀନରେ ରାଜ୍ୟକୁ ୨୦ ହଜାର କୋଟି ଟଙ୍କା ପ୍ରଦାନ କରାଯାଇଛି।
ଏହି ସମୟ ମଧ୍ୟରେ ସମଗ୍ର ଦେଶରେ ପାଞ୍ଚ ଲକ୍ଷ କୋଟି ଟଙ୍କା ଖର୍ଚ୍ଚ କରାଯାଇଥିଲା ଯେଉଁଥିରୁ କୋଭିଡ -୧୯ ସମୟରେ ୨୦୨୦-୨୧ ମଧ୍ୟରେ ୨୦ପ୍ରତିଶତରୁ ଅଧିକ ଖର୍ଚ୍ଚ କରାଯାଇଥିଲା। ଏଥିରେ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଯେ ଯଦି ଟଙ୍କା ସଠିକ୍ ଭାବରେ ଖର୍ଚ୍ଚ ହେଉନାହିଁ କିମ୍ବା ଅଡିଟ୍ ରିପୋର୍ଟରେ ଯଦି କୌଣସି ମତାମତ ରହୁଛି ତେବେ, ତେବେ ଯେକୌଣସି ରାଜ୍ୟକୁ ସର୍ଭେ ଦଳ ଆସି ତଦନ୍ତ କରିପାରନ୍ତି।
ଏହି ଯୋଜନାକୁ ସ୍ଥଗିତ ରଖିବା ପାଇଁ ସର୍ଭେ ଦଳ ପଠାଯାଉଥିବା ଅଭିଯୋଗର ଜବାବରେ ସେ କହିଛନ୍ତି ଯେ କୌଣସି ଅସଙ୍ଗତ କାର୍ଯ୍ୟ ହେଲେ ସେମାନଙ୍କୁ ସଂଶୋଧନ ପାଇଁ ସର୍ଭେ ଦଳ ପଠାଯିବ। ଅର୍ଥମନ୍ତ୍ରୀ କହିଛନ୍ତି ଯେ ୟୁପିଏ ସରକାରଙ୍କ କାର୍ଯ୍ୟକାଳ ମଧ୍ୟରେ ଏହି ଯୋଜନାରେ ଅନେକ ତ୍ରୁଟି ଦେଖାଦେଇଛି, ଯାହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାର ହଟାଇ ଦେଇଛନ୍ତି ଏବଂ ଏହା ବର୍ତ୍ତମାନ ପ୍ରତ୍ୟକ୍ଷ ଲାଭ ଟ୍ରାନ୍ସଫର ମାଧ୍ୟମରେ କାର୍ଯ୍ୟକାରୀ ହେଉଛି।
ତେଲେଙ୍ଗାନା ସରକାରଙ୍କୁ ଟାର୍ଗେଟ କରି ସେ ଅଭିଯୋଗ କରିଛନ୍ତି ଯେ କେ ଚନ୍ଦ୍ରଶେଖର ରାଓ ସରକାର ରାଜ୍ୟସଭାକୁ ସୂଚନା ନ ଦେଇ ଏବଂ ବଜେଟରେ ଉଲ୍ଲେଖ ନକରି ଋଣ ନେଉଛନ୍ତି। କୃଷକ ଆତ୍ମହତ୍ୟା ମାମଲାରେ ରାଜ୍ୟ ଚତୁର୍ଥ ସ୍ଥାନରେ ରହିଛି ବୋଲି ସୀତାରମଣ କହିଛନ୍ତି।
