ମହାରାଷ୍ଟ୍ର ନିର୍ବାଚନର ଠିକ ପୂର୍ବରୁ ବଦଳିଲା ଉଦ୍ଧବ ପାର୍ଟୀର ଦଳୀୟ ଚିହ୍ନ, ଜାଣନ୍ତୁ କାରଣ

ନୂଆଦିଲ୍ଲୀ: ମହାରାଷ୍ଟ୍ରରେ ବିଧାନସଭା ନିର୍ବାଚନ ପାଇଁ ଜୋରଦାର ପ୍ରସ୍ତୁତି ଚାଲିଛି। ନିର୍ବାଚନ ପାଇଁ ରାଜନୈତିକ ଦଳମାନେ ନିଜ ନିଜର ପ୍ରଚାର ଚଳାଇଛନ୍ତି। ନିର୍ବାଚନ ପ୍ରସ୍ତୁତି ମଧ୍ୟରେ ଉଦ୍ଧବ ଠାକରେଙ୍କ ପାର୍ଟୀ ଶିବସେନା ୟୁବୁଟିକୁ ନେଇ ବଡ଼ ଖବର ସାମ୍ନାକୁ ଆସିଛି। ଶିବସେନା ୟୁବିଟିର ଦଳୀୟ ଚିହ୍ନରେ ପରିବର୍ତ୍ତନ କରାଯାଇଛି। ଶିବସେନା ୟୁବିଟି ଦଳର ଦଳୀୟ ଚିହ୍ନ ମଶାଲ ଅଟେ। ଏହି ଦଳୀୟ ଚିହ୍ନରେ ସ୍ୱଳ୍ପ ପରିବର୍ତ୍ତନ କରାଯାଇଛି। ଆସନ୍ତୁ ଜାଣିବା ଯେ, ବିଧାନସଭା ନିର୍ବାଚନର ଠିକ ପୂର୍ବରୁ ଉଦ୍ଧବ ପାର୍ଟୀର ଦଳୀୟ ଚିହ୍ନରେ ପରିବର୍ତ୍ତନ କାହିଁକି କରାଯାଇଛି।

ଶିବସେନା ୟୁବିଟି ପାର୍ଟୀକୁ ସଂଶୋଧନ ‘ମଶାଲ’ ଦଳୀୟ ଚିହ୍ନ ମିଳିଛି। ଲୋକସଭା ନିର୍ବାଚନ ୨୦୨୪ରେ ଉଦ୍ଧବ ଠାକରେ ପାର୍ଟୀ ପକ୍ଷରୁ ମଶାଲ ଦଳୀୟ ଚିହ୍ନର ଆଇସ୍କ୍ରିମ କୋନ ଭଳି ଦେଖାଯାଉଥିବା କଥା କହିଥିଲେ। ଏହି କାରଣ ଯୋଗୁଁ ଦଳୀୟ ଚିହ୍ନରେ ପରିବର୍ତ୍ତନ କରାଯାଇଛି। ଶିବସେନା ୟୁବିଟିକୁ ବର୍ତ୍ତମାନ ଯେଉଁ ଦଳୀୟ ଚିହ୍ନ ମିଳିଛି, ସେଥିରେ ପରିବର୍ତ୍ତନ କରାଯାଇ ସ୍ପଷ୍ଟ ମଶାଲ ଦେଖିବାକୁ ମିଳିଛି। ଏହି କଥାର ପ୍ରଚାର ପାର୍ଟୀ ପକ୍ଷରୁ କରାଯାଉଛି।

ଅନ୍ୟ ପକ୍ଷରେ ମହାବିକାଶ ଅଘାଡୀରେ ସିଟ ସେୟାରିଂର ପ୍ରସଙ୍ଗକୁ ନେଇ ଟଣାଓଟରା ଚାଲିଛି। ଉଦ୍ଧବ ଠାକରେ କହିଛନ୍ତି ଯେ, ଯେଉଁଠାରେ ଗୋଟିଏରୁ ଅଧିକ ଦଳ ମିଶି ନିର୍ବାଚନ ଲଢୁଛନ୍ତି, ସେଠାରେ ସିଟକୁ ନେଇ ବିବାଦ ଦେଖାଦେବ। ସେ ଆହୁରି କହିଛନ୍ତି ଯେ, ନିର୍ବାଚନ ପୂର୍ବରୁ ସିଟ ସେୟାରିଂ ଧାର୍ଯ୍ୟ ହୋଇଯିବ।