୨୦୩୨ ମସିହାର ଏହି ଦିନରେ କ’ଣ ପୃଥିବୀକୁ ଧକ୍କା ଦେବ ଆଷ୍ଟରଏଡ୍? ନାସା କଲା ନୂଆ ଭବିଷ୍ୟବାଣୀ

ନୂଆଦିଲ୍ଲୀ: ନ୍ୟାସନାଲ ଏରୋନଟିକ୍ସ ଆଣ୍ଡ ସ୍ପେସ୍ ଆଡମିନିଷ୍ଟ୍ରେସନ୍ (ନାସା) ୨୦୨୪ ୱାଇଆର୪ ଆଷ୍ଟରଏଡର ଦିଗକୁ ନିକଟରୁ ଅନୁସରଣ କରୁଛି । ପ୍ରକୃତରେ ୨୦୨୪ ୱାଇଆର୪ ହେଉଛି ଏକ ଆଷ୍ଟରଏଡ୍, ଯାହା ପୃଥିବୀ ସହିତ ଧକ୍କା ହେବାର ସମ୍ଭାବନା ଅଛି, ଫଳରେ ଅନେକ ସହର ଧ୍ୱଂସ ହୋଇପାରେ ।
ଏକ ରିପୋର୍ଟ ଅନୁଯାୟୀ, କୁହାଯାଉଛି ଯେ ଏହି ଆଷ୍ଟରଏଡ୍ ୨୨ ଡିସେମ୍ବର ୨୦୩୨ ରେ ପୃଥିବୀ ସହିତ ଧକ୍କା ହୋଇପାରେ । ଅବଶ୍ୟ ୨୦୨୪ ମସିହାରେ ଏହାର ଧକ୍କାର ସମ୍ଭାବନା ୩.୧% ଥିଲା, ଯାହା ଏବେ ୧.୫%କୁ ହ୍ରାସ ପାଇଛି ।

ନାସା ଗୁରୁବାର ଅର୍ଥାତ୍ ୨୦ ଫେବୃଆରୀ ୨୦୨୫ ସକାଳେ ଏହାର ଅଫିସିଆଲ୍ ଏକ୍ସ (ପୁରୁଣା ନାମ ଟ୍ୱିଟର)ରେ ପୋଷ୍ଟ କରି ଏହି ସୂଚନା ଦେଇଛି । ୱାଇଆର୪ ନାମକ ଏହି ଆଷ୍ଟରଏଡ୍ ଉପରେ ନାସା କଡ଼ା ନଜର ରଖିଛି । ଏହି ଆମେରିକୀୟ ମହାକାଶ ସଂସ୍ଥା ଏହି ଗ୍ରହାଣୁକୁ ନିରନ୍ତର ଏକ ଟେଲିସ୍କୋପ ମାଧ୍ୟମରେ ପର୍ଯ୍ୟବେକ୍ଷଣ କରୁଛି ଏବଂ ସେହି ଆଧାରରେ ଏହା ପୃଥିବୀ ସହିତ ଧକ୍କା ହେବାର ସମ୍ଭାବନାର ପୂର୍ବାନୁମାନ କରୁଛି ।

କ’ଣ ଗ୍ରହାଣୁ ପୃଥିବୀକୁ ଧକ୍କା ଦେବ?

ପୂର୍ଣ୍ଣିମା ପାଖାପାଖି ଗୋଟିଏ ସପ୍ତାହ ପାଇଁ ଏହାକୁ ଦେଖିବା କଷ୍ଟକର ଥିଲା, କିନ୍ତୁ ଏବେ ଆକାଶ ସଫା ହୋଇଯାଇଥିବାରୁ ଜ୍ୟୋତିର୍ବିଜ୍ଞାନୀମାନେ ଏହାକୁ ପୁଣି ଥରେ ଦେଖିଛନ୍ତି । ନାସା ସେଣ୍ଟର ଫର ନିୟର-ଆର୍ଥ ଅବଜେକ୍ଟ ଷ୍ଟଡିଜ୍ ଫେବୃଆରୀ ୧୮ ତାରିଖରେ କହିଥିଲା ଯେ ୨୦୨୪ ୱାଇଆର୪ ନାମକ ଏହି ଆଷ୍ଟରଏଡର ପୃଥିବୀକୁ ଧକ୍କା ଦେବାର ୩.୧% ସମ୍ଭାବନା ଥିଲା, କିନ୍ତୁ ଫେବୃଆରୀ ୧୯ ତାରିଖରେ ରାତାରାତି ନୂତନ ସୂଚନା ମିଳିବା ପରେ, ସେହି ସମ୍ଭାବନା ୧.୫% କୁ ହ୍ରାସ ପାଇଲା ।