Breaking: ଡବଲ୍ ଡେକର ବସ୍ର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ, ଗାଡ଼କଣାରୁ ଜନତା ମଇଦାନ ଯାଏଁ କଲେ ଯାତ୍ରା
ଗାଡ଼କଣାରେ ଡକଲ ଡେକର ବସର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ । ଭୁବନେଶ୍ବରରେ ଗଡିବ 5 ବସ୍ ।
ଭୁବନେଶ୍ବର: ବୁଧବାର ଠାରୁ ଭୁବନେଶ୍ବରରେ ପ୍ରବାସୀ ଭାରତୀୟ ସମ୍ମିଳନୀ ହେବାକୁ ଥିବା ବେଳେ ଆଜି ଡବଲ୍ ଡେକର ବସର ଶୁଭାରମ୍ଭ ହୋଇଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହାର ଶୁଭାରମ୍ଭ କରିଛନ୍ତି ।
5ଟି ଡବଲ ଡେକର, 10ଟି ହପ୍ ଅନ୍ ଅଫ୍ ବସର ମଧ୍ୟ ଶୁଭାରମ୍ଭ କରାଯାଇଛି। ଏଥିସହିତ 25ଟି ଶ୍ରୀମନ୍ଦିର ପ୍ରଶାସନର ବସର ମଧ୍ୟ ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ।
ଏହି ଡବଲ ଡେକର ବସରେ ପ୍ରବାସୀମାନେ ଯାତାୟତ କରିବେ । ସେହିପରି ଶ୍ରୀମନ୍ଦିର ପ୍ରଶାସନ ବସଗୁଡିକ ପୁରୀ ଭିତରେ ଯାତାୟତ କରିବ ।
ଗାଡ଼କଣା ଠାରେ ଏହି ଡବଲ ଡେକର ବସର ଶୁଭାରମ୍ଭ କରିବା ପରେ ମୁଖ୍ୟମନ୍ତ୍ରୀ ଖୋଦ ଏହି ବସରେ ବସିଛନ୍ତି । ଗାଡ଼କଣାଠାରୁ ଜନତା ମଇଦାନ ପର୍ଯ୍ୟନ୍ତ ମୋହନ ମାଝୀ ବସରେ ଯାତ୍ରା କରିଛନ୍ତି ।
ଏହି ଅବସରରେ ନଗର ଉନ୍ନୟନ ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ର, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ, ଭୁବନେଶ୍ୱର ସାଂସଦ ଆପରାଜିତା ଷଡ଼ଙ୍ଗୀ, ଭୁବନେଶ୍ୱର ଏକାମ୍ରା ବିଧାୟକ ବାବୁ ସିଂ ଯୋଗ ଦେଇଥିଲେ ।