କୋକାକୋଲା, ପେପସି ପୁରୁଷଙ୍କ ଯୌନ ସ୍ୱାସ୍ଥ୍ୟରେ ଉନ୍ନତି ଆଣିପାରେ- ରିସର୍ଚ୍ଚରୁ ହେଲା ଖୁଲାସା

ନୂଆଦିଲ୍ଲୀ: ଯଦି ଆପଣ ବର୍ତ୍ତମାନ ପର୍ଯ୍ୟନ୍ତ କୋକାକୋଲା, ପେପସି ଏବଂ ଅନ୍ୟାନ୍ୟ ବାୟୁଯୁକ୍ତ ଥଣ୍ଡା ପାନୀୟରୁ ଦୂରେଇ ରହିଛନ୍ତି, ତେବେ ଏହି ଖବର ଆପଣଙ୍କ ପାଇଁ ଟିକିଏ ଆଶ୍ଚର୍ଯ୍ୟକର ହୋଇପାରେ । କାରଣ ଏହାକୁ ପିଇବାର ଫାଇଦା ବିଷୟରେ ଆପଣ ଥରେ ଜାଣିଲେ ଏହାକୁ ପୁନର୍ବାର ପିଇବା ପାଇଁ ଇଚ୍ଛା ପ୍ରକାଶ କରିବେ (ବିଶେଷ କରି ପୁରୁଷମାନେ)।

ନିକଟରେ ହୋଇଥିବା ଏକ ଅଧ୍ୟୟନରେ ଏହା ଜଣାପଡିଛି ଯେ ଏହି ଥଣ୍ଡା ପାନୀୟଗୁଡ଼ିକ ପୁରୁଷମାନଙ୍କରେ ଟେଷ୍ଟୋଷ୍ଟେରନ୍ ସ୍ତର ବଢାଇପାରେ । ଆଜ୍ଞା ହଁ, ଆପଣ ଠିକ୍ ପଢିଛନ୍ତି! ଚାଇନାର ଉତ୍ତର-ପଶ୍ଚିମ ମିନଜୁ ବିଶ୍ୱବିଦ୍ୟାଳୟର ଏକ ଟିମ୍‌ର ଦ୍ୱାରା କରାଯାଇଥିବା ଏହି ଅଧ୍ୟୟନ ଅନୁସନ୍ଧାନରେ କାର୍ବୋନେଟେଡ୍ ପାନୀୟର ଉର୍ବରତା ଉପରେ ପ୍ରଭାବ ଦେଖିବାକୁ ମିଳିଥିଲା । ଏହା ମଧ୍ୟ ଦେଖିବାକୁ ମିଳିଥିଲା ଯେ ଏହି ପାନୀୟଗୁଡ଼ିକ ପୁରୁଷଙ୍କ ଅଣ୍ଡକୋଷର ଆକାର ଏବଂ ସାମଗ୍ରିକ ଯୌନ ସ୍ୱାସ୍ଥ୍ୟକୁ ବଢାଇପାରେ। ଏହି ରିସର୍ଚ୍ଚ ଆକ୍ଟା ଏଣ୍ଡୋକ୍ରିନୋଲ ପତ୍ରିକାରେ ପ୍ରକାଶିତ ହୋଇଥିଲା।

ପୁର୍ବରୁ ପ୍ରକାଶିତ ରିପୋଟ ଅନୁଯାୟୀ, ଖରାପ ପ୍ରଜନନ କାର୍ଯ୍ୟ ଏବଂ ଶୁକ୍ରାଣୁ ସ୍ୱାସ୍ଥ୍ୟ ହ୍ରାସ କରେ ବୋଲି କୁହାଯାଇଥିଲା। ଅବଶ୍ୟ, ଏହି ନୂତନ ଅଧ୍ୟୟନର ଅନୁସନ୍ଧାନକାରୀମାନେ ଟେଷ୍ଟୋଷ୍ଟେରନ୍ ଆସିବାବେଳେ ଏହାର ବିପରୀତ ବୋଲି ଜାଣିବାକୁ ପାଇଲେ । ପ୍ରକୃତରେ, ସର୍ବଶେଷ ଅଧ୍ୟୟନର ଅନୁସନ୍ଧାନ ପୂର୍ବ ଅଧ୍ୟୟନର ସମ୍ପୂର୍ଣ୍ଣ ବିରୋଧ କରିଥିଲା ବୋଲି ଅନୁସନ୍ଧାନକାରୀମାନେ କହିଛନ୍ତି ।

ଏହି ରିପୋର୍ଟ(ନିକଟରେ ହୋଇଥିବା ରିସଚ୍ଚ) ପ୍ରସ୍ତୁତ କରିଥିବା ଟିମ୍ କିଛି ପୁରୁଷ ମୂଷାଙ୍କୁ ନେଇ ୧୫ ଦିନ ବ୍ୟବଦାନରେ ପରୀକ୍ଷା କରିଥିଲେ । ଏଥିରେ ଗୋଟିଏ ଗ୍ରୁପ୍‌କୁ ସାଧାରଣ ପାଣି ଦିଆଯାଇଥିବା ବେଳେ ବାକି ଗ୍ରୁପ୍‌ର ଲୋକଙ୍କୁ କୋକା-କୋଲା, ପେପ୍‌ସି ଦିଆଯାଇଥିଲା । ଏହି ସମୟରେ ଡାକ୍ତରମାନେ ସେମାନଙ୍କର ରକ୍ତ ପରୀକ୍ଷା, ଓଜନ ଏବଂ ଅଣ୍ଡକୋଷର ଆକାର ମାପ୍ କରିଥିଲେ ।

ପରୀକ୍ଷା ପରେ ଏହା ଦେଖାଗଲା ଯେ ୧୫ ଦିନ ସୁଦ୍ଧା କୋକା-କୋଲା, ପେପ୍‌ସି ପିଇଥିବା ମୂଷାଙ୍କ ଗୋଷ୍ଠୀ ‘ଯଥେଷ୍ଟ ବୃଦ୍ଧି ପାଇଛି” । ଏଥିସହ ଏହା ମଧ୍ୟ ଜଣାପଡିଛି ଯେ ଅଧିକ ମାତ୍ରାରେ ପାନୀୟ ପୁରୁଷ ମୂଷାରେ ଟେଷ୍ଟୋଷ୍ଟେରନ୍ କ୍ଷରଣରେ ଉନ୍ନତି ଆଣିଥାଏ । ଅନୁସନ୍ଧାନକାରୀଙ୍କ ଅନୁଯାୟୀ, ଏହା ପୁରୁଷମାନଙ୍କଠାରେ ପ୍ରୋଷ୍ଟେଟ ଅସୁବିଧାକୁ ରୋକିବାରେ ସାହାଯ୍ୟ କରିଥାଏ ।

ଏହି ଅଧ୍ୟୟନ ପରେ ଅଧ୍ୟୟନର ଲେଖକମାନେ କହିଛନ୍ତି ଯେ ଆମର ଅନୁସନ୍ଧାନଗୁଡିକ କାର୍ବୋନେଟେଡ୍ ପାନୀୟ ପ୍ରଭାବ ଏବଂ ମଣିଷର ବିକାଶ ଏବଂ ପ୍ରଜନନ କାର୍ଯ୍ୟ ଉପରେ ସେମାନଙ୍କର ଯନ୍ତ୍ରୀକ କୌଶଳକୁ ସମ୍ପୂର୍ଣ୍ଣ ଭାବରେ ବୁଝିବା ପାଇଁ ବୈଜ୍ଞାନିକ ଭିତ୍ତି ପ୍ରଦାନ କରିଛି । ତଥାପି, ସେମାନେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ସୋଡା ଏବଂ ଫଟିଲିଟି ମଧ୍ୟରେ ଲିଙ୍କ ପ୍ରତିଷ୍ଠା ପାଇଁ ଅଧିକ ଅଧ୍ୟୟନ କରାଯିବା ଆବଶ୍ୟକ ।