ଜାନୁଆରୀରୁ ଦିଆଯିବ ପିଲାଙ୍କୁ ଟିକା: ଘୋଷଣା କଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ଦେଶକୁ ସମ୍ବୋଧନ କରିବା ଅବସରରେ ବଡ଼ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଦେଶକୁ ସମ୍ବୋଧନ କରିବା ସହ ସତର୍କ ରହିବା ଏବଂ ନିୟମ ମାନିବାକୁ ନିବେଦନ କରିଛନ୍ତି ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ ଦେଶକୁ ସମ୍ବୋଧନ କରି କହିଛନ୍ତି ୩ ଜାନୁଆରୀ ୨୦୨୨ ସୋମବାର ଠାରୁ ପିଲାଙ୍କୁ ଟିକାକରଣ କରାଯିବ । ୩ ଜାନୁଆରୀରୁ ପ୍ରଥମେ ୧୫ ବର୍ଷରୁ ୧୮ ବର୍ଷ ବୟସର ପିଲାଙ୍କୁ ଟିକା ଦିଆଯିବା ନେଇ ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ କହିଛନ୍ତି ଏହି ନିଷ୍ପତ୍ତି କରୋନା ବିରୋଧରେ ଦେଶର ଲଢ଼େଇକୁ ମଜବୁତ କରିବା ସହ ସ୍କୁଲ କଲେଜ ଯାଉଥିବା ପିଲା ତଥା ମାତା-ପିତାଙ୍କ ଚିନ୍ତା ଦୂର କରିବ ।
