ରିଲ୍ସ ପାଇଁ ମଣିଷର ହୀନ ମାନସିକତା! View ପାଇଁ ମାଙ୍କଡ-କ୍ରୋବାକୁ କଲା ଆମ୍ନାସାମ୍ନା, ତାପରେ…
ନୂଆଦିଲ୍ଲୀ: ସୋସିଆଲ ମିଡିଆରେ ରିଲ୍ସ କରିବା ପାଇଁ ଦିନକୁ ଦିନ ତଳକୁ ଖସି ଯାଉଛି ମଣିଷ । ବନ୍ୟ ଜନ୍ତୁଙ୍କୁ ମଧ୍ୟ ଛାଡୁନାହିଁ । ଏଭଳି ଅନେକ ଭିଡିଓ ଭାଇରାଲ ହେଉଛି । ଏହାରି ଭିତରେ କିଛି ଭିଡିଓ ହୃଦୟକୁ ଛୁଉଁଥିବା ବେଳେ ଆଉ କିଛି ଭିଡିଓ ହୃଦୟକୁ ଦୋହଲାଇଲା ଭଳି ଲାଗୁଛି । ଏହାରି ଭିତରେ ଆଉ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ମାଙ୍କଡ ଏବଂ କୋବ୍ରା ଏକାଠି ନଜର ଆସୁଛନ୍ତି । ମାଙ୍କଡ କୋବ୍ରାକୁ ଧରି ବେକରେ ଗୁଡାଉଥିବା ବେଳେ କ୍ରୋବା ମଧ୍ୟ ମାଙ୍କଡକୁ ଚାହିଁ ରହିଥିବା ଦେଖାଯାଇଛି । ତବେ ସୋସିଆଲ ମିଡିଆରେ ଭିଡିଓ କରି ଅପଲୋଡ କରିଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଇଛି । ଜଣେ ଆଇଏଫଏସ ଅଧିକାରୀ ମଧ୍ୟ ଏହାକୁ ନେଇ କଡା ପ୍ରତିକ୍ରିୟା ମଧ୍ୟ ଦେଇଛନ୍ତି ।
ସୋସିଆଲ ମିଡିଆରେ ଏହି ଭିଡିଓ ଖୁବ ଭାଇରାଲ ହେବାରେ ଲାଗିଛି । 56 ସେକେଣ୍ଡର ଏହି ଭିଡିଓକୁ 5.6 ମିଲିୟନ ଲୋକ ଦେଖିସାରିଥିବା ବେଳେ 24 ହଜାରରୁ ଅଧିକ ଏହାକୁ ଲାଇକ ମଧ୍ୟ କରିଛନ୍ତି । ଜଣେ ଆଇଏଫଏସ ଅଧିକାରୀ ଏହାକୁ ରିପୋଷ୍ଟ କରି ଲେଖିଛନ୍ତି, ଏହାକୁ ଅଧିକା ବିଶ୍ଲେଷଣ ନକରି ମନୁଷ୍ୟର ମୁର୍ଖତାର ଯାଞ୍ଚ କରିବା ଜରୁରୀ ଅଟେ । ଏଭଳି ଲୋକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଜରୁରୀ ବୋଲି ଅନେକ ୟୁଜର୍ସ ପ୍ରତିକ୍ରିୟା ଦେଉଛନ୍ତି ।
