ସ୍ପିନର ସେଟରେ ଅଧିକ ଦାମରେ ବିକ୍ରି ହେଲେ ୟୁଜବେନ୍ଦ୍ର ଚହଲ: ପଛରେ ପଡିଲେ ଷ୍ଟାର ସ୍ପିନର

ବେଙ୍ଗଲୁରୁ: ୨୦୨୨ ଇଣ୍ଡିଆନ ପ୍ରିମିୟର ଲିଗ୍ ର ମେଗା ଅକ୍ସନରେ ୟୁଜବେନ୍ଦ୍ର ଚହଲଙ୍କୁ ମିଳିଛି କୋଟି କୋଟି ଟଙ୍କାର ଉପହାର । ସ୍ପିନର ବୋଲରଙ୍କ ତାଲିକାରେ ବଡ ବଡ ତାରକାଙ୍କୁ ପଛରେ ପକାଇଛନ୍ତି ଚହଲ । ଇମ୍ରାନ ତାହିର, ଆଦିଲ ରାଶିଦଙ୍କ ଭଳି ଖେଳାଳି ଚଳିତ ଅକ୍ସନରେ ବିକ୍ରି ହୋଇ ନଥିବା ବେଳେ ଚହଲଙ୍କ ଦାମ ରହିଛି ସବୁଠୁ ଅଧିକା । ୬.୨୫ କୋଟି ଟଙ୍କାରେ ଚହଲଙ୍କୁ ଦଳରେ ସାମିଲ କରିଛି ରାଜସ୍ଥାନ ରୋୟଲ୍ସ ।

ଭାରତୀୟ ଦଳର ଷ୍ୟାର ସ୍ପିନର ୟୁଜବେନ୍ଦ୍ର ଚହଲଙ୍କୁ ମିଳିଛି ୨୦୨୨ ବର୍ଷର ବଡ ଉପହାର । ରାଜସ୍ତାନ ରୋୟଲ୍ସ ଦଳ ପକ୍ଷରୁ ୬.୨୫ କୋଟି ଟଙ୍କା ପାଇ ସେ ଆରସିବିର ହାତ ଛାଡିଛନ୍ତି । ୨ କୋଟି ଟଙ୍କାର ବେସ ପ୍ରାଇସରେ ଅକ୍ସନରେ ଭାଗ ନେଇଥିବା ଚହଲ ସର୍ବାଧିକ ୬.୨୫ କୋଟି ଟଙ୍କାରେ ବିକ୍ରି ହୋଇଛନ୍ତି । ତେବେ ଏହି ସେଟରେ ଅନ୍ୟ ଖେଳାଳି ଭାବେ ରାହୁଲ ଚହରଙ୍କ ଦାମ ସ୍ଥିର ହୋଇଛି ୫.୨୫ କୋଟି ଟଙ୍କା । ଚଳିତ ସିଜନରେ ମୁମ୍ବାଇ ହାତ ଛାଡି ପଞ୍ଜାବ ପକ୍ଷରୁ ଖେଳିବେ ରାହୁଲ ଚହର । ତେବେ ଏହି କ୍ଷେତ୍ରରେ ସବୁଠାରୁ କମ ଟଙ୍କାରେ ବିକ୍ରି ହୋଇଛନ୍ତି ଭାରତର ଅନ୍ୟତମ ଚାଇନାମ୍ୟାନ ବୋଲର କୁଳଦୀପ ଯାଦବ । ବେସ ପ୍ରାଇସ ୨ କୋଟ ଟଙ୍କାରେ ହିଁ ତାଙ୍କୁ ନିଜ ଦଳରେ ସାମିଲ କରିଛି ଦିଲ୍ଲୀ କ୍ୟାପିଟାଲ୍ସ ।