୨୮ ଦିନର ମୋବାଇଲ ରିଚାର୍ଜ କରାଇବେ ମୋଦି ସରକାର! କ’ଣ ଆସୁଛି ନୂଆ ସ୍କିମ୍
ନୂଆଦିଲ୍ଲୀ: ସାଧାରଣ ଜନତାଙ୍କୁ ଆର୍ଥିକ ସହାୟତା ଦେବା ପାଇଁ ବିଭିନ୍ନ ଯୋଜନା ପ୍ରଣୟନ କରୁଛନ୍ତି କେନ୍ଦ୍ର ସରକାର । ପିଲାଠୁ ବୁଢା ଏବଂ ମହିଳା ପର୍ଯ୍ୟନ୍ତ ସମସ୍ତଙ୍କ ପାଇଁ ସରକାର କିଛି ନା କିଛି ଯୋଜନା କରିଛନ୍ତି । ତେବେ ବର୍ତ୍ତମାନ ଲୋକଙ୍କ ପାଇଁ ମାଗଣାରେ ମୋବାଇଲ ରିଚାର୍ଜ କରୁଛନ୍ତି ମୋଦି ସରକାର । ଏ ନେଇ ସୋସିଆଲ ମିଡିଆରେ ଏକ ଖବର ଭାଇରାଲ ହେବାରେ ଲାଗିଛି । ତେବେ ଏହି ଖବରରେ କେତେ ସତ୍ୟତା ରହିଛି?
ଏବେ ଆପଣଙ୍କ ଫୋନରେ ୨୮ ଦିନର ରଚାର୍ଜ ହେଉଛି କି? ତେବେ ଏହି ଖବରର ସତ୍ୟତାକୁ ନେଇ ଫ୍ୟାକ୍ଟ ଚେକ କରିଛି ପିଆଇବି । ତେବେ ପରେ ଟ୍ୱିଟ କରି ପିଆଇବି ଏହାର ପ୍ରକୃତ ସତ୍ୟତା ପଦାକୁ ଆଣିଛି । ଏହି ଟ୍ୱିଟରେ ପିଆଇବି ସ୍ପଷ୍ଟ କରିଛି ଯେ, ହ୍ୱାଟ୍ସଆପରେ ଏକ ମେସେଜ ଭାଇରାଲ ହେଉବାରେ ଲାଗିଛି । ଏହି ଭିଡିଓରେ କୁହାଯାଉଛି ଯେ, କେନ୍ଦ୍ର ସରକାରଙ୍କ ଦ୍ୱାରା ‘ଫ୍ରି ମୋବାଇଲ ରିଚାର୍ଜ ଯୋଜନା’ ଅଧୀନରେ ସମସ୍ତ ଭାରତୀୟ ୟୁଜର୍ସଙ୍କୁ ୨୮ ଦିନର ରିଚାର୍ଜ ମାଗଣାରେ ପ୍ରଦାନ କରାଯାଉଥିବା ନେଇ ଭିଡିଓରେ ଦାବି ହୋଇଛି ।
🚩SCAM ALERT🚩
एक #WhatsApp मैसेज में दावा किया जा रहा है कि केन्द्र सरकार द्वारा 'फ्री मोबाइल रिचार्ज योजना' के तहत सभी भारतीय यूजर्स को 28 दिन का रिचार्ज फ्री में दिया जा रहा है#PIBFactCheck
✅यह दावा #फ़र्ज़ी है।
✅केन्द्र सरकार द्वारा ऐसी कोई योजना नहीं चलाई जा रही है। pic.twitter.com/HwZx0RJfy7
— PIB Fact Check (@PIBFactCheck) March 14, 2023
ତେବେ ଫ୍ୟାକ୍ଟ ଚେକ ପରେ ଏହି ଭିଡିଓକୁ ନକଲି ବୋଲି ସ୍ପଷ୍ଟ କରିଛି ପିଆଇବି । କେନ୍ଦ୍ର ସରକାରଙ୍କ ଦ୍ୱାରା ଏମିତି କୌଣସି ଯୋଜନା ପ୍ରଣୟନ କରାଯାଇ ନାହିଁ ବୋଲି ଜଣାଯାଇଛି । ତେଣୁ ଏହି ପ୍ରକାର ମେସେଜଗୁଡିକୁ ଅନ୍ୟମାନଙ୍କ ସହ ସେୟାର ନ କରିବାକୁ କେନ୍ଦ୍ର ସରକାର ପରାମର୍ଶ ଦେଇଛନ୍ତି । ଏହାସହିତ କୌଣସି ସରକାରୀ ଯୋଜନା ବିଷୟରେ ଜାଣିବା ପାଇଁ କେବଳ ଅଫିସିଆଲ ୱେବସାଇଟକୁ ଫଲୋ କରିବା ପାଇଁ ମଧ୍ୟ କୁହାଯାଇଛି ।
